Isaiah 41

41 ¹Kasaikha eina iwui pongli nganālu, O ngayiphei; mibingna athumwui pangshap dharngasakluiranu. Athumna rānganaida hāngranu; ithum katonga bichar sākhavai rānganaira.

²Khamashung khangarong eina ali hokhuida awui thi shurkhavai, khipāna zingshowui eina akha ngaphaokhala? Ana miyurbingli awui pāngli horsangmi kala awungabingli awui mangāli hamsang ngasaka; ana awui raighai eina athumli chifa thāda, kala awui malā eina masina phanthui kahai lanji thāda sāmi. ³Ana athumli kharomda awui pheina makazatkahai shongfali chingri eina zatvāhaowa. ⁴Haokaphokwui eina thotbingli hokhuida, khipāna hi sāda sākhala? Ina Avā na; ina khare, kala khanaowabingla ngasoda lei; Ina chi na.

⁵Ngayiphei chi theihaida ngacheehaira; okathui achikunbing nganuka; athumna rānganaida rāhaira. ⁶Mi kachiva̱na akhalattawui khongnainaoli khangachonmida akhalattawui achināli hānga, "Pingmeilu!" ⁷Them-kathemana sinā kasaali pangngasaka, kala yāmkār eina semkakhui mina shaopamli shaowa mili, shaoshantit chiwui vang, "Phālakhaira" da hānga; kala athumna chi manganuklak khavai yotpi eina shaoshantithai.

⁸Kha na, Israel, iwui rao, ina kapang kahai Jacob, iwui ngasotnao Abrahamwui ara̱-azā, ^a a v8 Hili Israelli ithumwui Avāwui raona da phokmi; kha Isaiahwui khanaowa laabing (Isaiah 42, 49, 50, 52–53) alungli kahai Rao makhalata chi Jishuna, kaho chi pheikupchang khamashung Israelna. ⁹Okathui achikunbingwui eina ina khuikahai na, kala chiwui akatangawui eina hokahaina, nali hithāda hānga, "Na iwui raona; ina nali kapangda makhalanmana". ¹⁰"Mangacheealu, kaja ina nali ngasoda lei; malung maringalu, kaja ina nawui Avā na. Ina nali pangngasakra, ina nali khangachona, ina nali iwui khamashung yāpang eina khāngkhaningmi. ^b b v10 "Ina nawui Avā na" da kahai hi Hebrewwui kadhara tui "Ina nawui Vare na" chi hormina — ithumwui Avāna awui mibingla khavā kahai vare kathā maningla, Avā kathāda kadhara ngaroka.

¹¹Yanglu, nali malungvāt ngasakbing saikora khayak ngasakta pa̱ngapāmihaira; nali ngakaikashibing arema thāda ngasāda shimānhaora. ¹²Nali rai sākasābingli nana phāra, kha athumli masamphangmara; nali kapingabing arema kachiva̱ thāda ngasāhaora." ¹³Kaja ina, nawui Avāna, nawui yāpangli singmi; ina china nali hānga, "Mangacheealu, ina china nali khangachona." ¹⁴Mangacheealu, O kachai Jacob, O Israelwui mibing! Ina china nali khangachona, da ithumwui Avāna hānga; nawui Ngatangkhame chi Israelwui Kathara—nawui Avāna. ^c c v14 "Israelwui Kathara" da kahai hi Isaiahna ithumwui Avāli phokwui aming makhalata na — kathara, kaje awuiwui na da hokahai mibingla kadhara eina akhalatta ngaroka. ¹⁵"Yanglu, ina nali ahā kachungkha kalei, kadhar kala sharuk mā shaokhavai karhui sāra; nana kaphungbingli za̱da sākachupra, kala phungrābingli lanji thāda sāra. ¹⁶Athumli nana hamra, kala masina china athumli phankathuihaora, kala siphan zingrotna china athumli chaiyāngmihaora. Kha nana ithumwui Avāli ringphāra; Israelwui Katharali nana sochikatra.

¹⁷Kachāma kala khavātabingna tara̱ phai tharan, maleiakha, kala ra̱kachangwui vang athumwui male thenghaira, Ina, nawui Avāna, athumli ngahānkāmira; Ina, Israelwui Avāna, athumli mahormira. ¹⁸Ina khangangaitungli kong shokngasakra, kala tampākli ura̱ longngasakra; siwuk chi tara̱ ra̱khong onngasakra, kala theng ngalei chi ura̱ ok onngasakra. ¹⁹Ina lamhāngli cedarthing, acaciathing, myrtlething, kala olivething lingra; siwukli cypressthingla, mafathingla, kala matangla sāra, ²⁰athumna theida theikhui khavai, ngarumda machukkhuida theishingkhui khavai, iwui pāngna hi sāhaida, kala I, Israelwui Katharapana, chi sākhui kahaina da theikhui khavaina."

²¹Nathumwui tuingaphun rāhānglu, da ithumwui Avāna hānga; nathumwui tharzā khuirālu, da Jacobwui Awungana hānga. ²²Athumna chibing khuirāranu, kala ithumli khi shokra da hānglu. Ithumna phaningda athumwui thi theikhui khavai, kharebing chi khi sai da ithumli hānglu; maningakha shokrangkahai otbing chi ithumli chitheilu. ²³Nathum varebingna da ithumna theikhui khavai, hiwui thili shokrangkahai chi ithumli hānglu; ithumna ngarumda khakshingda ngacheenā pemtinghai khavai, kaphā sālu, maningakha sākashi sālu. ²⁴Yanglu, nathum khikha maningmana, kala nathumwui ot kasā chi khikha maningluimana; nathumli kapangkhui a chi ningkakachai otna.

²⁵Ina atungshongwui eina mi akha ngaphaokaira, kala zimik kashokwui eina iwui mingli khangakaoa chi rāhaira; ham kasaana leikhon naikazam thāda, ana khamungabingli leipā thāda naikazama. ²⁶Ithumna theikhui khavai khipāna haokaphokwui eina hi hāngkhala, kala ithumna "A mashunga" da hāngkhui khavai khipāna sāngngarānda hāngkhala? Hi kahānga akhala maleimana, kahāshoka akhala maleimana, nathumwui tui kashā akhala maleimana. ²⁷Ina khare eina Zionli hānga, "Yanglu, chibing hi leihaira!" kala ina Jerusalemli khamathā pao vaome akha mi. ²⁸"Kha ina yang tharan, mi akhala maleimana; ina ngahān tharan ngahānkā khavai ngakuime akhala chibingwui ngachaili maleimana. ²⁹Yanglu, athum saikora khayonwui pangshapna; athumwui ot kasā khikha maningmana; athumwui heikakhui meoma̱ chi masi khaksuikhana."