بیت‌عنیالی ایلعازر
عئسا ائکی گون گؤزله‌یئر، دؤرد گون گئجئکمئش گلئر و اؤز دوستونون قبئری یانیندا آغلاییر. مارتایا دیئر کی، دئرئلمه و حیات اودور، آتاسینا اوجادان شوکور ادئر کی، اونو اشئدئب، و ایلعازری ائشئیه چاغیریر. ائشته او زامان شورا اونو اؤلدورمه‌یه قرار ورئر.
11 1مریم و باجیسی مارتانین کندی اولان بیت‌عنیادان، ایلعازر آدلی بئر آدام ناخوش ائدی. 2قارداشی ایلعازر ناخوشلایان بو مریم، ربّی عطئرلی یاغلا مسح ادئب، اونون آیاقلارینی اؤز ساچی ائله قوروتدو. 3بله‌جه باجیلاری اونا خبر گؤندَ‌رئب ددئلر: «یارب، سودئیئن آدام ناخوشدور.»
4عئسا بونو اشئدنده ددی: «بو ناخوشلوق اؤلومله قورتارمایاجاق، لاکئن آتامیزین جلالی اوچوندور، اله کی، آتامیزین اوغلو اونون واسئطه‌سی‌ائله عئزّتلنسئن.»
5عئسا مارتانی، اونون باجیسینی و ایلعازری سِوئردی. 6بله‌جه، ایلعازرین ناخوش اولدوغونو اشئدنده، اولدوغو یرده ائکی گون داها قالدی.
7بوندان سونرا شاگئردلره ددی: «گلئن گئنه یهودئیه‌یه قاییداق.»
8شاگئردلر اونا ددئلر: «اوستاد، یهودئلر همئن ائندی سنی داشلاماغا چالیشیردیلار، گئنه ده اورایا قاییدیرسان؟»
9عئسا جاواب وردی: «مگر گوندوزون اون‌ائکی ساعاتی یوخدور؟ گوندوز گَزَن هر کس بودره‌مز، چونکی بو دونیانین ائشیغینی گؤرور. 10آمّا اگر کئمسه گجه گزسه، بودره‌یئر، چونکی ائشیق اوندا یوخدور.» 11بوندان سونرا اونلارا ددی: «دوستوموز ایلعازر یاتیب، آمّا من گدئرم کی، اونو اویاندیرام.»
12بله‌جه شاگئردلر اونا ددئلر: «یارب، اگر یاتیبسا، یاخشی اولاجاق.» 13عئسا اونون اؤلومو حاقّیندا دانیشیردی، آمّا اونلار اله بئلدئلر کی، طبئعی یوخودان دانیشیر.
14اوندا عئسا اونلارا آچیقجا ددی: «ایلعازر اؤلوب، 15و سئزئن خاطئرئنئزه سوئنئرم کی، اورادا دیئلدئم، اله کی، ائمان گتئره‌سئنئز. آمّا گلئن اونون یانینا گدک.»
16بله‌جه اکئز دیئلن توماس او بئری شاگئردلره ددی: «گلئن بئز ده گدک و اونونلا بئرلئکده اؤلک.»
17عئسا گلنده، ایلعازرین آرتیق دؤرد گون قبئرده اولدوغونو گؤردو. 18بیت‌عنیا اورشلئمه یاخین ائدی، تخمینن ائکی مئل اوزاقلیقدا، a a v18 اون‌بئش استادیا تخمینن ایکی مئل (تقرئبن ۳ کئلومتر) ائدی. 19و یهودئلرئن چوخو مارتا و مریمئن یانینا گلمئشدی کی، قارداشلاری اوچون اونلارا باش‌صاغلیغی ورسئنلر. 20مارتا عئسانین گلدئیئنی اشئدنده، اونو قارشیلاماغا گتدی؛ مریم ائسه اِوده اوتورموش قالدی. 21مارتا عئسایا ددی: «یارب، اگر بورادا اولسایدین، قارداشیم اؤلمزدی. 22آمّا ائندی ده بئلئرم کی، آتامیزدان هر نه ائسته‌سن، سنه وره‌جک.»
23عئسا اونا ددی: «قارداشین تزه‌دن دئرئله‌جک.»
24مارتا اونا ددی: «بئلئرم کی، آخئرینجی گون، دئرئلئشده تزه‌دن دئرئله‌جک.»
25عئسا اونا ددی: «دئرئلئش و حیات منم. منه ائمان گتئرن آدام اؤلسه ده، یاشایاجاق، 26و یاشاییب منه ائمان گتئرن هر کس هچ واخت اؤلمه‌یه‌جک. بونا ائنانیرسان؟»
27او اونا ددی: «بلی، یارب! ائنانیرام کی، سن مسئحسن، آتامیزین اوغلوسان، دونیایا گلن اولان سن‌سن.»
28بونو دِیَندن سونرا، گدئب باجیسی مریمی گئزلئجه چاغیردی: «اوستاد بورادادیر و سنی چاغیریر.» 29مریم بونو اشئدنده، تئز آیاغا قالخیب اونون یانینا گتدی. 30عئسا حله کنده گئرمه‌مئشدی؛ حله ده مارتانین اونو قارشیلادیغی یرده ائدی. 31اِوده اونونلا اولان و اونا تسلّی ورن یهودئلر، مریمئن تئز آیاغا قالخیب چیخدیغینی گؤرنده، اونون دالینجا گتدئلر، اله بئلدئلر کی، اورادا آغلاماق اوچون قبئرئن یانینا گدئر. 32مریم عئسانین یانینا گلئب، اونو گؤرنده، آیاقلارینا دوشوب ددی: «یارب، اگر بورادا اولسایدین، قارداشیم اؤلمزدی.»
33عئسا اونون آغلادیغینی و اونونلا گلن یهودئلرئن ده آغلادیقلارینی گؤرنده، روحوندا ناله ادئب، مضطرب اولدو.
34و ددی: «اونو هارادا قویوبسونوز؟» اونا ددئلر: «یارب، گل و باخ.»
35عئسا آغلادی.
36بله‌جه یهودئلر ددئلر: «باخ، اونو نجه ده سِوئرمئش!» 37آمّا اونلاردان بعضئسی ددئلر: «کور آدامین گؤزلرئنی آچان بو آدام، مگر اونو اؤلومدن ساخلایا بئلمزدی؟»
38بله‌جه عئسا، گئنه ده اؤز ائچئنده درئندن متأثئر اولاراق، قبئرئن یانینا گلدی؛ قبر بئر ماغارا ائدی و گئرئشئنه بئر داش قویولموشدو.
39عئسا ددی: «داشی گؤتورون.» اؤله‌نئن باجیسی مارتا اونا ددی: «یارب، ائندی ائی وِرَر، چونکی دؤرد گوندور اؤلوب.»
40عئسا اونا ددی: «مگر سنه دمه‌دئم کی، اگر ائمان گتئرسن، آتامیزین جلالینی گؤره‌جکسن؟»
41بله‌جه داشی گؤتوردولر. عئسا یوخاری باخیب ددی: «ای آتا، سنه شوکور ادئرم کی، منی اشئتدئن. 42بئلئردئم کی، سن همئشه منی اشئدئرسن، آمّا بونو بورادا دوران جاماعات اوچون ددئم، اله کی، سنئن منی گؤندَردئیئنه ائنانسینلار.» 43بونو دیئندن سونرا، اوجا سَسله چیغیریب ددی: «ایلعازر، اشئیه چیخ!»
44اؤلموش آدام اشئیه چیخدی؛ آیاقلاری و اللری کتان پارچالاری ائله باغلانمیش، اوزو ده دسمالا ساریلمیشدی. عئسا اونلارا ددی: «اونو آچین؛ قویون گتسئن.»
شورا ییغیلیر
45بله‌جه، مریمئن یانینا گلن و عئسانین اتدئیئنی گؤرن یهودئلرئن چوخو اونا ائمان گتئردی. 46آمّا اونلاردان بعضئسی فرئسئلرئن یانینا گدئب، عئسانین اتدئیئنی اونلارا ددئلر. 47اونا گؤره باش کاهئنلر و فرئسئلر شورانی ییغیب ددئلر: «نه ادئرئک؟ چونکی بو آدام چوخلو علامتلر گؤستَرئر. 48اگر اونو بله بوراخساق، هامی اونا ائمان گتئره‌جک، و روملولار گلئب هم یرئمئزی، هم ده مئلّتئمئزی اَلئمئزدن آلاجاقلار.»
49آمّا اونلاردان بئری، او ائل باش کاهئن اولان قیافا، اونلارا ددی: «سئز هچ نه بئلمئرسئنئز. 50مگر گؤرمورسئنئز کی، بوتون مئلّتئن هلاک اولماسیندانسا، بئر آدامین خالق اوچون اؤلمه‌سی سئزئن اوچون داها یاخشی‌دیر؟» 51بونو اؤزوندن دمه‌دی؛ او ائل باش کاهئن اولدوغونا گؤره، نبئلئک اتدی کی، عئسا مئلّت اوچون اؤله‌جک، 52آنجاق مئلّت اوچون یوخ، بلکه آتامیزین داغیلمیش اؤولادلارینی دا بئر یره ییغماق اوچون. b b v52 قیافا بئلدئیئندن داها یاخشی دانیشدی. عئسا آنجاق یهودی مئلّتی اوچون یوخ، بلکه آتامیزین هر داغیلمیش اؤولادینی بئر عایئله‌یه ییغماق اوچون اؤله‌جکدی. 53بله‌جه، او گوندن سونرا اونو اؤلدورمک اوچون قصد قوردولار. 54اونا گؤره عئسا آرتیق یهودئلرئن آراسیندا آچیقجا گزمه‌دی، بلکه چؤله یاخین، اِفرایئم آدلی بئر شهره چکئلئب، شاگئردلری ائله اورادا قالدی.
55یهودئلرئن پاسخا بایرامی یاخین ائدی، و چوخلو آدام اؤزلرئنی پاک اتمک اوچون، بایرامدان قاباق اؤلکه‌دن اورشلئمه گتدی. 56اونلار عئسانی آختاریردیلار و معبدده دوراندا بئربئرلرئندن سوروشوردولار: «نه فئکئرلشئرسئنئز؟ یقئن کی، بایراما گلمیه‌جک؟» 57باش کاهئنلر و فرئسئلر امر اتمئشدئلر کی، اونون هارادا اولدوغونو بئلن هر کس خبر ورسئن، اله کی، اونو توتا بئلسئنلر.
