Me basika na mukanda
Dibuku

Nsangu ya Mbote Ke Balula Mbanza Tesalonike Baluka-Baluka

Nkonga ya bantu na Tesalonike ke funda bawu ti bawu ke zabisa ntinu ya nkaka. Berea ke wa mpe ke tala Dibuku ya Nzambi konso kilumbu, tii bantu ya mukangu kwizaka kuna. Ntangu yandi vwandaka vingila yandi mosi na Atene na kati ya biteki, Polo monaka kiyokolo ya nzambi yina ba zaba ve, mpe zabisaka bantu ya mayela ti bawu me vwanda dezia bana ya Tata ya beto.

Kapu 17.

Na manima ya kuluta na Amfipolisi mpe Apoloniya, bawu kumaka na Tesalonike, kisika yina vwandaka na yinzo ya lusambulu ya ba-Zwife. Polo, mutindu vwandaka kifu ya yandi, kotaka na bawu, mpe yandi bakulaka mambu ti bawu na kusadila Dibuku ya Nzambi na bilumbu tatu ya saba. Yandi kangulaka mpe tendulaka Dibuku ya Nzambi ti Klisto fwanaka kumona mpasi mpe kuvumbuka na lufwa. Yandi tubaka: «Yesu yayi yina mu ke zabisa beno, yandi kele Klisto.» Bantu ya nkaka na kati ya bawu ndimaka mpe vukanaka na Polo mpe Silase, kintwadi na ba-Ngeleke mingi ya kukwikama na Nzambi mpe bakento mingi ya mfunu. Kasi ba-Zwife kumaka na kimpala, bawu kutikisaka bantu ya yimbi na zandu, bawu salaka mukangu mpe bawu kotisaka mvwindu na mbanza. Bawu kwizaka na ngolo na yinzo ya Yasoni, na kusosa na kubasisa bawu na nkonga ya bantu. Ntangu bawu monaka bawu ve, bawu bendaka Yasoni mpe bampangi ya nkaka na ntwala ya bamfumu ya mbanza, bawu vwandaka looka: «Bantu yayi yina me balula yinza nyonso baluka-baluka me kwiza mpe awa, Yasoni yambaka bawu. Bawu nyonso ke fwemisa bansiku ya Sezale, bawu ke tuba ti ntinu ya nkaka kele, Yesu. Bawu nikisaka nkonga ya bantu mpe bamfumu ya mbanza yina kuwaka mambu yayi.» Ntangu bawu bakaka mbongo ya nkudulu na Yasoni mpe na bantu ya nkaka, bawu bikaka bawu kwenda.

Bantu ya Beleya Ke Sosa na Dibuku ya Nzambi

Bampangi fidisaka kaka na mbala mosi Polo mpe Silase na mpimpa na Beleya. Ntangu bawu kumaka, bawu kwendaka na yinzo ya lusambulu ya ba-Zwife. Ba-Zwife yayi vwandaka na bantima ya kukangula kuluta bayina ya Tesalonike. Bawu yambaka mambu na nsatu ya nene mpe bawu vwandaka tala Dibuku ya Nzambi bilumbu nyonso samu na kuzaba kana mambu yayi vwandaka ya kyeleka. Na yina, bantu mingi na kati ya bawu kwikilaka, kintwadi na bakento mingi ya mfunu ya ba-Ngeleke mpe babakala. Ntangu ba-Zwife ya Tesalonike zabaka ti Polo vwandaka zabisa mambu ya Tata ya beto na Beleya mpe, bawu kwendaka kuna mpe, na kunikisa mpe kunyongisa nkonga ya bantu. Bampangi fidisaka kaka na mbala mosi Polo na mbu, kasi Silase mpe Timote bikanaka kuna. Bantu yina twadisaka Polo nataka yandi na Atene, mpe bawu vutukaka na ntumunu samu na Silase mpe Timote ti bawu kwiza bwabana yandi nswalu mutindu bawu lenda.

Polo Ke Kuma na Atene

Ntangu Polo vwandaka vingila bawu na Atene, mpeve ya yandi vwandaka na mpasi na kati ya yandi, samu yandi talaka ti mbanza vwandaka me fuluka na banzambi ya biteki. Na yina, yandi bakulaka mambu na yinzo ya lusambulu ti ba-Zwife mpe bantu yina vwandaka sambila Nzambi, mpe bilumbu nyonso na zandu ti konso muntu yina vwandaka kuna. Bantu ya nkaka ya mayela, ba-Epikuriyeni mpe ba-Sitoyisiyeni, bakulaka mambu mpe ti yandi. Bantu ya nkaka yufulaka: «Muntu yayi ya munwa mingi ke sosa kutuba yinki?» Bantu ya nkaka tubaka: «Yawu ke monikina ti yandi ke samuna banzambi ya nzenza» samu ti yandi vwandaka zabisa Nsangu ya Mbote ya Yesu mpe ya mvumbukulu.

Bawu bakaka yandi mpe nataka yandi na Areyopaze, bawu yufulaka: «Beto lenda kuzaba malongi yayi ya mpa yina nge ke pesa? a a v19 Areyopaze, to «Mongo ya Marse», vwandaka mongo ya matadi na Atene, kisika yina kimvuka ya mbanza vwandaka kutakana samu na kuteza mabanza mpe malongi ya mpa. Samu nge ke nata mambu ya kuyituka na makutu ya beto, yo yina beto ke zola kuzaba ntendula ya yawu.» Bantu nyonso ya Atene mpe banzenza yina vwandaka zinga kuna vwandaka manisa ntangu ya bawu kaka na kuzonza to kuwa kima ya mpa.

Polo telamaka na kati-kati ya Areyopaze mpe tubaka: «Bantu ya Atene, mu ke mona ti beno kele bantu ya lusambulu mingi na mambu nyonso. Samu ntangu mu vwandaka luta mpe tala bima ya beno ya lusambulu, mu monaka mesa-kimenga mosi yina ba sonikaka: “Na nzambi yina ba zaba ve.” Yo yina beno ke sambila kukonda kuzaba yawu, mu ke zabisa beno yawu ntangu yayi. Tata ya beto, yina salaka yinza mpe bima nyonso ya kele na kati na yawu, samu yandi kele Mfumu ya zulu mpe ya ntoto, yandi ke zingaka ve na bayinzo ya lusambulu yina maboko ya bantu salaka, b b v24 Polo ke zabisa bantu ya Atene ya kinzambi-biteki ti «nzambi yina bawu zaba ve» yina bawu ke sambilaka kele na kyeleka Tata ya beto, Nsadi ya bima nyonso, yina lenda kuvwanda na kati ya yinzo ata mosi ve. ba ke sadila yandi mpe ve na maboko ya bantu, bonso ti yandi kele na nsatu ya kima mosi. Yandi mosi ke pesaka bantu nyonso luzingu, mupepe mpe bima nyonso. Katuka na muntu mosi, yandi salaka ti makanda nyonso ya bantu kuzinga na ntoto nyonso, yandi tulaka bantangu ya bawu mpe bandilu ya bayinsi ya bawu, samu ti bawu sosa Tata ya beto, yo lenda vwanda ti bawu simba yandi mpe mona yandi, ata yandi kele ntama ve na konso muntu na kati ya beto, samu “Na kati ya yandi beto ke zinga, beto ke ningana mpe beto kele”; mutindu bantu ya nkaka ya bisoniki-mikunga ya beno mosi tubaka: “Beto mpe beto kele bana ya yandi.” Na yina, samu beto kele bana ya Tata ya beto, beto fwana kubanza ve ti kinzambi kele bonso wolo, palata, to ditadi, kiteki yina ndwenga mpe mabanza ya bantu yidikaka. Bantangu ya kukonda mayela, Tata ya beto talaka yawu ve, kasi ntangu yayi yandi ke songa bantu nyonso bisika nyonso na kusoba nkadulu. Yandi tulaka kilumbu mosi samu na kufundisa yinza na kudedama, na nzila ya muntu mosi yina yandi soolaka. Yandi lakisaka yawu na bantu nyonso na kuvumbula yandi na lufwa.» c c v31 Muntu yina Tata ya beto soolaka samu na kufundisa yinza kele Yesu. Kidimbu ya Tata na bantu nyonso kele ti yandi vumbulaka Yesu na lufwa.

Ntangu bawu kuwaka mambu ya mvumbukulu ya bantu ya lufwa, bantu ya nkaka sekaka; bantu ya nkaka tubaka: «Beto ke wa nge dyaka na dyambu yayi.» Na yina, Polo bikaka bawu. Kasi bantu ya nkaka vukanaka na yandi mpe kwikilaka, kintwadi na Diyonizo mu-Areyopaze, kento mosi na nkumbu Damarisi, mpe bantu ya nkaka.