Kagimit Paulo piik che yanen
Ki ng'alaal Paulo kota kosir kemoi kween, ak kobut weeriit age ne ki ru eng' turgutyeet eng' koot ne po somok ko kagome; ki choortagei Paulo, konam ineendet, ak kosoop. Letab nooto, kingo nai kole riibei ineendet kanamonik eng' Jerusalem, koleenji poisyegap Efeso koriip kechiiregap Kwandanyo. Ki riir amu ma koger konyeennyi kogeny.
20 1Kingo bata polateet, koguur Paulo kasubik, kogimit icheek, kolas saisere, ak kwo Makedonia. 2Kingo landa komoswechooto ak kogaigai piik che yanen miising', konyo Yunan. 3Ki mi arawek somok; kingo tet Yahudik ng'aleek agobo ineendet ye kingo yiem koba melisyek Syria, kotil kole koweektagei kolanda Makedonia. 4Ki subi ineendet Sopater weeriitap Piro ne po Berea, ak Aristarko ak Sekundo che po Thesalonika, ak Gayo ne po Derbe, ak Timoteo, ak Tikiko ak Trofimo che po Asia. 5Ki tai pichu ak kiriipech eng' Troas. 6Ki kibune melisyek eng' Philippi kingo bata peetuusyegap magatiinik che ma kirate mermereek, ak kiit icheek eng' Troas eng' peetuusyek mutai, ak ki kimeng'ooti olooto peetuusyek tisap.
Ki king'etu weerit age eng' Troas
7Eng' peetuutap tai ne po wigiit, ye kiyumgei si kitil magatiinik, kong'alaalji Paulo icheek; koyiem kowa eng' peetuut ne isubi, kotestai kong'alaal agoi kemoi kween. 8Ki mi taitanik che chaang' eng' koot ne po parak ole kiyumgei. 9Ki tebee weeriit age ne kiguure Eutiko eng' turgutyeet, ak ki chamei ruet ne oo ye kingo testai kong'alaal Paulo. Ki chuloogei ruet, ak kobut eng' koot ne po somok, ak kinamei korook ko kagome. 10Ki choortagei Paulo kwo kotokyigei ineendet, ak ye kingo ue eunekyik koleenji, “Amoiyweisye; amu mi saboondo ineendet.”
11Ki togosta kogeny kwo koot ne po parak, ak kotil magatiinik, ak koam, ak kong'alaalji icheek kooi, agoi koeech emet, yeityo kwo. 12Ak ki imut weeriichooto koonnyi kosabei, ak ki kagaigaige miising'.
Ki kibendi Mileet
13Ki kitogostoe tai eng' melisyek koba Asos, koyiem kinam Paulo eng' melisyek; amu ki yiem ineendet kwo eng' ng'wony. 14Ak kingo tuiyo echeek eng' Asos, ki kinam ineendet eng' melisyek ak ki nyo Mitilene. 15Ye ki kibune olooto, ki kiit ole kotokyigei Kios eng' peetuut ne isubi, ak kityu eng' Samos eng' peetuut ne isubi, ak ki kiit Mileet eng' peetuut ne isubi. 16Ki kotil Paulo koba melisyek kondoe Efeso, si koma meng'ooti eng' Asia; amu ki iywei koit Jerusalem, ngo mugaksei, eng' peetuutap Pentekoste.
17Ki iyookto kobunu Mileet koba Efeso ak koguur poisyek che eecheen che po kaniset si konyo ole mi ineendet. 18Kingo bwa, koleenji, “Ongen ole ki amenye eng' kwenung'wong' peetuusyek tugul, kochoor peetuut ne po tai ne ki achut Asia, 19aboisyee Kiptaiyat Jeso ak ng'wanitet tugul, ak pilpiliechigap konyeguk, ak yoomsosyek che kinyoonjo eng' ng'aleegap Yahudik che ki yiemei anee; 20ole ma ki akabirin kiit age tugul ne kiit komyee eng' okweek, ago ki amwaiwok ak kinetaiwok eng' taitap piik ak kootitab koot, 21apaoryanji Yahudik ak Yunanik: siguunet ne po Kwandanyo ak kayaneet ne po Kiptaiyat Jeso. 22Nguno ko katilgei Kabuuset, awendi Jerusalem, kota mangen kiit ne riipanin olooto, 23ago kityo Kabuuset ne Tiliil komwachin eng' nganaseet age tugul kole riipanin sirimwek ak nyalilwogik. 24Ago makabwaaten koek saboondanyu kiit, ak mangeni koek konorwet eng' anee kityo; agine kityo asi awong'u ortinnyu ak poisyet ne ki anyoor eng' Kiptaiyat Jeso, apaoryanji logoiywek che myach che po myeeindap Kwandanyo.
25Ak nguno ko angen ale ma keer agot agenge eng' okweek che ki awendoti eng' kwenung'wong' amdooti laitornatetap Kwandanyo, tainnyu kogeny. 26Si nooto apaoryanjin okweek rani ale tiliil anee eng' kerichegap tugul, a a v26 'Tilil anee eng' kerichegap tugul': Mwaei Paulo kole ngo mi chii yu ne kabetu eng' saboondo, ma amu ki ma kokergong' ineendet — amu ma ki akabir kiit age tugul. 27amu ki ma akabir komwaiwok magennyi tugul ne po Kwandanyo. 28Oriibegei okweek ak lugoosyek tugul che ki igoonok Kabuuset ne Tiliil oik riibiik si oriip kanisetap Kwandanyo, ne ki ial eng' kerichegap Weeriinnyi ne po ineegei. b b v28 Siri Yunani iman kole "eng' kerichek che po ineegei," ne iwolji FHB kole "Weeriinnyi ne po ineegei" — ki inyoor Kwandanyo kanisa eng' kerichegap Weeriinnyi. Mwaei Paulo iman ne age kityo eng' Rumi 8:32: ma ki asar Kwandanyo Weeriinnyi ne po ineegei ago kigoche agobo acheek tugul. 29Angen ale kingo bata awendi konyo suik che yaei eng' kwenung'wong', che ma sarei lugoosyek. 30King'etu piik che bo kwenung'wong', koleen tuguuk che wasegei, si kotokyi kasubik kosup icheek. 31Nooto oriibegei, obwaat ale eng' kenyiisyek somok, kemeut ak betut, ma ki aweech kakerget age tugul eng' okweek ak konyekyuk. 32Nguno ko aguutiin okweek Kwandanyo ak ng'olyootap myeeindonyi, ne muuchi koteech okweek ak koonok lagoksetap muut eng' tugul che ki keyai tiliileen. 33Ma ki amache saraarindap age tugul anan thahabunyi anan ngoryennyi. 34Ongen okweek ileen eunechu kobae che amachei ak icheek che ki mi ak anee. 35Eng' tuguuk tugul kaaboorwok ale, eng' poisyet ne ne, kenyool kesar che chomen, kemwaaten ng'olyootap Kiptaiyat Jeso, kole ki mwa ineegei, Oo kaalyeet ne po konoroet kosiir ne po ng'eetet.”
36Ak kingo mwa niito, kogutuny kobooto icheek tugul ak kosa. 37Ki riirei icheek tugul; ak ki ue Paulo ak kong'utut ineendet, 38koriirchi miising' agobo ng'olyoonichoto—ale ma keer tainnyi kogeny—ak ki itosune ineendet melisyek.