Mi eng' bukuit

Mariko 15 FHB Father's Heart Bible™

Kiistoi 15% eng' kiy ne iale korook →
Bukuit

Kigoitoi Jeso Pilato

Ki nai Pilato kole ng'etkonda, ago koyan ye kagolewen piik Barabas. Ki chotchi siriik ineendet kou laitoryat. Ki kigartaat eng' sait ne po sogol, ak kowaach kole kamanda Kamuktaindet ineendet, ak kobek eng' ung'oot. Ko kiptaiyatap siriik ak kwonyiik che riibei ko che kang'et.

Sura 15.

Kingo kagoeech, ki rwooch tisiik che eecheen ak poisyek ak siriik ak kapkirwooget komugul tuwai, ak koratyi Jeso ak koip ineendet, ak kigoito Pilato.

Kiteebe Pilato ineendet koleenji, “Ii inyee laitoryatap Yahudik?” Kowol Jeso kole, “Imwae inyee.”

Ki charunee tisiik che eecheen ineendet tuguuk che chaang'. Kiteebe Pilato ineendet kogeny koleenji, “Mo itinye waluunet? Keer ole chaang' tuguuk che charunee inyee.”

Ago ma mwa Jeso kiy age kogeny, ak ki kwong'yo Pilato.

Eng' saeet, ki iyachei Pilato chiito agenge ne mi korgoreet, age tugul ne soomei icheek. Ki mi korgoreet chiito age ne ki kiguure Barabas, kobooto ngelelik che ki rumisyei eng' pooryeet. Ki pwa piik ak kotoi kosoom Pilato koyachi icheek ko uu ye yaei agine tugul. Kowol Pilato kole, “Omache ale ityachiwok laitoryatap Yahudik?” amu ki nai kole eng' ng'etkonda ne ki igoito ineendet tisiik che eecheen. Ago ki ing'eetyin tisiik che eecheen piik, si koiyachi icheek Barabas. Kiteebe Pilato icheek kogeny koleenji, “Nee anyun ne omache ayachi ne oguure laitoryatap Yahudik?”

Kowaach icheek kole, “Igartaat!”

Kiteebe Pilato koleenji, “Amu nee? Nee yaityet ne kagoyai?” Ago kowaach icheek kotesak kole, “Igartaat!”

Si koyam piik, ki ityachi Pilato icheek Barabas. Ak kobir Jeso, ak kigoito si kigartaat.

Chotisyei Asigarik Laitoryat

Ki ip asigarik Jeso koba kaplaitoryat (ole menye laitoryat ne rip emet), ak koguur koitetap asigarik komugul kotuiyo. Ki laakyi ineendet ingoryeet ne biriir, ak koyai kuutweetap katook kotuiye, ak kerchinee metinnyi. Ak kotoi kosiiret ineendet kole, “Chamge, laitoryatap Yahudik!” Ki birchin metinnyi eng' kurereet, ak kutwachi ineendet, ak kogutung'ji kochotisyei. Kingo kagochot ineendet, koreegune ingoryeet ne biriir ak kolaakyi ngoroikyik ineendet, yeityo koip saang' si kigartaat.

Kegartaat Weeriit

Ki ng'at chiito age ne ki punu emet kowendi, Simion ne po Kurene, kwandap Alexander ak Rufus, koip gartaennyi. Ki ip Jeso kwo olooto ne kiguure Golgota (ye kiweech, ko Komostap metit). Ki goochi ineendet maiyek ne kiluumji kumyat, ago ma namji ineendet.

Ki gartaat ineendet. Ak kipchei ngoroikyik eng' tai, kosar parbareek agobo ne nyoor chii age tugul. Ki po sait ne po sogool eng' mornet ye kigartaat ineendet. Ki kisir ng'olyootap charutyennyi koleenji: LAITORYATAP YAHUDIK. Ki gartaat kobooto ineendet ngelelik aeng', age eng' eutap tai ak age eng' eutap kaataam. a a v27 Ma tinyei siraisyek che pa tai verse 28 yu; siraisyek che pa let ko tesei: “Ak ki koit ng'olyootap Siraet ne le, ‘Ki kiit kobooto piik che pistoe ng'atuutik.’ ”

Ki ng'uunji ineendet piik che kibunei oranooto, kolel metowekwak, kole, “Aha! Inyee ne wechei Teemple ak ichop eng' peetuusyek somok, isaru inegeng'ung', ak ichoortegei kong'etee gartaet!”

Ko uu nooto ak tisiik che eecheen ak siriik kochotisyei ineendet among icheegei, kole, “Ki sar alak; ago ma muuchi kosar inegei. Ichoortegei Kristo, laitoryatap Israel, kong'etee gartaet nguno, si kigeer ak kiyan.” Ak ki ng'uunji ineendet agine icheek che kigartaat kobooto ineendet.

Lil Weeriitap Kwanda

Eng' peet kween, ki tuch kaiririet emet komugul agoi sait ne po somok eng' koskoleny.

Eng' sait ne po somok eng' koskoleny, ki waach Jeso eng' kutit ne oo kole, “Eloi, Eloi, lema sabakthani?” ye kiweech, “Kamuktaindennyu, Kamuktaindennyu, amu nee si ibagaakte anee?”

Kingo kagas niito alak eng' che tonondos neegitee, kole, “Ogas, kuure Elijah.”

Ki labat age, ak konyiitakyi sponj maiyek ne mindilil, ak koityi morong'yot, ak kogochi koe. Kole, “Istegei ineendet; keriip si kigeer ngo konyo Elijah koiste ineendet.”

Ki waach Jeso eng' kutit ne oo, ak kolil ineendet. Ak ki tyech ingoryeetap Teemple koek kebeberwek aeng', kong'etee parak agoi ng'wony. Kingo keer kiptaiyandetap asigarik pogol ne ki tonon kotokyin Jeso ole ki lilunoto, kole, “Iman kole chiichi ko ki Weeriitap Kamuktaindet.”

Ki mi kobogorisyek agine che ki geerot kong'etee loo, kobooto Maria Magdalene, ak Maria kametap Jakobo ne ming'in ak Joses, ak Salome. Icheek kwonyichu ko ki susi ineendet eng' Galilaya ak kotonondos ineendet; ak ki mi agine che chaang' alak che ki pa kobooto ineendet Jerusalem.

Kiinde eng' Kererit

Kagonyo koskoleny, ak amu ki peetuutap chobet, peetuut ne kotomo sabato. Ki kaagany Joseph ne po Arimathea, chii ne oo ne po kapkirwooget, ne ki igeni ineendet laitornatetap Kwandanyo, kowe ole mi Pilato ak kosoom poortap Jeso. Ki kwong'yo Pilato amu kaga kome Jeso; koguur taagindetap asigarik, ak koteebee ngo kagoit Jeso komeet kong'eny. Kingo konai eng' taagindetap asigarik kole uu nooto, kogoochi Joseph poorto. Ki al Joseph ngoryeet, ak koisto poorto, ak kolaakyi ngoryonooto, ak konde eng' kererit ne ki kitil eng' rwandet. Yeityo komilda koita eng' kurgeetap kererit. Ki keer Maria Magdalene ak Maria kametap Joses ole kiinde.