Mi eng' bukuit

Mariko 16 FHB Father's Heart Bible™

Kiistoi 15% eng' kiy ne iale korook →
Bukuit

Kagong'eet

Koip kwonyiik nyamdutik, konyoor koita ne kagemilda ak muren ne mengech ne le kagong'eet, ak kolabat kokwong'yo, ma mwachi chiito age. Komong'ji Jeso Maria Magdalene ak alak che ma yan kasubik, yeityo koyookto che taman ak agenge koba ng'wony komugul.

Sura 16.

Kingo geskei peetuutap sabato, ki al Maria Magdalene, ak Maria kametap Jakobo, ak Salome nyamdutik, si koba koiil ineendet. Karon miising' eng' peetuutap tai ne po wigiit, ye kagochoor asiista, koba kererit. Ki teebegei koleenji, “Ng'oo ne imildoiwech koita eng' kurgeetap kererit?” Ago ye kingo keer parak, kogeero koita, ne oo miising', ko kagemilda koisto.

Kingo chut kererit, kogeero muren ne mengech, ne kolaachi ngoryeet ne leel, kotebee eng' euut ne po tai. Ki kwong'yo. “Amekwong',” kole. “Ocheeng'e Jeso Nazaretindet, ne ki kigartaat. Kagong'eet; ma komi yu. Ogeero, ole ki kirue ineendet. Ago oba, omwachi tyonginikyik ak Petero, ‘Weendi eng' taing'wong' Galilaya. Ogeere ineendet yooto, ko uu ye ki mwaiwok.’”

Ki mwei kobogorisyek eng' kererit, kobotanionu ak kokwong'yo; ma mwachi chiito age, amu ki aragen.

Kingo ng'eet Jeso karon eng' peetuutap tai ne po wigiit, komong'ji korook Maria Magdalene, ne ki koon oik tisap eng' ineendet. a a v9 Sirutik che tai miising' ko geskei Mariko eng' istoiywet 8. Istoiywek 9-20 konyoorchin eng' sirutik alak che chaang' che isubu, ak kagisir yu, ko uu eng' Bukuisyegap Kamuktaindet che leel che chaang'. Ki wo ineendet ak komwachi che ki mi kobooto ineendet, che ki riirei ak kotei. Ye kingo kas kole sobei Jeso ak kageer ineendet, ma iyan icheek.

Eng' let, komong'ji Jeso eng' itoondo ne teer, kobooto aeng' eng' icheek che ki wendi keeweet. Ki weektagei ak komwachi alak, ago ma iyan icheek agine.

Eng' let, komong'ji Jeso taman ak agenge ye ki tebyei eng' amisyet, ak kokergong' icheek amu mongutietap kayaneet ak kimnateetap muguleldanywa, amu ma iyan che ki geer ineendet ko kagong'eet.

Ki leenji icheek, “Oba eng' ng'wony komugul, ak oamde logoiywek che myach eng' yaeet komugul. Age tugul ne iyani ak kibatisan ko kisar; ago ne ma iyani ko kirwookyin. Isubi kaboorunosyechu che iyani: eng' kainenyu koonei oik, kong'alaali eng' tongoanik che leel. Konamei maswetisyek eng' eunekwak; ngot koe ng'wonet ne ibare, ma koyachin kiy; konde eunekwak piik che myandos, ak kosap.”

Kingo ng'alaalji icheek, ki keisto Kiptaiyat Jeso parak koba kipsengwet, ak kotebee eng' euut ne po tai ne po Kwandanyo. b b v19 Kingo baat Weeriit poisyennyi, korwai kebebertap Kwandanyi — olooto ne po toroornateet ne yamdoi kobooto ineendet. Ki mong' icheek ak koamdooti komoswek tugul, koboisyei Kiptaiyat kobooto icheek, kotebee ng'olyoondennyi eng' kaboorunosyek che isubu.