عئسانین پئلاطا تسلئم ادئلمه‌سی
پئلاط بئلئر کی، بو، پاخیلّیقدیر، آمّا جاماعات بَرابّانی سچَنده بویون اَیئر. عسگرلر اونو پادشاه کئمی لاغا قویورلار. ساعات دوققوزدا چارمیخا چکئلئر، قیشقیریر کی، تاری اونو ترک ادئب، و قارانلیقدا اؤلور. بئر یوزباشی و باخان آروادلار قالانلاردیر.
15 1سحر آچیلاندا باش کاهئنلر، آغساقّاللار، دئن عالئملری و بوتون شورا بئرلئکده مصلحتلَشئب، عئسانی باغلادیلار و آپاریب پئلاطا تسلئم اتدئلر.
2پئلاط اوندان سوروشدو: «سن یهودئلرئن پادشاهیسان؟» عئسا جاواب وردی: «اؤزون دیئرسن.»
3باش کاهئنلر اونون ضئدّئنه چوخلو ائتّئهام گتئرئردئلر. 4اونا گؤره پئلاط گئنه اوندان سوروشدو: «هچ جاواب ورمیرسن؟ باخ، سنئن ضئدّئنه نه قدر ائتّئهام گتئرئرلر.»
5آمّا عئسا داها هچ بئر سؤز دمه‌دی و پئلاط تعجّوب اتدی.
6ائندی هر بایرامدا پئلاط اونلار اوچون بئر محبوس، یعنی اونلارین ائسته‌دئکلری هر کسی آزاد اِدَردی. 7بَرابّا آدلی بئر آدام، عوصیان واختی آدام اؤلدورموش یاغیلارلا بئرلئکده زئنداندا ائدی. 8جاماعات گلئب پئلاطدان ائسته‌مه‌یه باشلادی کی، همئشه اتدئیئنی اونلار اوچون اتسئن. 9پئلاط جاواب وردی: «ائسته‌یئرسئنئز سئزئن اوچون یهودئلرئن پادشاهینی آزاد بوراخیم؟» 10چونکی بئلئردی کی، باش کاهئنلر اونو پاخیلّیقدان اَله ورمئشدئلر. 11آمّا باش کاهئنلر جاماعاتی تحرئک اتدئلر کی، اونون یرئنه بَرابّانی آزاد بوراخسین. 12پئلاط گئنه اونلاردان سوروشدو: «بس ائسته‌یئرسئنئز یهودئلرئن پادشاهی ددئیئنئز آداما نه ادیم؟»
13اونلار گئنه قیشقیردیلار: «اونو چارمیخا چک!»
14پئلاط ددی: «نئیه؟ او نه پئسلئک اتدی؟» آمّا اونلار داها برکدن قیشقیردیلار: «اونو چارمیخا چک!»
15پئلاط جاماعاتی راضی سالماق اوچون بَرابّانی اونلارا آزاد بوراخدی و عئسانی قامچیلاتدیریب چارمیخا چکئلمک اوچون اَله وردی.
عسگرلر پادشاهی لاغا قویورلار
16عسگرلر اونو سارایین ائچه‌رئسئنه، یعنی والئنئن قرارگاهینا آپاریب، بوتون عسگرلری بئر یره ییغدیلار. 17اونا اَرغوانی بئر پالتار گئیدئردئلر و تئکاندان بئر تاج هؤروب باشینا قویدولار. 18و اونا سلام ورمه‌یه باشلادیلار: «یاشا، ای یهودئلرئن پادشاهی!» 19اونون باشینا بئر دَیَنَکله ووروردولار، اونا توپوردولر و دئز چؤکوب لاغلاغی ائله اونا تعظئم اتدئلر. 20اونو لاغا قویاندان سونرا، اَرغوانی پالتاری اَینئندن چیخاردیب اؤز پالتارلارینی اونا گئیدئردئلر، سونرا چارمیخا چکمَک اوچون اونو اشئیه آپاردیلار.
اوغول چارمیخا چکئلئر
21چؤلدن گلن بئر نفری، یعنی اَسکندر و روفوسون آتاسی کرِنیالی شمعونو مجبور اتدئلر کی، عئسانین چارمیخینی داشیسین. 22عئسانی گولگوتا آدلانان یره، یعنی «کلّه یری» معناسینی ورن یره گتئردئلر. 23اونا مور ائله قاریشیق شراب وردئلر، آمّا او قبول اتمه‌دی.
24اونو چارمیخا چکدئلر. سونرا پالتارلارینی اؤز آرالاریندا بؤلوشدورولر و هر کسئن نه آلاجاغی اوچون پوشک آتدیلار. 25اونو چارمیخا چکنده، سحر ساعات دوقّوز ائدی. 26اونون ضئدّئنه اولان ائتّئهام یازیسیندا بله یازیلمیشدی: «یهودئلرئن پادشاهی». 27اونونلا بئرلئکده ائکی یاغینی دا، بئرئنی ساغیندا، او بئرئنی سولوندا چارمیخا چکدئلر. a a v27 ان قدئم اَل‌یازمالاریندا بورادا 28-جی آیه یوخدور؛ سونراکی نوسخه‌لر بونو علاوه ادئرلر: «و ”او، جئنایتکارلارلا بئر سایئلدی“ دیئن موقدّس یازی یرئنه یتدی.»
29یانیندان کچنلر باشلارینی بولایا-بولایا اونو تحقئر ادئب ددئلر: «هَی! ای معبدی اوچوردوب اوچ گونه تئکن! 30اؤزونو خئلاص ات و چارمیخدان انن!»
31همن جور، باش کاهئنلر و دئن عالئملری ده اؤز آرالاریندا اونو لاغا قویوب ددئلر: «باشقالارینی خئلاص اتدی، آمّا اؤزونو خئلاص اده بئلمئر. 32قوی مسئح، ائسرایئلئن پادشاهی ائندی چارمیخدان اِنسئن کی، گؤروب ائمان گتئرک.» اونونلا بئرلئکده چارمیخا چکئلمئش اولانلار دا اونو تحقئر ادئردئلر.
آتانین اوغلو آخیر نَفَسئنی چکئر
33گون اورتا اولاندا، گون‌اورتادان سونرا ساعات اوچ اولانا قدر بوتون اؤلکه‌نی قارانلیق بورودو.
34گون‌اورتادان سونرا ساعات اوچده عئسا اوجا سَسله چیغیردی: «اِلویی، اِلویی، لَما سَبَقتَنی؟» یعنی «ای تاریم، ای تاریم، نئیه منی ترک اتدئن؟»
35یاخینلیقدا دورانلارین بعضئسی بونو اشئدنده ددئلر: «باخین، ائلیانی چاغیریر.»
36بئری قاچیب بئر ائسفنجی تورش شرابا باتیردی و اونو بئر قامیشا تاخیب عئسایا ائچمه‌یه وردی و ددی: «بوراخین، گؤرک گؤرن ائلیا گلئب اونو اندئره‌جک؟»
37عئسا اوجا سَسله چیغیریب آخیر نَفَسئنی چکدی. 38و معبدئن پرده‌سی یوخاریدان آشاغی‌یا قدر ائکی یره آیریلدی. 39عئسانین قاباغیندا دوران یوزباشی اونون نجه آخیر نَفَسئنی چکدئیئنی گؤرنده ددی: «حقئقتن، بو آدام تارینین اوغلو ائدی.»
40اورادا بعضی آروادلار دا اوزاقدان باخیردیلار؛ اونلارین آراسیندا مجدللی مریم، کئچئک یعقوبون و یوسِنئن آناسی مریم و سالومه وار ائدی. 41بو آروادلار جلئلده عئسانین دالینجا گدئب اونا خئدمت اتمئشدئلر؛ اونونلا بئرلئکده اورشلئمه گلن باشقا چوخلو آروادلار دا اورادا ائدئلر.
مقبره‌ده قویولماسی
42آخشام دوشموشدو و او گون حاضیرلیق گونو ائدی، یعنی سبّت گونوندن اوّلکی گون. 43اریماتیالی یوسئف کی، شورانین نوفوذلو بئر عوضوو ائدی و اؤزو آتامیزین پادشاهلیغینی گؤزله‌یئردی، جسارت ادئب پئلاتین یانینا گدئب عئسانین بدنئنی ائسته‌دی. 44پئلاط تعجّوب اتدی کی، عئسا آرتیق اؤلوب؛ یوزباشینی چاغیریب، عئسانین چوخدان اؤلوب-اؤلمه‌دئیئنی سوروشدو. 45یوزباشیدان بونون بله اولدوغونو اؤیرنندن سونرا، بدنی یوسئفه وردی. 46یوسئف کتان بئر پارچا آلیب، بدنی اِندئردی، اونو او پارچایا بورویوب، قایادان یونولموش بئر مقبره‌ده قویدو. سونرا مقبره‌نئن آغزینا بئر داش دیرله‌دی. 47مجدللی مریم و یوسِنئن آناسی مریم، عئسانی هارایا قویدوقلارینی گؤردولر.
