Mi eng' bukuit
Bukuit

Sasei Job Peetuutap Sigennyi

Yaat Job silem ak kosas peetuut ne ki kisich. Mache kemoinooto koisto eng' kuwomtap peetuusyek, ak komache koek ko uu lakwetutik che kagome ak laitorinik che kagome, amu sisyei kereret kityo. Amune koochin lapkeiyet, teebe, chiito ne kaorien Kamuktaindet?

Sura 3.

Yeityo koyaat Job kutinnyi ak kosas peetuutap sigennyi. Kole: “Ingolusyo peetuut ne ki kisich, ak kemoi ne kile, ‘Kagemanach weeriit.’ Peetuunooto—ingoek mesundeito! Mageicheeng' Kamuktaindet ne po parak, ak mageikweny lapkeiyet eng' ineendet. Ingonam mesundeito ak urwetap meet ineendet; ingomeny pooldet eng' ineendet; ingoywechi mesundeito ne po peetuut ineendet. Kemounooto—ingonam mesundeito ne oo ineendet; mageboiboitu among peetuusyegap kenyiit, ak mageetegei among arawek. Ee, ingoek kemounooto ne soon; mageitu kuutetap boiboiyet eng' ineendet. Ingosas ineendet icheek che sasei peetuusyek—icheek che choboot koing'eet Leviathan. a a v8 Ki ibwaat piik eng' emoni ne po keny kole, piik che ng'omeen sasaet ko tinyei kimnateet eng' peetuusyek che myee ak che ya. Ingotuiyo kecheigap karonnyi; ingomang'u lapkeiyet ak mageinyooru, ak magegeer lapkeiyet ne po tai ne po mornet, amu ma koger kurgotigap moetap kamennyu, ak ma kouny nyalilda eng' konyekyuk. Amune ma ame ye kisichei, anyoo eng' moet ak abek? Amune kimi kutung'oik che kotaach anee, anan kinaik asi arer? b b v12 Eng' emotinwek che po keny che po Near East, kondeetap lakweet ne leel eng' kutung'oigap chiitap kaa ko ki kaborunet ne po kotaach lakweet. Amu nguno ko ki arue eng' kaalyeet; ko ki arue ak ameng'iisyei, kobooto laitorinik ak ing'omigap ng'wony che ki teech karatwek eng' igeenywa, anan kobooto pounik che ki tinyei thahabu, che ki nyiei kooriikwak fedha. Anan amune ma aek ko uu lakweet ne kagome ne kineegite, ko uu lagok che reryei che ma ki keer lapkeiyet? Olooto ko pegu kiptengeginik nyigiset, ak olooto ko meng'iisyei che nyaluli. Togeennyi ko mi luulenik eng' kaalyeet; ma koi kogas icheek kutitap ne ichoreni icheek. Mi olooto ne ming'in ak ne oo kergeitu, ak kagobetit otwogindet eng' mastanyi. Amune kigoochini lapkeiyet chiito ne mi nyalilda, ak saboondo ne tinyei ng'wanindo eng' muguleldo, che machei meet ne ma nyoo, ak baale agobo ineendet kosiir konorwet ne ung'aat, che toromben eng' poiboiyet ak koboiboitu ye kinyoor kererit? Amune kigoochini lapkeiyet chiito ne ung'aat ooreennyi, ne kagoger Kamuktaindet ineendet? Amu nyoo ng'ererenennyu kotom amitwogikyuk, ak roong'ji tigenoikyuk ko uu peek. Amu kiit ne ki aiimjin kagonyo anee, ak ne ki aiywei kanama anee. Ma atinye kaalyeet, ma atinye siset, ma atinye meng'iisyei—ago nyigiset kityo.”