Kabuusennyu eng' Lagokwok
Kaamwa Kwanda kole ibusei peek ak Kabuusennyi eng' lagogap Israel. Yeityo kigeere komyee chiito ne beelei kebeberta agenge ne po keetit si kowatan amitwogikyik, ak kogoito kebeberta age koleenji, “Isar anee.” Ago kiistoe tengekwogik ko uu pooldet ne po mornet.
Ng'alaali Kwandanyo eng' mustarisyek 1–8, 21–28
44 1Ago nguno igas, Jakobo otwogindennyu, Israel ne kaalewen. 2Nooto ne mwaei Kwandanyo—ineendet ne ki yain, ne ki itochini eng' moet ak toretin: Mat iywei, Jakobo otwogindennyu, Jesurun ne kaalewen. a a v2 Jesurun ko kainet ne anyiny ak ne po tyenik agobo Israel ne karteei “ineendet ne tilyot” — kainet ne po chamyet agobo piik che ki lewen Kwandanyo. 3Amu abusei peek eng' emet ne po melelda ak kereruusyek eng' emet ne yaamaat; abusei Kabuusennyu eng' lagokwok ak koberurennyu eng' tirennwek. 4Pityotos kwenutap susweek ko uu keetiik che piityee kereruusyek che pendote peek. 5Mwaei age kole, ‘Aa po Kwanda’; kuurei age eng' kainetap Jakobo; ak kosir age eng' eunnyi, ‘Po Kwanda,’ ak konam kainetap Israel.
Ne Tai ak Ne Let
6Nooto ne mwaei Kwandanyo—Laitoryatap Israel ak Kiyetundennyi, Kwandap kwangoigap kipsengwet: Aa ne tai ak aa ne let; ma mi kamuktaindet age ne ma inee. 7Ng'oo ne uu anee? Ingomwaita. Ingomwa ak kotebi eng' tainnyu, kogoi peetuut ne ki atoi piik che po keny. Ingomwaita tuguuk che nyonei, ak che ta kogochopkei. 8Mat obotansi, mat oiywei. Tos mamwachi okweek kogoi keny ak amwaite? Okweek ko paorinik chenyuun. Tos mi Kwanda age ne ma anee? Ma mi Rwandet; manyoorun age.
9Piik tugul che yaei kanamonik ko mataliil, ak tuguuk che luulei ko mataliil. Paorinik cheennywa ma keerei age ak ma angen age, si koegu teweerwek. 10Ng'oo ne yaei kamuktaindet anan kowai kanamwet ne ma toreti yaindennyi? 11Keero—koegu teweerwek choronokyik tugul, amu piik kityo ko musogik. Ingoyumgei icheek tugul ak kotonon; potandos ak koegu teweerwek togeennyi.
12Yaei kitang'indet kiyoiyetap iron, poisyei eng' nesek; itochini kipirenik ak kotigitig eng' eunnyi ne kiim. Ago amei rubeet ak nyaluli kimnateennyi; ma ee peek ak nyaluli. 13Laanyei kitang'indetap keetiik porowet ne kiguure ak kosir keetit eng' kiisirtet; poisyei eng' poisyonik ak kosir eng' kiguuret. Yaei koek itoondap muren, ak korooronindo ne po chii, si komeny oldinet. 14Tilei taragonik, anan kolewen piribiryet anan keetit age ak koyai koeet kong'uu kwenutap keetiigap timdo. Minei taragonik, ak yaei ropta koeet. 15Poisyei koek panyeek. Nem age eng' ineendet ak kolalang'yo; ibeelei maat ak kobeel magatiinik. Ago yaei age kamuktaindet ak kotorore; yaei kanamwet ak kotokyi. 16Peelei kebeberwek che po keetiik eng' maat; iipchi panyeek eng' ineendet, koam kobiyong'u, ak kolalang'yo. Mwaei kole, ‘Haa, kalalang'yo; amuuchi atiegei maat.’ 17Ak eng' kiy ne kagong'eti, koyaei kamuktaindet, kanamwennyi; kokwong'u ak kotorore ineendet, kosaaei ineendet ak kole, ‘Isaru anee, amu ii kamuktaindennyu!’
18Mangen kiy age tugul, ma iguiyo kiy age tugul; kagemal konyekwak si ma komuuch koger, ak mugulelwekwak agine, si ma komuuch koiguiyo. 19Ma mi chii ne tebee kobwaat, ma mi chii ne tinyei naet anan ng'omnateet si komwa, ‘Abeel kebebertanyi eng' maat; agot aakeny magatiinik eng' nesegyik, abel panyeek ak aam. Tos ayae kiy ne kagong'eti koek kanamwet ne wechei? Tos akwong'yo keetit?’ 20Amei oreek; kagobeten ineendet muguleldo ne kagibar. Ma komuuch kosar ineegei anan komwa, ‘Tos ma aname leek eng' eunnyu ne tai?’
21Ibwaat tuguuchu, Jakobo, ak inyee, Israel, amu ii otwogindennyu. Kayain anee; ii otwogindennyu. Israel, ma apwaat inyee. 22Kaatindiny pistoeng'uk ko uu pooldet, tengekwogikuk ko uu pooldet ne po mornet. Weege anee, amu kaawaren.
23Otyenji, kipsengwet, amu kaayai Kwandanyo! Oriir ng'uu, rirosyegap ng'wony. Otyenji, tuloonook, timdo, ak keetit age tugul ne mi yoo! Amu kaawaar Kwandanyo Jakobo, ak koboorun teegisteennyi eng' Israel.
24Mwaei Kwandanyo kole—ne Waren inyee, ne kayain eng' moet: Aa Kwandang'ung', Yaindetap tuguuk tugul, ne achuul kipsengwet achaamaan, ne arureen ng'wony anee kityo, 25ne beeti kaboorunoigap maotik che leek, ak ayae che ng'oorsei koberber, ne walei naetap piik che utaatiin, ak awal naennywa koek abusnateet, 26ne gimiti ng'olyootap otwogindennyi, ak kosulda kirwoogetap kiyookotikyik, ne mwaei agobo Jerusalem, ‘Kemeny,’ ak agobo nganasoogap Judah, ‘Keteech kogeny, ak ateech karatwekwak,’ 27ne mwaei rirosyek, ‘Iyaam; ayaamjin ainoosyeguk,’ 28ne mwaei agobo Kores, ‘Ineendet ko rootindennyu, ak kosulda tugul che achame’; ne mwaei agobo Jerusalem, ‘Keteech,’ ak agobo Hekaluut, ‘Kiteech tononeng'ung',’