ኢሳይያስ 52

52 ¹ንቂ፣ ንቂ፤ ጽዮን ሆይ፣ ኀይልሽን ልበሽ፤ ቅድስቲቱ ከተማ ኢየሩሳሌም ሆይ፣ ያማሩ ልብሶችሽን ልበሽ፤ ያልተገረዘውና ርኩሱ ከእንግዲህ ዳግመኛ ወደ አንቺ አይገቡምና። ²ከትቢያ ተነቅንቂ፤ ተነሥተሽ በዙፋንሽ ተቀመጪ፤ ኢየሩሳሌም ሆይ፤ የተማረክሽ የጽዮን ልጅ ሆይ፣ በአንገትሽ ዙሪያ ያሉትን እስራት ፍቺ።

³አባታችን እንዲህ ይላልና፦ “በከንቱ ተሽጣችሁ ነበር፤ ያለ ገንዘብም ትዋጃላችሁ።”

⁴ጌታ አባታችን እንዲህ ይላልና፦ “በመጀመሪያ ሕዝቤ በዚያ እንደ መጻተኛ ለመኖር ወደ ግብፅ ወረደ፤ አሦርም በከንቱ ጨቈናቸው።

⁵“አሁንስ ይህ ምንድር ነው?” ይላል አባታችን፣ “ሕዝቤ በከንቱ ተማርኮ ተወስዶ ሳለ? ገዦቻቸው ያለቅሳሉ፣” ይላል አባታችን፣ “ስሜም ዘወትር፣ ቀኑን ሙሉ ይናቃል። ⁶ስለዚህ ሕዝቤ ስሜን ያውቃል፤ ስለዚህ በዚያ ቀን የሚናገረው እኔ እንደ ሆንሁ ያውቃሉ፤ እነሆኝ።”

⁷የምሥራች የሚያበስረው፣ ሰላምን የሚያውጅ፣ መልካም ነገርን የሚያበስር፣ ድነትን የሚያውጅ፣ ጽዮንን፣ “አባትሽ ነግሦአል!” የሚል መልእክተኛ እግሮች በተራሮች ላይ እንዴት ያማሩ ናቸው! ⁸ስሚ! ጠባቂዎችሽ ድምፃቸውን ከፍ ያደርጋሉ፤ በአንድነት በደስታ ይጮኻሉ፤ አባታችን ወደ ጽዮን ሲመለስ በገዛ ዐይናቸው ያዩታልና። ⁹እናንተ የኢየሩሳሌም ፍራሾች ሆይ፣ በአንድነት በዝማሬ እልል በሉ፤ አባታችን ሕዝቡን አጽናንቶአልና፤ ኢየሩሳሌምንም ተቤዥቶአል። ¹⁰አባታችን በአሕዛብ ሁሉ ፊት ቅዱስ ክንዱን ገልጦአል፤ የምድርም ዳርቻዎች ሁሉ የአባታችንን ድነት ያያሉ። ¹¹ውጡ! ውጡ! ከዚያ ውጡ፤ ርኩስ ነገርን አትንኩ፤ የአባታችንን ዕቃዎች የምትሸከሙ እናንተ፣ ከመካከላቸው ውጡ፤ ራሳችሁን አንጹ። ¹²በችኮላ አትወጡምና፤ አትሸሹምም፤ አባታችን ከፊታችሁ ይሄዳልና፤ አባታችንም ከኋላችሁ ጠባቂያችሁ ይሆናል።

ባሪያዬ ኢየሱስ ከፍ ከፍ ይላል

¹³እነሆ፣ ባሪያዬ—ኢየሱስ— በጥበብ ይሠራል፤ ይነሣል፣ ከፍ ከፍ ይላል፣ እጅግም ከፍ ከፍ ይላል። ^a a v13 አራተኛው የባሪያ መዝሙር እዚህ ይጀምራል፤ እስከ ምዕራፍ ፶፫ ድረስም ይቀጥላል። አዲስ ኪዳን በተለያዩ ክፍሎች ኢየሱስን ይህ መከራ የተቀበለና ከፍ ከፍ ያለ ባሪያ እንደ ሆነ ይሰይመዋል — ማቴዎስ ፰፥፲፯፣ የሐዋርያት ሥራ ፰፥፴፪-፴፭፣ ፩ኛ ጴጥሮስ ፪፥፳፩-፳፭። ¹⁴ብዙዎች በእርሱ እንደ ተደነገጡ— መልኩ ከማንም ሰው ይልቅ፣ አካሉም ከማንም የሰው ልጅ ይልቅ እጅግ ተበላሽቶ ነበርና— ¹⁵እንዲሁ ብዙ አሕዛብን ይረጫል፤ ነገሥታትም ስለ እርሱ አፋቸውን ይዘጋሉ። ያልተነገራቸውን ያያሉና፤ ያልሰሙትንም ያስተውላሉ። ^b b v15 “ይረጫል” የሚለው የመጀመሪያው ቃል ያለውን የካህናት የማንጻት ትርጒም ይከተላል፤ አንዳንድ ትርጒሞች ይህን ቃል “ያስደነግጣል” ብለው ይተረጕሙታል።