Lamuka, Siona
Engumba oyo efandi na putulu elobelami etelema mpe alata mpo na bonsomi, atekami mpamba mpe asombami lisusu na falanga te. Bakimi na bangomba bayei na nsango ete Tata na ye azali koyangela. Esili na mosaleli, oyo asimbami likolo kasi abebisami boye ete baoyo batali ye bazongi nsima.
Tata na biso alobi na milongo 3–6
52 1Lamuka, lamuka, bata makasi na yo, Siona ; bata bilamba na yo ya kitoko, Yelusalemi, engumba mosantu ; pamba te bato oyo bakatami ngenga te mpe bato ya mbindo bakokota lisusu kati na yo te. 2Pumbwa putulu na yo mpe telema ; fanda na kiti na yo ya bokonzi, Yelusalemi ; longola bikangeli oyo ezali na kingo na yo, mwana mwasi ya Siona, oyo ozali moumbu.
3Pamba te Tata na biso alobi boye : « Otekamaki na pamba, mpe okosikolama na mbongo te. »
4Pamba te Tata Nkolo alobi boye : « Na ebandeli bato na Ngai bakitaki na Ejipito mpo na kofanda kuna lokola bapaya, mpe Asulia anyokolaki bango na pamba.
5« Mpe sik’oyo, likambo oyo ezali nini ? » elobi Tata na biso, « wana bato na Ngai bakamatami na pamba ? Bakonzi na bango bazali kolela makasi, » elobi Tata na biso, « mpe ntango nyonso, mokolo mobimba, Kombo na Ngai ezali kotiolama. 6Yango wana bato na Ngai bakoyeba Kombo na Ngai ; yango wana na mokolo wana bakoyeba ete Ngai nde nazali koloba ; Tala, Ngai oyo nazali awa. »
7Ndenge nini makolo ya mopakoli ya nsango malamu ezali kitoko likolo ya bangomba, ye oyo azali komema nsango malamu, oyo azali kosakola kimia, oyo azali komema nsango malamu ya makambo malamu, oyo azali kosakola libiki, oyo azali koloba na Siona : « Tata na yo azali koyangela ! » 8Yoka ! Bakengeli na yo batomboli mongongo na bango ; elongo bazali koganga na esengo, pamba te na miso na bango moko bakomona Tata na biso azali kozonga na Siona. 9Pasola koyemba elongo, bino bikuke ya Yelusalemi, pamba te Tata na biso abondisi bato na Ye ; asikoli Yelusalemi. 10Tata na biso alakisi loboko na Ye mosantu na miso ya bikolo nyonso, mpe nsuka nyonso ya mokili ekomona libiki ya Tata na biso. 11Bimela ! Bimela ! Longwa wana ; kosimba eloko ya mbindo te ; bima na kati na bango ; bomipetola, bino oyo bozali komema bisaleli ya Tata na biso. 12Pamba te bokobima na mbangu te, mpe bokokima te ; pamba te Tata na biso akotambola liboso na bino, mpe Tata na biso akozala mokengeli na bino ya nsima.
Mosali na Ngai Yesu, Atombolami Likolo
13Tala, mosali na Ngai akosala na bwanya ; akotombolama mpe akotombwama, mpe akokumisama mingi. a a v13 Nzembo ya minei ya Mosali ebandi awa mpe ekobaki tii mokapo 53. Boyokani ya Sika ebiki Yesu lokola Mosali oyo ayokaki pasi mpe atombolamaki likolo, na bisika ebele — Matayo 8:17, Misala 8:32-35, 1 Petelo 2:21-25. 14Ndenge bato mingi bakamwaki mpo na ye — lolenge na ye ebebisamaki mpenza koleka ya moto nyonso, mpe nzoto na ye koleka ya moto moko te — 15boye akosopela bikolo ebele mai ; bakonzi bakokanga monoko na bango mpo na ye. Pamba te oyo bayebisaki bango te, bakomona yango, mpe oyo bayokaki te, bakososola yango. b b v15 « Kosopela mai » elandi ndimbola ya bopetoli ya banganga-Nzambe na mokanda ya liboso ; bibongoli mosusu etangi liloba oyo « kokamwisa ».
