Mi eng' bukuit

Isaiah 1 FHB Father's Heart Bible™

Kiistoi 15% eng' kiy ne iale korook →
Bukuit

Ng'ang'utyetap Isaiah

Ne oo eng' maotik: ng'aleek che chaang' che po kirwooget che koweektoi arorutik che ma kergei che po igimisyet ak Koalindet ne pwoonei. Ma mi olooto age tugul eng' Kayomiset ne Kii ne kigityenci tenderigap Kwandanyo ne karaaran kosiir.

Ng'alaali Kwandanyo eng' mustarisyek 2–8, 11–20, 24–31

Sura 1.

Ng'ang'utyetap Isaiah weeriitap Amoz agobo Judah ak Jerusalem eng' peetuusyegap Uzziah, Jotham, Ahaz, ak Hezekiah, laitorinigap Judah.

Kas kipsengwet, ak iit ng'wony, amu kagomwa Kwandanyo ne mi kipsengwet: “Lagok che ki akoo ak aiisto parak, ago kagobista anee.

Piik che Kiutye Kwandanywa

“Ng'eni eito kibotitindennyi, ak sigiryet mangenap mastanyi, ago ma ng'eni Israel, ma kasei piikyuk. Oo, pororyet ne po tengek, piik che kwootyi tengek, kesweegap yaigap yaityo, lagok che ng'emgei! Kagobagakta Kwandanyo, kaginereech Ineendet Ne Tiliil ne po Israel— Kwandanyo—kagiweluldos let ak kobendi. a a v4 Ineendet Ne Tiliil ne po Israel ko kainet ne kigoboorunei maotyot Isaiah agobo Kwandanyo. Nyoonei korweny oldoik che chaang' kosiir tiptem eng' bukuinnyi komugul — ne kainei Kwanda kole ineendet ne tiliil ne kigatuunchigei eng' arorutyet ak piik che utye ineendet masise. Amune kiwirin kogeny? Amune otestai obistoe? Miyoni metit komugul, ak nyaluli muguleldo komugul. Kobooch keldebesyet agoi metit parak ma mi komosta ne karaaran—pirutik kityo, ak kochek, ak simbiryek che yaamyo, che ma kiuun anan kirate anan kibisji mwaita. Kaek karaatya emeng'ung', kagibeel nganasoisyekuk maat; amei toek mbarenikuk eng' taing'ung'—karaatya, ne kigong'em punootik. Ak kagong'etun cheptap Zion ko uu goito eng' mbareetap sabibuk, ko uu kaptildo eng' mbareetap matichek, ko uu nganaseet ne kigoiriim. b b v8 Ki teech riibiikap kesisyet gooisyek che po betusyet eng' mbarenik; ye kagoba kesisyet ko kagong'etya gooisyechooto ma kitinye chii age — kaboorunet ne po meng'otet ak pagaaktaet.

Ngot ma kagong'etunchech Kwanda ne po lugosyegap kipsengwet kitigin che kagosar, kigeek ko uu Sodom, kigeek ko uu Gomorah.

Ogas ng'olyootap Kwandanyo, okweek laitorinigap Sodom! Ogas iit ng'atuutyetap Kwandanyo, okweek piigap Gomorah!

Nee tiseiywekwok che ma kobata che oigochini anee?” kole Kwandanyo. “Kaabiyong' kagoochinoik che kibeelei che po keechiirek murenik ak mwanigap tiook che neraat; ma achame korotiigap eituuk ak mesenik ak ng'oik. Ye obwa onyoone eng' tainnyu, ng'o ne kagosaayin inoni— nguno koyuwaldaetap koresisyekyuk? Omen oibwa kagoochinoik che maunoik! Ko tuguuk che koiguyee anee kiyong'utikwok. Arawek che leel, Sabatoisyek, koguuretap kayumosyek—ma amuuchi akany tengekto ne kibooto ak kayumosyekwok che itabaanat. c c v13 Moonooto ne leel ko ki sagutyet ne kiyae arawek age tugul, ne kiboorunei tabanetap arawet eng' tiseiywek ak mung'et. Arawekwok che leel ak igoorwekwok che ki king'at kowechei saboondanyu; kagoek kaimutyet eng' anee—kaanyalal aibe icheek. Ye ochuul eunekwok eng' saaet, auny konyekyuk ng'eetung'un; agot ngo oyai saautik che chaang', ma agase. Noonjin eunekwok korotiik. Ouunenkei; oyachigei otiliil. Oiste yaitwogikwok che ya eng' tainnyu; omen oyae ne ya. Onetge oyae ne myee; ocheeng' imanda, olitiit chiito ne usei piik. Oriip ne ma tinyei sigiik, otononchi mosoget. “Onyoo nguno, keng'alaal niito togeet,” kole Kwandanyo. “Agot ngo tengekwogikwok ko uu koroito ne piriir, koleelit ko uu teluji; agot ngo piriireen miising', koegu ko uu koroorigap keechiirek. Ngot ochame ak ogase iit, oame tuguuk che myee che po emet; ago ngot ong'woei ak obistoe, amook rotweet. Amu kagong'alaal kutitap Kwandanyo.”

Nganaseet ne Iman

Koegu ano nganaseet ne iman koek chepkago! Ki kioiis imanda; ki kimenye imanda eng' ineendet—ago nguno rumiik. Kagoek silvaang'ung' koek soriek che ma po boiisiet, divaing'ung' ne myee kagiyagan peek. Laitorinikuk ko ngelelik, ak partik ak chooriik; chamei tugul melekto ak roosei kagoochinoik. Ma toreti ne ma tinyei sigiik, ak ma kas ng'aleegap mosoget.

Nooto anyun ko ng'olyoot ne po Kwanda ne Toroor, Kwanda ne po lugosyegap kipsengwet, Ne Kimnateet ne po Israel—Kwandanyo: Ee, amyeeitu eng' puunikyuk ak ayaakyini mugetuut che king'eetya. d d v24 Ne Kimnateet ne po Israel ko kaina age ne ki iboor maotyot Isaiah agobo Kwandanyo — ne mwaei kimnateennyi agobo piikyik. Kiyumgei yuni ak kainoik che oeng' alak, iborchini ng'olyooni Kwandanyo eng' noton tugul ye ng'eetei koyai. Aweek eunnyu agaigai inyee; awong' ng'wanindang'ung' ko uu ne kiyagan luliet, ak aiste simwekwok tugul. Aweekyini kirwogikuk ko uu peetuusyek che po keny, ak che ing'omitak ko uu taunet. Yeityo kigurin Nganaseet ne po Imanda, Nganaseet ne Iman. Kiwiren Zion eng' kirwooget, ak che sigei eng' ineendet, kiwiren eng' imanda. Ago kiwech ngelelik ak kiptengeginik togeet, ak che pagaaktoi Kwandanyo kiwong'. Oiyuuch agobo keetiik che tiliileen che ki oboiboitu eng' icheek; ak oiyuuch agobo mbareenik che ki olewen. Amu oegu ko uu keetit ne resyei soogekyik, ko uu mbareet ne ma tinyei peek. Koek chiito ne kimnatindet tindoi, ak poisyennyi koek kalyeleet; kolal che aeng' togeet, ak momi ne iyesei icheek.