Machei Anee
Lasei murenindet ineendet kobun keldenyi che po sandet agoi suumeekyik, koboiboi agobo ineendet eng' ung'oot. Ma wechei ineendet niito. Le ineendet ale machei ko po tuwai ak ko nennyi, yeityo komut ineendet koba keeweet ak gaanik, ole kaga koonor logoek agobo ineendet.
7 1Karaaran miising' kelyekwok eng' sandet, cheptap kiptaiyat! Imeng'utap kubesoiguk ko uu koiik che po kamanuutyet, poisyetap eunegap ng'amotyot ne oo. 2Mugumeng'ung' ko uu soteet ne ng'echeronooto ne ma kobet divaik ne ki iilse. Moeng'ung' ko karurugutyet ne po nganuuk ne kiyiem taaptook. 3Kinaik aeng' ko uu ng'aleek aeng' che po cheptirgichet, sarameek che po kenyeleet. 4Kaating'ung' ko uu teekseet ne po kelegap peeleek. Konyeguk ko poolik che mi Hesbon, eng' kurgeetap Bath-rabbim. Seruteng'ung' ko uu teekseetap Lebanon, ne tokyingei Damasko. 5Meting'ung' ko ilagunin ko uu tulweetap Karmel, ak suumeekuk che oleksei ko uu che arusen ne piriir; kinam laitoryat eng' suumeekyik. 6Karaaran miising' ak kakagaseet inyee, chamanennyu, kobooto baibayeekuk tugul! 7Etunateng'ung' ko uu keetitap mutuet, ak kinaik ko uu moriikyik. 8Ki ale, “Atogoste keetitap mutuet ak anam logoekyik.” Ingoek kinaik ko uu mooriigap keetitap sabibuk, ak ng'uunetap kabuuseng'ung' ko uu tufaa, 9ak kuting'ung' ko uu divaik che korooron. Pwoonei koyeeny agobo chamanennyu, koilisyei komyee eng' kutik ak kelek.
10Anee ko po chamanennyu, ak machei anee. 11Nyoo, chamanennyu, keebe keeweet ak keruiye gaanik. 12Keeng'etu karon keebe mbareenigap sabibuk ak keger ngot kigoing'at keetiigap sabibuk, ngot kigoyesyo taaptook ak kigoing'at logoek che eecheen. Eng' yooto agoonin chamyennyu. 13Koonu labotik ng'uunennywa, ak eng' parak kurgotikyok komi logoek tugul che korooron, che leel ak che po keny, che kaanoorchin inyee, chamanennyu. a a v13 Labotik ko minutiik che anyiny che ki kiiyanda piik che chaang' eng' emet ne po keny kole koteksei machet ne po chamyet ak kotesi kosich lagok.