Pü Münyü-o A Yo Zo
Mipüe pü phezi dithedü celü pü pitha hani chu süyo, mha keseo mhüjülü pü yo münyü de. Pü süo khava mejota. Pü münyü hunehu zo mu utho zo küpoti, side pü khrüo khubübo mu natsükolü ta voyo, sülü pü noce mharü kengu bata.
7 1N phezi dithedü züveshi, pheku be, mha küzho nupü! N thigibüh kethüko-o ketsü uma kerü bi zo, mha keseo thümae ube reshü bi. 2N küzhoo tsü-o pühe lacho zo, hezo thikava kethü keho ba kemola. N küzhoo-o atalha kesü bi, rüle yo pükhüko. 3N sosopü keni-o thilü nuo keni bi zo, therhü keni münu bi zo. 4N voce-o prü hu dahu bi zo. N mhü-o Heshbon lü dzüsho bi zo, Bath-rabbim cekha kemenoce zo. N nhi-o Lebanon dahu bi zo, Damascus ce kepeo. 5N piyo-o Carmel bi zo, n pitha-o mere bi zo; kedeo-o pü pitha lü tüpüh ketola. 6Di züve mu di rizo shi, no, a khrüo, n künü mütü be! 7N cho-o sini kemejo sübo bi zo, n sosopü-o pü khubü se bi zo. 8I posü die, “I sini kemejo sübolü kito mu pü use melü beto.” N sosopü-o khubübo khubü se bi zoyite, mu n kerhü mharü kethenyü-o apple bi zoyite, 9mu n ta-o hezo keve bi zo. A khrüo yo rizo khrivato, mülü mu hu metüyo khipü khrivato.
10I a khrüo zo, mu pü münyü-o a yo zo. 11Vote, a khrüo, ha yikolü vori die natsükolü tüzü bayi te. 12Ha küshüh khubübo yikolü vori te, khubübo rüthi parita me, sükhwü mhango yita me, mu pomeve khwü pari me zü te. Sülü i a mhakha noce prüto. 13Mandrakeko pü mharü kethenyü prüta, mu ha cekhalü use keve mütü, kesa mu kehü, ba zo, süko i noce kengu metave, a khrüo. a a v13 Mandrakeko-o mharü kethenyü kübao boko zo, thajü thümakoe mhakha münyü khweyi mu nu münu keto thi meve süyi die melü tati.
