اونون آرزوسو منه طرفدئر
کئشی اونو چاریقلی آیاقلاریندان ساچینا قدر تعرئفله‌یئر، آچیقجا اوندان حَظ آلیر. قادین بونو گری چِوئرمئر. آرزونو هم قارشیلیقلی، هم ده اؤزونونکو سایاراق، سونرا اونو اوزوم باغلارینا و کَندلره آپاریر، اورادا کی اونون اوچون میوه‌لر ساخلاییب.
7 1چاریقلاردا آیاقلارین نه قدر گؤزلدئر، ای نجئب قیز! بودلارینین قیوریملاری جواهئرلر کئمی‌دئر، اوستا بئر صَنَتکارین اَل ائشی کئمی. 2گؤبه‌یین قاتیشیق شرابی هچ اَسکئک اولمایان مودوّر بئر قابدیر. قارنین بوغدا قالاغی‌دیر، سو زانباقلاری ائله اَحاطه اولونموش. 3دؤشلرئن ائکی بالا کئمی‌دئر، بئر جیرانین اِکئزلری. 4بوینون فئل دئشئندن بئر بورج کئمی‌دئر. گؤزلرئن بَت‌رَبّئم دروازاسینین یانیندا، خِشبوندا اولان گؤلمَچه‌لردئر. بورنون دَمَشقه طرف باخان لوبنان بورجو کئمی‌دئر. 5باشین سنی کَرمِل کئمی تاجلاندیریر، و ساللانان ساچلارئن ارغوانی کئمی‌دئر؛ بئر پادشاه اونون هؤروکلرئنده اسئر اولوب. 6سن نه قدر گؤزلسن و نه قدر خوشسان، ای سوگئلی، بوتون لذّتلرئنله! 7قامتین خورما آغاجی کئمی‌دئر، و دؤشلرئن اونون سالخیملاری کئمی. 8ددئم: «خورما آغاجینا چیخاجاغام و اونون میوه‌سئندن یاپیشاجاغام.» قوی دؤشلرئن اوزوم سالخیملاری کئمی اولسون، و نفسئنئن عطئری آلما کئمی، 9و آغزین لاپ یاخشی شراب کئمی‌دئر. او سوگئلئم اوچون یاواش-یاواش آخیر، دوداقلار و دئشلرئن اوستوندن یاواش سوروشور.
10من سِوگئلئمئنکی‌یَم، و اونون آرزوسو منه طرفدئر. 11گل، ای سوگئلئم، چؤله چیخاق و کَندلرده گجه‌له‌یک. 12سحر تئزدن اوزوم باغلارینا گدک و گؤرک کی، اوزوم آغاجلاری تومورجوقلاییب‌می، گوللر آچیلیب‌می و نارلار چئچک آچیب‌می. اورادا محبّتئمی سنه وره‌جه‌یم. 13محبّت اوتلاری عطئرئنی ساچیر، و قاپیلاریمیزین اوستونده هر جور لاپ گؤزل میوه، تزه و کؤهنه، وار، کی، سنئن اوچون ساخلامیشام، ای سوگئلئم. a a v13 محبّت اوتلاری عطئرلی بئتکیلر ائدی کی، قدئم دونیادا گِنئش شکئلده بله ائنانیلیردی: بونلار عئشقی آرزونو اویادیر و دوغورغانلیغی آرتیریر.
