雅歌 7

7 ¹高貴嘅女子啊, 你著住涼鞋嘅雙腳幾咁美麗!你大腿嘅曲線好似寶石, 係巧匠親手嘅傑作。 ²你嘅肚臍好似一個圓圓嘅酒杯,從來唔缺調和好嘅酒。 你嘅肚腹好似一堆麥子, 四圍有百合花圍住。 ³你嘅兩個乳房好似一對小鹿, 係羚羊嘅孖生仔。 ⁴你嘅頸項好似一座象 牙嘅塔。 你嘅眼好似希實本嘅水池, 喺巴特拉併嘅城門邊。 你嘅鼻好似黎巴嫩嘅塔, 朝住大馬士革望。 ⁵你嘅頭好似迦密山咁做你嘅冠冕, 你飄逸嘅頭髮好似紫色;有一位王被佢嘅髮綹纏住咗。 ⁶我嘅愛人啊,你連同你一切嘅歡愉, 係幾咁美麗,幾咁令人喜悅! ⁷你嘅身量好似一棵棕樹, 你嘅乳房好似樹上嘅果串。 ⁸我話:「我要爬上棕樹, 揸住佢嘅果子。」 願你嘅乳房好似葡萄嘅果串, 你呼吸嘅香氣好似蘋果, ⁹你嘅口 好似最好嘅酒。 呢啲酒為我嘅良人順暢咁流, 輕輕柔柔咁滑過嘴唇同牙齒。

¹⁰我係屬於我良人嘅, 佢嘅愛慕係向住我。 ¹¹我嘅良人啊,嚟啦, 我哋出去田野,喺鄉村過夜。 ¹²我哋一早就去葡萄園, 睇下葡萄樹發咗芽未, 花蕾開咗未, 石榴開咗花未。 喺嗰度我要將我嘅愛獻俾你。 ¹³風茄發出佢嘅香氣, 我哋嘅門口上邊有各樣最好嘅果子,新嘅舊嘅都有, 係我為你收藏起嘅,我嘅良人啊。 ^a a v13 風茄係一種有香氣嘅植物,喺古代世界廣泛認為佢可以激發愛慕之情,增強生育能力。