من سوگئلئمئنکی‌یَم
اورشلئم قیزلاری اونا آختارماقدا کؤمک اتمَیی تکلئف ادئرلر، او دا جاواب ورئر کی سِودئیئنئن هارا گتدئیئنی بئلئر. کئشی اونو تعرئفله‌یئر: آلتمیش مَلَکه و ساییسیز قادین وار، آمّا یگانه یئنه اودور. سونرا تاماشاچیلار شولَمّئتی گری چاغیریرلار کی اونا باخسینلار.
6 1سودئیئن هارا گدئب، ای آروادلارین ان گؤزَلی؟ سودئیئن هانسی طرفه گتدی کی، سنئنله اونو آختاراق؟
2سودئیئم اؤز باغینا، عطرئیّات دؤشکلرئنه اِنئب کی، باغلار آراسیندا اوتلاسین و زانباقلار ییغسین.
3من سودئیئمئنکی‌یَم و سودئیئم منئمکی‌دئر؛ او زانباقلار آراسیندا اوتلاییر.
4ای عشقئم، سن تئرصا کئمی گؤزل، اورشلئم کئمی سِوئملی، بایراقلاری اولان قوشون کئمی زهملی‌سن. a a v4 تئرصا گؤزللئیی ائله مشهور قدئم بئر پادشاه شهری ائدی و بورادا شهرلرئن ان گؤزلی کئمی اورشلئمله یاناشی گتئرئلئب.
5گؤزلرئنی مندن یانا چِوئر، چونکی اونلار منی مغلوب ادئر. ساچین بئر کِچی سوروسو کئمی‌دئر کی، گئلعاددان اِنئر. 6دئشلرئن یویونماقدان چیخان بئر سورو دئشی قویون کئمی‌دئر؛ هامیسی اِکئز دوغور و آرالاریندا هچ بئری اؤز بالاسینی ایتئرمه‌یئب. 7یاناقلارین نئقابینین آرخاسیندا بئر نارین یاریلاری کئمی‌دئر.
8آلتمیش مَلَکه و هشتاد جارئیه، و ساییسیز جاوان قیزلار وار. 9آمّا منئم گؤیرچئنئم، منئم کامئلئم یگانه‌دئر؛ او، آناسینین یگانه قیزی‌دیر، اونو دوغانین سِوئملئسی‌دئر. جاوان قیزلار اونو گؤروب موبارک سایدیلار؛ مَلَکه‌لر و جارئیه‌لر ده اونو تعرئفله‌دئلر.
10سحر کئمی پارلایان، آی کئمی گؤزل، گونش کئمی پارلاق، بایراقلاری اولان قوشون کئمی زهملی اولان بو کئمدئر؟
11جویئز باغینا اِندئم کی، دره‌نئن چئچکلرئنه باخیم، اوزوم تَنه‌یئنئن تومورجوقلاییب-تومورجوقلامادیغینی، نارلارین چئچک آچیب-آچمادیغینی گؤروم.
12هچ خبرئم اولمادان، آرزوم منی اصئل‌زاده خالقیمین عارابالاری آراسینا قویدو.
13قاییت، قاییت، ای شولاملی؛ قاییت، قاییت کی، سنه تاماشا ادک. نئیه شولاملی‌یا ائکی دوشَرگه‌نئن رقصی کئمی تاماشا ادئرسئنئز؟ b b v13 «ائکی دوشرگه‌نئن رقصی» اوزبه‌اوز دایانان ائکی سیرا تاماشاچینین آراسیندا ائجرا اولونان لطئف بئر یورویوشو تصوئر ادئر.
