Moi Moi Laga Morom Kora Jon Laga Ase
Jerusalem laga suali khan tai ke bisari bole modot kori dibo koi, aru tai jawab diye, tai kote jaise moi jane. Mota manuh tai ke tarif kore: saath-ta rani aru ginti nathaka maiki khan, titia bhi tai he ekjon ase. Tetia sai thaka khan pora Shulammite ke tai ke sabole wapas mate.
6 1Tumar morom kora jon kot jaise, mahila khan majote sob pora sundor jon? Tumar morom kora jon kun rasta pora jaise, amikhan tumar logot tar ke bisaribole?
2Moi laga morom kora jon tar laga bagan te nami jaise, mosola laga bisna khan te, bagan khan majote chorabole aru lily phul khan joma koribole.
3Moi moi laga morom kora jon laga ase aru moi laga morom kora jon moi laga ase; tar lily phul khan majote chorai ase.
4Tumi sundor ase, moi laga morom, Tirzah nisena, Jerusalem nisena morom laga, jhanda thaka sipahi dol nisena bhoyankar. a a v4 Tirzah tu purana din laga ekta raja laga sheher thakise, tar sundorta nimite naam thakise, aru yate sob pora morom laga sheher hisab te Jerusalem logot milai dise.
5Tumar suku khan moi pora hatai lobi, kilemane eitu khan pora moi ke jiti loi ase. Tumar chuli tu Gilead pora nami aha chagol dol nisena ase. 6Tumar daat khan dhui kena uthi aha mer dol nisena ase, eitu khan sob jurwa bacha jonom diya, aru eitu khan majote ekta bhi tar bacha harai diya nai. 7Tumar gaal khan tumar kapor laga pichete anar laga adha tukra nisena ase.
8Sathi jon rani aru assi jon upopatni ase, aru ginti nathaka jawan mahila khan ase, 9kintu moi laga kumuri, moi laga nishkolonko jon, ekjon-he ase, tar ama laga ekmatro chukri, tar ke jonom diya jon laga sob pora morom laga. Jawan mahila khan pora tar ke dekhi kene asirbad paise koi kene matise; rani aru upopatni khan pora bhi tar ke prosansa korise.
10Phojur nisena ujala diya eijon kun ase, chand nisena sundor, suryo nisena ujala, jhanda thaka sipahi dol nisena bhoyankar?
11Moi ghati laga phul khan sabole akhrot bagan te nami jaise, angur lata te kuri ulaise na nai, anar phul phutise na nai, eitu sabole.
12Moi jana age te, moi laga itcha pora moi ke moi laga mohan manuh khan laga rath khan majote rakhise.
13Ghuri ahibi, ghuri ahibi, Shulammite; ghuri ahibi, ghuri ahibi, amikhan tumar ke saribole. Tumikhan kile Shulammite ke sai ase, duita chaoni laga nach ke sa nisena? b b v13 'Duita chaoni laga nach' tu ek sundor julus nisena dikhai diye, juntu amne-samne thaka saa manuh laga duita lain majote kora hoi.