آچدیم، آمّا او گتمئشدی
کئشی دیئر کی اؤز باغینا گلئب. سونرا قادین بئر گجه‌دن دانیشیر کی قاپیدا یاواشلیق اتدی و چوخ گئج آچدی، سِودئیئنی ائسه گتمئش تاپدی. اونو آختارارکَن گؤزَتچئلر اونو ووردولار. سِودئیی باشقالاریندان نه‌یله فرقلئدئر دئیه سوروشولاندا، اونو تپه‌دن دیرناغا قدر وصف ادئر.
5 1اؤز باغیما گلمئشم، ای باجیم، ای گلئنئم؛ اؤز مورومو عطرئیّاتیملا ییغمیشام، شانی بالیمی بالیملا یمئشم، شرابیمی سودومله ائچمئشم. یئیئن، ای دوستلار؛ ائچئن، و دویونجا ائچئن، ای سوگئلئلر!
2یاتمیشدیم، آمّا اوره‌یئم اویاق ائدی. بئر سس - سوگئلئم قاپینی دؤیور: «منه آچ، ای باجیم، ای محبوبوم، ای گؤیرچئنئم، ای کامئلئم، چونکی باشیم شِحله ائسلانیب، ساچیم گجه‌نئن دامجیلاری ائله.» 3پالتاریمی چیخارتمیشدیم - نجه گئنه گئیه بئلَردئم؟ آیاقلاریمی یومموشدوم - نجه گئنه کئرلیه بئلَردئم؟ 4سوگئلئم اَلئنی قاپی دَلئیئنه اوزاتدی، و اوره‌یئم ائچئمده هَیَجانا گلدی. 5سوگئلئمه قاپینی آچماق اوچون دوردوم، و اَللرئم موردان دامدی، بارماقلاریم دورو مور ائله، قیفیلین دسته‌لری اوستونه. 6سوگئلئمه قاپینی آچدیم، آمّا سوگئلئم دؤنوب گتمئشدی. او دانیشاندا جانیم باتدی. اونو آختاردیم، آمّا تاپمادیم؛ اونو چاغیردیم، آمّا جاواب ورمه‌دی. 7گؤزَتچئلر شهری دولاناندا منی تاپدیلار؛ منی ووردولار، منی یارالادیلار؛ عبامی مندن آلدیلار، او دووارلارین گؤزَتچئلری. 8سئزه آند وئرئرم، ای اورشلئم قیزلاری، اگر سوگئلئمی تاپسانیز، اونا دیئن کی، من محبّتدن ناخوشام. 9سنئن سوگئلئن آیری بئر سوگئلئدن نه‌یی آرتیقدیر، ای آروادلار آراسیندا لاپ گؤزل اولان؟ سنئن سوگئلئن آیری بئر سوگئلئدن نه‌یی آرتیقدیر کی، بئزه بله آند وئرئرسن؟
10منئم سوگئلئم نورلو و آل یاناقلیدیر، اون مئن آراسیندا سچئلئر. 11باشی خالئص قیزیلدیر؛ ساچلاری دالغالی، قارغا کئمی قارادیر. 12گؤزلری سو آرخلاری کنارینداکی گؤیرچئنلر کئمی‌دئر، سودا یویونموش، اؤز یرئنده یاقوتلار کئمی دوزولموش. 13یاناقلاری عطرئیّات باغچالاری کئمی‌دئر، عطئرلی گؤیرتی بورجلری. دوداقلاری سو زانباقلاری‌دیر، دورو مور دامدیران. 14قوللاری قیزیل آغاجلاری‌دیر، یاقوتلارلا بَزه‌دئلمئش. بدنی جئلالانمیش فئل دئشی‌دئر، یاقوتلارلا بزه‌دئلمئش. 15بالدیرلاری مرمر سوتونلاری‌دیر، خالئص قیزیل آلتلیقلار اوستونه قویولموش. گؤرونوشو لوبنان کئمی‌دئر، سئدر آغاجلاری کئمی سچمه. 16آغزی شئرئنلئیئن اؤزودور، و او، باشدان-باشا چکئجی‌دئر. بودور منئم سوگئلئم، و بودور منئم دوستوم، ای اورشلئم قیزلاری.
