雅歌 5

5 ¹我妹妹，我新娘，我入咗嚟我嘅園； 我採咗我嘅沒藥同香料， 我食咗我嘅蜂房同蜂蜜， 我飲咗我嘅酒同奶。 朋友啊，食啦； 相愛嘅人啊，飲啦，盡情咁飲啦！

²我瞓着咗，但係我個心醒住。 有把聲——係我心愛嘅喺度敲門： 「我妹妹，我心愛嘅，我嘅白鴿，我完美嘅人啊，開門畀我啦， 因為我個頭畀露水濕透咗， 我啲頭髮沾滿咗夜晚嘅水點。」 ³我已經脫咗件袍——點 可以再着番呢？我已經洗咗對腳——點 可以再整污糟呢？ ⁴我心愛嘅伸手入門閂度， 我個心就為佢跳動。 ⁵我起身要同我心愛嘅開門， 我雙手滴住沒藥， 我啲手指滴住流動嘅沒藥， 滴喺門閂嘅把手上。 ⁶我同我心愛嘅開咗門， 但係我心愛嘅已經轉身走咗。 佢講嘢嗰陣，我個魂都沉咗落去。我搵佢，但係搵 佢唔到；我叫佢，但係佢冇應。 ⁷啲守衛喺城裏面巡邏嗰陣搵到我； 佢哋打我，整傷我；睇守城牆嗰啲守衛， 仲搶咗我件披風。 ⁸耶路撒冷嘅眾女子啊，我囑咐你哋，如果你哋搵到我心愛嘅， 就話畀佢知，我因愛成病。 ⁹女子中最靚嘅你啊，你心愛嘅比起人哋心愛嘅有咩特別呢？ 你心愛嘅比起人哋 心愛嘅有咩特別，令你咁樣囑咐我哋呢？

¹⁰我心愛嘅又白又紅， 喺一萬人中都出眾。 ¹¹佢個頭好似最純嘅金； 佢啲頭髮鬈曲，黑到好似烏鴉噉。 ¹²佢對眼好似溪水邊 嘅白鴿， 用奶洗過噉， 好似寶石鑲喺適當嘅位置。 ¹³佢兩邊面頰好似香料嘅花圃，好似芬芳香草嘅高台。佢嘴唇好似百合花， 滴住流動嘅沒藥。 ¹⁴佢雙手好似鑲住寶石嘅金棒。 佢個身好似磨光嘅象牙， 鑲滿藍寶石。 ¹⁵佢兩條腿好似雪花石膏嘅柱，安喺純金嘅座上。 佢嘅樣好似黎巴嫩噉， 好似香柏樹咁優越。 ¹⁶佢個口 甜到極，佢全然可愛。耶路撒冷嘅眾女子啊，呢個就係我心愛嘅， 呢個就係我嘅良朋。