سنده هچ عیب یوخ
کئشی قادینی بئر-بئر تعرئفله‌یئر، اونو اؤز گلئنی و باجیسی چاغیریر، دیئر کی اونده هچ عیب یوخدور. او قیفیللانمیش بئر باغ، مؤهورلَنمئش بئر چشمه‌دئر، آنجاق اونونکودور. آخیردا قادین جاواب ورئر، یلی چاغیریب او باغی اؤزو آچیر.
4 1نه گؤزل‌سن، ای سِوگئلئم، نه گؤزل‌سن! گؤزلرئن روبندئنئن آرخاسیندا گؤیرچئنلردئر. ساچین گئلعاد یاماجلارینا آخان کِچی سوروسو کئمی‌دئر. 2دئشلرئن یویونماقدان چیخان تزه قیرخیلمیش قویون سوروسو کئمی‌دئر؛ هر بئری اِکئز دوغار، آرالاریندا هچ بئری بالاسینی ائتئرمه‌یئب. 3دوداقلارین قیرمیزی ائپ کئمی‌دئر، آغزین دا گؤزلدئر. یاناقلارین روبندئنئن آرخاسیندا نار یاریسی کئمی‌دئر. 4بوینون داش سیرالاری ائله تئکئلمئش داوودون قولّه‌سی کئمی‌دئر؛ اوستوندن مئن سئپر آسیلیب، هامیسی ایگئدلرئندئر. 5ائکی دؤشون زانباقلار آراسیندا اوتلایان، جیران اِکئزلری اولان ائکی جیران بالاسی کئمی‌دئر. 6گون نفس آلیب کؤلگه‌لر قاچان زامانا قدر، مور داغینا و کوندور تپه‌سئنه گده‌جیم. 7ای سِوگئلئم، سن تامامیله گؤزل‌سن؛ سنده هچ عیب یوخدور.
8لوبناندان منئمله گل، ای گلئنئم؛ لوبناندان منئمله گل. اَمانا زئروه‌سئندن، سِنئر و خِرمون زئروه‌سئندن، آصلانلارین ماغارالاریندان، پلنگلرئن داغ مسکنلرئندن آشاغییا باخ. 9اوره‌یئمی اسئر اتدئن، ای باجیم، ای گلئنئم؛ گؤزلرئنئن بئر باخیشی ائله، بویونباغینین بئر داشی ائله اوره‌یئمی اسئر اتدئن. 10محبّتئن نه گؤزلدئر، ای باجیم، ای گلئنئم! محبّتئن شرابدان نه قدر یاخشیدیر، یاغلارینین عطئری ده هر عطرئیّاتدان نه قدر خوشدور! 11دوداقلارین شهد دامیزدیریر، ای گلئنئم؛ بال و سود دئلئنئن آلتیندادیر، پالتارلارینین عطئری ده لوبنانین عطئری کئمی‌دئر.
12باجیم، گلئنئم قیفیلّی بئر باغدیر، قیفیلّی بئر بولاق، مؤهورلَنمئش بئر چشمه‌دئر. 13شاخه‌لرئن لاپ گؤزل میوه‌لرله دولو نار باغیدیر، خئنا و سونبول، 14سونبول و زعفران، قامیش و دارچین، کوندور، مور و عؤد آغاجلاری، بوتون لاپ گؤزل عطرئیّاتلارلا بئرلئکده. a a v14 قامیش، عطرئیّات کئمی ائشلَدئلن، خوش عطئرلی بئر نَیدئر. 15سن بئر باغ چشمه‌سی، دئری سو قویوسو، لوبناندان آخان سو آرخلاریسان. 16اویان، ای شئمال یِلی، گل، ای جنوب یِلی! باغیمین اوستونه اَس کی، عطرئیّاتلاری آخسین. قوی سِوگئلئم اؤز باغینا گلسئن و اونون لاپ گؤزل میوه‌لرئندن یِه‌سئن.
