I A Khrümi Zhüzo
Jerusalem pükoe pü zü phuyi küthoo sü, mu pu pü hico vo seba po kela. Thümao pü züve posü: küde theno hieshorüh mu thenomi mhange mhave, vele pu libi sa zo. Süce ango kebakoe Shulammite retu po, pü türü ketola.
6 1Neko khrümi hice vota, thenomi dolü züve rizo? Neko khrümi cho dipü vota, hako no zü püzü pü phuyi ketola?
2A khrümi pü tizhelü ta tizo, mharü kethenyüko bepülü, tizhe dolü kecho mu rübako kengu kevo.
3I a khrümi zhüzo mu a khrümi azhüzo; pü rübako dolü cho yo.
4No züve rizo, a kükhrü, Tirzah bi, züve rizo Jerusalem bi, prütho pahe banner ketabi. a a v4 Tirzah hi mehimi nade kethio, pü züve lamori miphizho, hilü Jerusalem zü hani thi vetsüsü, nade dolü züve rizho.
5Neko mhü ayo khivate, kekrelamori süko a thiküta. Neko pitha teko kho sace Gilead lüno taki kevo bi zo. 6Neko huko teko kho sace meni kevalü tso kevo bi zo, süko metü penu menüko, mu süko dolü pühri pü nu pie bamo. 7Neko kemho neko veo sace pome vejü ketabi zo.
8Küde thenoko hieshorüh mu füne kethenoko hetütha ba, mu khresa thenomiko piphri kemesa ba, 9vele a therüvü, a vetsütsomi, libi sa zo, püzu nupü libi sa zo, pü menükemi shude keyio. Khresa thenomiko pü ngosü de pü yheve zita; küde thenoko mu füne kethenokori pü chuta.
10Sopü hio tüso bi keveprari, khre bi züve ri, nace bi keveo, prütho pahe banner ketabi?
11I thasükro tizhelü ta tizo cejü razho mhabüko türü vo, khubübo boo zü kecho me, pomeko püzhüyi me de ngoyi vo.
12I se kebalü theva, a münyüe a mehimi kedeko gura gari dolü süta.
13Retu, retu, Shulammite; retu, retu, hako no türü ketola. Neko dipüla Shulammite türü, chozu kena kenalü keno bi zo? b b v13 'Chozu kena kenalü keno' hio türükoe kenalü kedobi ni dolü züve keno thisü kebala.
