Mi eng' bukuit
Bukuit

Angen ale Sabei Ityaachaandennyu

Mwaei Job kole kaayai Kamuktaindet ineendet tengek, ak kagowa piik tugul alak: kwondonyi ne weeksei amu iyweennyi, otwogikyik che ma wolji ineendet, lagok che chotisyei. Machei kosir ng'aleekyik eng' koit. Yeityo kerern naennyi, kole sabei Saarunindennyi ak kogeer Kamuktaindet konyekyik ineegei.

Sura 19.

Kowol anyun Iyob kole: “Ieesyoi agoi au ogengenye saboondanyu ak oguoten eng' ng'aleek? Ortinwek taman chu, kaosaasyowo; ma olilanse oyaiywo tengek. Ago ngot kaayai keniisyet iman, tebee keniisyennyu ak anee. Ngot iman otoroorgei kosiiro, ak oboisyee teweernatennyu si opaoranwo, onai anyun ale kaayaawo Kamuktaindet tengek, ak kagoyiemwo regereiywonnyi. Aguur ale, ‘Pirsiisyet!’ ago ma kewolwo; aguuree toreet, ago ma mi kirwooget. a a v7 Kakuuret ‘Pirsiisyet!’ ko ki kuuretap taunet ne po keny ne kisaae kirwooget — ki kuuret ne kigeker ne kisaae toreet agobo tengek ne kaayain chii. Kayiem ooreennyu si mamuuch alanda, ak kainde mesundeito ortinwekyuk. Kareegunwo toroornatennyu, ak kanam kuutweet eng' metinnyu. Kaguotenwo eng' komosta age tugul, ak kaapet; kaitutyi kamang'unennyu ko uu keetit. Kaginde nereegekyik agaigai anee, ak koityin anee ko uu puunyoonnyi. Pwa togeennyi murenikyik; teech ng'ung'unyekwak agaigai anee, ak kotebi kong'eta kurgeetanyu. Kainde tupchosyekyuk loo kong'eta anee, ak icheek che ki ngenwo, kagoek toek kong'eta anee. Kabagaaktanwo kaptilyonutikyuk, ak kaautywo choronokyuk che neegit. Toek che mi koonnyu ak tiibiikyuk, ityin anee ko uu toondet; kaawo punootyo eng' konyekwak. Akuure otwogindennyu, ago ma kowolwo; anyolu asoom ineendet anee kityo. Wechei kwondonyu susweekyuk, ak aegu ne isasoni eng' tupchosyekyuk. Agot lagok che mengeechen koisaswo; ye ang'eete, ng'alaali agaigai anee. Sasewo choronokyuk tugul che neegit miising', ak icheek che ki achame, kagong'eetanwo. Namgei kawekyuk ak iriryonnyu ak panyennyu, ak kaamwei eng' iriryotap kelekyuk. Oriireewo, oriireewo, choronokyuk, amu kabarwo eutap Kamuktaindet! Amune osubwo ko uu Kamuktaindet, ak ma opiyang'dos eng' panyennyu? Imaten kagisir ng'aleekyuk! Imaten kisir eng' bukuit, si eng' kalemutap karnook ak ngosyelait, kesir icheek eng' koito agoi koigeny! Amu angen ale sabei Ityaachaandennyu, ak eng' let kotonon paragutap ng'wony. b b v25 Eng' logoiwek che chang' che po nyalilindo, kong'alaal Iyob agobo Kamuktaindet ko uu ne mi loo — ago yooni komang'un kainet ne po konyiiret: ‘Ityaachaandennyu,’ ineendet ne iboorsee Iyob koek nennyi. Kigas piik che po Kristo ng'olyoondoni koigeny ko uu kamang'unet ne po tai ne isulda Kwandanyo eng' Jeso, ne tonon eng' peetuut ne po let si koimanjin lagokyik. Ak ye kabeesak iriryonnyu, ago eng' panyennyu ageere Kamuktaindet, ne ageere anee kityo, ak geere konyekyuk ineendet, ma age chiito. Tanui muguleldanyu eng' oyingo! Ngot ole, ‘Keoone Iyob ano!’ ak, ‘Kinyoor rootwetap ng'olyoot eng' ineendet,’ oiywei rotweet, amu ipu nereegek kergong'yet ne po rotweet, si onai ale mi kirwooget.”