Matthew 1 FHB Father's Heart Bible™

1 ¹Hihi David nu, Abraham nu Jisu Khrista hükeye shuye zo: ^a a v1 Matthew-e thezho lesi hio hükeye shuye sü thürako, Jisu sü Abraham mu David ce sügü keyipü jüphra tatsapü thejo kedo nu zo zisü mese süto; ha Po jüphra metü Pu lü tsüyipü Nu zo. ²Abraham Isaac hükeyi, Isaac Jacob hükeyi, süsa Jacob Judah mu pu sazühzürako hükeyi. ³Judah Tamar yono Perez mu Zerah hükeyi, Perez Hezron hükeyi, süsa Hezron Ram hükeyi. ⁴Ram Aminadab hükeyi, Aminadab Nahshon hükeyi, süsa Nahshon Salmon hükeyi. ⁵Salmon Rahab yono Boaz hükeyi, Boaz Ruth yono Obed hükeyi, süsa Obed Jesse hükeyi, ⁶süsa Jesse David kedeo hükeyi. David Urha cemi yono Solomon hükeyi, ⁷Solomon Rehoboam hükeyi, Rehoboam Abijah hükeyi, süsa Abijah Asa hükeyi. ⁸Asa Jehoshaphat hükeyi, Jehoshaphat Joram hükeyi, süsa Joram Uzia hükeyi. ⁹Uzia Jothan hükeyi, Jothan Ahaz hükeyi, süsa Ahaz Hezekia hükeyi. ¹⁰Hezekia Manasseh hükeyi, Manasseh Amon hükeyi, süsa Amon Josia hükeyi, ¹¹süsa Josia Jeconiah mu pu sazühzürako hükeyi, Babylon lü thejü kevaco timesülü.

¹²Babylon lü thejü kevaco kevasalü, Jeconiah Shealtiel hükeyi, süsa Shealtiel Zerubabel hükeyi. ¹³Zerubabel Abiud hükeyi, Abiud Eliakim hükeyi, süsa Eliakim Azor hükeyi. ¹⁴Azor Zadok hükeyi, Zadok Achim hükeyi, süsa Achim Eliud hükeyi. ¹⁵Eliud Eliazar hükeyi, Eliazar Matthan hükeyi, süsa Matthan Jacob hükeyi, ¹⁶süsa Jacob Mary nupu Joseph hükeyi; Mary celü Jisu menüta, Pu Khrista keti.

¹⁷Sidie Abraham celü David ce nuhü metü tetse kerida zo; David celü Babylon lü thejü kevaco ce nuhü tetse kerida zo; Babylon lü thejü kevaco celü Khrista ce nuhü tetse kerida zo.

Poo-e Pü Nuo Süzü

¹⁸Jisu Khrista menu kevori hibide tho vorita: püzu Mary Joseph zü kephokhava ba, vele uni unithi kevasa, thenopü Kemesa Rüpü celü nune ba ngoyita. ^b b v18 Sütüce kephokhava sü thezho dolü khata kezüpü, ceyo bi zho kekupü ketako zo; sidie süo thiva ketola lize kha küva lüsi tho nyümota, uni zü bamo kevasa zori. ¹⁹Pu nupu Joseph kematho kemezilü ketako zo, mu thenopü mese mengosü zhoshü keta tanyü kemo sü, pü thenopü kre tho kha küva no tozü ketala. ^c c v19 Jewmi khrechüco dolü kephokhava sü thezho dolü khata kezüpü ketako zo; süo thiva ketola lize kha küva lüsi tho nyümota. ²⁰Joseph-e hio melü tazüce, Niepoo shoyimi pü pu mholü puce vori die, “Joseph, David nu, Mary no cemi do püyi ketala müprü hite—thenopü nobulü kenune nuranu sü Kemesa Rüpü celü zo. ²¹Thenopü thepumipü menüto; püza thopü Jisu thite, kekrelamori Pue pü thümako u kephomalüno kelayito.”“”

²²Hio metü ha Po-e sadzüküse celü popü tsüyi ketola tho vorita: ²³“Hihe, reliphosüpü nuneyito mu thepumipü menüto, mu pü za Immanuel thito” (hio kedipüla, “ha Po hazü ba”).

²⁴Joseph meco kezülü mücova die, Niepoo shoyimi pü po khapü sübi thi süsü, Mary pü cemi do püyita. ²⁵Thenopü thepumipü menü kevasa ce, pü thenopü zü züde thimo; mu püza thopü Jisu thita.