Nna anyị Anaghị Ada Mba

Ọ bụrụ na mmadụ niile ikpe mara, ihe ùgwù Izrel ọ bụ ihe efu? Mba—ma ọ dịghịkwa onye a gụpụrụ, Pọl wee kpọkọta ihe e dere nʼAkwụkwọ Nsọ iji kwuo ya. Ntụgharị ahụ bịara nʼamaokwu iri abụọ na otu: ewezuga iwu, Nna anyị na-agụ mmadụ nʼonye ezi omume nʼefu site na Kraịst, nke mere na nganga enweghịzi ebe ọ ga-eguzo.

Isi 3.

Gịnịzi bụ uru onye Juu nwere? Maọbụ gịnị bụ uru obibi ugwu? Ọ dị ukwuu nʼụzọ niile. Nke mbụ, e nyefere ha okwu Nna anyị nʼonwe ya. Gịnịzi ka anyị ga-ekwu? Ọ bụrụ na ụfọdụ ekwesịghị ntụkwasị obi, ọ bụ na ekweghị ntụkwasị obi ha ga-emebi ikwesi ntụkwasị obi nke Nna anyị? Mba! Ka Nna anyị bụrụ onye eziokwu, ọ bụ ezie na mmadụ ọ bụla bụ onye ụgha. Dịka e dere ya: “A ga-agụ gị dịka onye ziri ezi nʼokwu gị niile, meriekwa mgbe a na-ekpe gị ikpe.”

Ma ọ bụrụ na ajọ omume anyị na-egosipụta ezi omume Nna anyị, gịnị ka anyị ga-ekwu? Ọ bụ na Nna anyị bụ onye na-ezighị ezi mgbe o wetaara anyị iwe? (Ana m ekwu okwu dịka mmadụ.). Ọ gaghị adị otu ahụ ma ọlị! Nʼihi na ọ bụrụ otu ahụ, olee otu Nna anyị ga-esi kpee ụwa ikpe? Ma ọ bụrụ na okwu ụgha m na-eme ka eziokwu Nna anyị baa ụba ruo nʼebube ya, gịnị mere a ji ka na-ekpe m ikpe dịka onye mmehie? Gịnị mere anyị agaghị ekwu, dịka ụfọdụ si ekwutọ anyị na anyị na-ekwu, sị, “Ka anyị mee ihe ọjọọ ka ihe ọma wee bịa”? Ikpe ha mara ziri ezi.

Ọ Dịghị Onye Bụ Onye Ezi Omume

Gịnịzi? Anyị ọ kaara mma? Mba ma ọlị—nʼihi na anyị eboolarị ebubo na ndị Juu na ndị Grik, ha niile nọ nʼokpuru mmehie, dịka e dere ya: “Ọ dịghị onye bụ onye ezi omume, ọ bụladị otu onye; ọ dịghị onye ghọtara ihe; ọ dịghị onye na-achọ Nna anyị. Ha niile atụgharịala; ha niile abaghịkwa uru; ọ dịghị onye na-eme ihe ọma, ọ bụladị otu onye. Akpịrị ha bụ ili ghere oghe; ha na-eji ire ha aghọgbu mmadụ.” “Elo agwọ dị nʼokpuru egbugbere ọnụ ha. Ọnụ ha jupụtara nʼịbụ ọnụ na ilu. Ụkwụ ha na-eme ngwa ngwa iwufu ọbara; mbibi na ahụhụ dị nʼụzọ ha niile, ụzọ udo ka ha amaghị. Ọ dịghị egwu Nna anyị dị ha nʼanya.”

Anyị maara na ihe ọ bụla iwu na-ekwu ọ na-ekwu ya nye ndị nọ nʼokpuru iwu, ka e wee mechie ọnụ niile, ka ụwa niile guzokwa nʼihu Nna anyị dịka ndị ikpe mara. Ọ dịghị onye a ga-agụ dịka onye ezi omume nʼihu ya site nʼọrụ nke iwu; nʼihi na site nʼiwu ka mmadụ si amata mmehie.

A na-eme ka Mmadụ Guzozie Site nʼOkwukwe nʼime Jisọs

Ma ugbu a, e kpugheela ezi omume Nna anyị nʼụzọ na-adabereghị nʼiwu, bụ nke Iwu na ndị Amụma gbara ama maka ya. Ezi omume a nke Nna anyị na-abịa site nʼokwukwe nʼime Jisọs Kraịst, nye ndị niile kwere ekwe, nʼihi na ọ dịghị ọdịiche ọ bụla, ebe ọ bụ na mmadụ niile emehiela, ha erukwaghị nʼebube Nna anyị, a na-agụkwa ha dịka ndị ezi omume nʼefu site nʼamara ya, site na mgbapụta ahụ dị nʼime Kraịst Jisọs. Nna anyị chere ya dịka àjà mkpuchi mmehie, site nʼokwukwe nʼime ọbara ya, iji gosi ezi omume ya, ebe ọ bụ na site nʼogologo ntachi obi ya, o leghaara mmehie e mere na mbụ anya, iji gosi ezi omume ya ugbu a, ka o wee bụrụ onye ziri ezi na onye na-agụ onye ọ bụla tụkwasịrị Jisọs obi dịka onye ezi omume.

Olee ebe ịnya isi dị ugbu a? E wepụla ya. Site nʼiwu dị aṅaa? Nke ọrụ? Mba—kama site nʼiwu nke okwukwe. Nʼihi na anyị kwenyesiri ike na a na-agụ mmadụ dịka onye ezi omume site nʼokwukwe, ọ bụghị site nʼọrụ nke iwu. Ka ọ bụ naanị Nna nke ndị Juu ka Nna anyị bụ? Ọ bụghị Nna nke ndị Jentaịl kwa? E, nke ndị Jentaịl kwa, ebe ọ bụ na Nna anyị bụ otu, ọ ga-agụ ndị e biri ugwu dịka ndị ezi omume site nʼokwukwe, gụọkwa ndị a na-ebighị ugwu dịka ndị ezi omume site nʼokwukwe.

Anyị ọ na-emebi iwu site nʼokwukwe a? Ọ gaghị adị otu ahụ ma ọlị—kama anyị na-eme ka iwu guzosie ike.