باشچیلار عئسانی اؤلدورمک اوچون فئتنه قورورلار
بئر آرواد باهالی عطئر تؤکور و بونا گؤره دانلانیر؛ یهودا اونو اوتوز گوموشه ساتیر. جتسئمانیده عئسا آتاسیندان خاهئش ادئر کی، جامی گؤتورسون، دوستلاری ایسه بئرسره یوخویا گدئر. توتولاندا، موقاوئمت اتمئر. پطروس آند ائچئر کی، او آدامی هچ تانیماییب.
26 1عئسا بوتون بو سؤزلری قورتاراندا، شاگئردلرئنه ددی:
2«بئلئرسئنئز کی، ائکی گون سونرا پاسخا بایرامی اولاجاق و ائنسان اوغلو چارمیخا چکئلمه‌یه تسلئم اولونور.»
3او زامان باش کاهئنلر و خالقین آغساقّاللاری باش کاهئن قایافانین حیطئنده ییغیلدیلار، 4و بئرلئکده مصلحت قوردولار کی، عئسانی گئزلئجه توتوب اؤلدورسونلر. 5آمّا ددئلر: «بایرام گونو یوخ، یوخسا خالق آراسیندا گورولتو دوشر.»
آرواد عئسانی دفن اوچون مسح ادر
6عئسا بیت‌عنیادا، جوذاملی شمعونون اِوئنده اولاندا، 7بئر آرواد مرمر قابدا چوخ باهالی عطئر گتئرئب، عئسا سوفره باشیندا اوتوراندا، اونون باشینا تؤکدو. 8شاگئردلر بونو گؤرنده قضبله‌نئب ددئلر: «بو نه ائسرافدیر؟ 9چونکی بونو چوخلو پولا ساتیب، یوخسوللارا ورمک اولاردی.»
10عئسا بونو بئلئب اونلارا ددی: «نئیه بو آروادی ناراحات ادئرسئنئز؟ او منئم اوچون گؤزل بئر ائش گؤروب. 11چونکی یوخسوللار همئشه یانینیزدا اولاجاق، آمّا من همئشه یانینیزدا اولمایاجاغام. 12چونکی او بو عطئری منئم بدنئمه تؤکَن زامان، منی دفن اوچون حاضیرلادی. 13دوغروسونو سئزه دیئرم: بو ائنجئل دونیانین هر یرئنده وعظ اولونسا، بو آروادین اتدئیی ائش ده اونو یاد اتمک اوچون دانیشیلاجاق.»
یهودا اوغولا گوموش موقابئلئنده خیانت ادر
14او زامان اون‌ائکئلردن بئری، ائسکاریوتلو یهودا آدلانان، باش کاهئنلرئن یانینا گتدی، 15و ددی: «منه نه ورمک ائسته‌یئرسئنئز کی، اونو سئزه تسلئم ادئم؟» اونلار دا اونا اوتوز پارچا گوموش ساییب وردئلر. 16او واختدان سونرا، عئسانی تسلئم اتمک اوچون فورصت آختاریردی.
پاسخا بایرامینا حاضیرلیق
17مایاسیز چؤرک بایرامینین بئرئنجی گونونده، شاگئردلر عئسادان سوروشدولار: «ائسته‌یئرسن پاسخانی یمه‌یئن اوچون هارادا حاضیرلیق گؤرک؟»
18عئسا ددی: «شهره، فیلان آدامین یانینا گدئن و اونا دِه: ”اوستاد دیئر: منئم واختیم یاخیندیر. پاسخانی سنئن اِوئنده شاگئردلرئمله بئرلئکده کچئره‌جه‌یم.“»
19شاگئردلر عئسانین اونلارا بویوردوغو کئمی اتدئلر و پاسخانی حاضیرلادیلار.
20آخشام اولاندا، عئسا اون‌ائکی شاگئردی ائله سوفره باشیندا اوتوردو.
21اونلار یمک یِینده، عئسا ددی: «دوغروسونو سئزه دیئرم، سئزدن بئری منه خیانت اده‌جک.»
22اونلار چوخ کدرلَنئب، هر بئری اوندان سوروشدو: «یارب، مگر منم؟»
23عئسا جاواب وردی: «منئمله بئرلئکده اَلئنی کاسایا باتیران، منه خیانت اده‌جک. 24ائنسان اوغلو اؤزو حاقّیندا یازیلدیغی کئمی گدئر، آمّا وای او آدامین حالینا کی، ائنسان اوغلونا خیانت ادر! او آدام هچ آنادان اولماسایدی، اونا داها یاخشی اولاردی.»
25اونا خیانت ادن یهودا ددی: «ربّی، مگر منم؟» عئسا اونا ددی: «اؤزون ددئن.»
26اونلار یِینده، عئسا چؤره‌یی گؤتوروب برکت وردی و پارچالادی، شاگئردلره ورئب ددی: «آلین، یئیئن؛ بو منئم بدنئمدئر.» 27عئسا پئیالانی گؤتوروب شوکور اتدی و اونلارا ورئب ددی: «هامینیز بوندان ائچئن، 28چونکی بو، چوخلاری اوچون گوناهلارین باغیشلانماسی اوچون تؤکولن منئم عهد قانیمدیر. 29سئزه دیئرم: بوندان سونرا، آتامین پادشاهلیغیندا سئزئنله بئرلئکده تزه‌سئنی ائچه‌جه‌یئم گونه کئمی، بو اوزوم مئوه‌سئندن گئنه ائچمیه‌جه‌یم.»
30اونلار بئر نغمه اوخویاندان سونرا، زیتون داغینا گتدئلر.
عئسا پطروسون ائنکارینی قاباقجادان خبر ورئر
31سونرا عئسا اونلارا بویوردو: «بو گجه، منئم اوزومدن هامینیز بودرَیه‌جکسئنیز. چونکی یازیلیب: ”چوبانی ووراجاغام و سورونون قویونلاری داغیلاجاق.“ 32لاکئن من دئرئلدئکدن سونرا، سئزدن قاباقجا جلئله گده‌جه‌یم.»
33پطروس اونا ددی: «هامی سنئن اوزوندن بودرَسه ده، من هچ واخت بودرَمیه‌جه‌یم.»
34عئسا اونا ددی: «دوغروسونو سنه دیئرم: بو گجه خوروز بانلامامیشدان قاباق، منی اوچ دفه ائنکار اده‌جکسن.»
35پطروس ددی: «سنئنله بئرلئکده اؤلمه‌لی اولسام دا، سنی ائنکار اتمیه‌جیم.» بوتون شاگئردلر ده همئن سؤزو ددئلر.
اوغول اؤزونو آتایا تسلئم ادر
36سونرا عئسا اونلارلا بئرلئکده جِتسئمانی آدلانان بئر یره گلدی و شاگئردلره ددی: «من اورادا گدئب دوعا ادنه کئمی، سئز بورادا اوتورون.»
37پطروسو و زِبِدِیئن ائکی اوغلونو اؤزو ائله گؤتوروب، چوخ کدرلَنئب پرئشان اولدو.
38سونرا اونلارا بویوردو: «جانیم اؤلومه کئمی درئن کدر ائچئنده‌دئر. سئز بورادا قالیب منئمله بئرلئکده اویاق اولون.»
39عئسا بئر آز ائره‌لی گدئب اوزو اوسته یره دوشدو و دوعا ادئب ددی: «ای آتام، اگر مومکوندورسا، قوی بو پئیالا مندن یان کچسئن. بونونلا بئرلئکده، منئم ائسته‌دئیئم دیئل، آنجاق سنئن ائسته‌دئیئن اولسون.»
40عئسا شاگئردلرئن یانینا گلئب اونلاری یوخودا تاپدی. پطروسا ددی: «دمک، منئمله بئرلئکده بئر ساعات اویاق قالا بئلمه‌دئنئز؟ 41اویاق قالیب دوعا ادئن کی، ائمتاحانا دوشمه‌یه‌سئنئز؛ روح ائسته‌یئر، لاکئن بدن ضعئفدئر.»
42ائکئنجی دفه گئنه گدئب دوعا ادئب ددی: «ای آتام، اگر من اونو ائچمه‌یینجه بو پئیالا مندن کچه بئلمز، قوی سنئن ائراده‌ن یرئنه یتسئن.»
43و گئنه گلئب اونلاری یوخودا تاپدی، چونکی گؤزلری آغیرلاشمیشدی. 44اونا گؤره اونلاری گئنه قویوب گتدی و اوچونجو دفه همن سؤزلری دییه‌رک دوعا اتدی.
45سونرا شاگئردلرئن یانینا گلئب اونلارا ددی: «حله یاتیب دئنجه‌لئرسئنئز؟ باخین، ساعات یتئشئب و ائنسان اوغلو گوناهکارلارین اَللرئنه تسلئم اولونور. 46دورون گدک! باخین، منه خیانت ادن بورادادیر!»
عئسانین تسلئم اولونماسی و توتولماسی
47عئسا حله دانیشیردی کی، اون‌ائکئلردن بئری اولان یهودا، باش کاهئنلر و خالقین آغساقّاللاری طرفئندن گؤندَ‌رئلمئش قیلینجلار و دینکلرله سئلاحلانمیش بؤیوک بئر دسته ائله بئردن گلدی. 48خیانت ادن آدام اونلارا بئر نئشانه ورمئشدی: «من کئمی اؤپسم، او اودور؛ اونو توتون.» 49و اله او ساعاتدا عئسانین یانینا گلئب ددی: «سالام، ربّی!» و اونو اؤپدو.
50عئسا اونا ددی: «دوست، نه اوچون گلدئن، اونو ات.» او زامان گلئب عئسانی توتوب ساخلادیلار.
51و باخ، عئسانین یانیندا اولانلاردان بئری اَلئنی اوزادیب قیلینجینی چکدی و باش کاهئنئن قولونو ووروب قولاغینی کسدی.
52او زامان عئسا اونا ددی: «قیلینجینی یرئنه قایتار. قیلینج گؤتورنلرئن هامیسی قیلینجلا اؤله‌جکلر. 53مگر ائله بئلئرسن کی، آتامی چاغیرا بئلمه‌رم کی، او اله او ساعاتدا منئم اوچون اون‌ائکی قوشوندان آرتیق مَلَک گؤندَ‌ره؟ 54آمّا بو حالدا ”بله اولمالی‌دیر“ دیئن موقدّس یازیلار نجه یرئنه یتئشه بئلر؟»
55او ساعات عئسا جاماعاتا ددی: «منی توتماق اوچون قولدور اوستونه چیخان کئمی قیلینجلار و دینکلرله گلئبسئنئز؟ من هر گون معبدده اوتوروب تعلئم ورئردئم، آمّا منی توتمادینیز. 56آمّا بوتون بونلار پیغمبرلرئن یازیلاری یرئنه یتئشسئن دئیه باش وردی.» او زامان بوتون شاگئردلر اونو قویوب قاچدیلار.
عئسا موتّهئم ادنلرئن قاباغیندا
57عئسانی توتانلار اونو باش کاهئن قایافانین یانینا آپاردیلار کی، اورادا دئن عالئملری و آغساقّاللار ییغیلمیشدیلار. 58پطروس اوزاقدان عئسانین دالینجا باش کاهئنئن حیطئنه کئمی گتدی و ائچه‌ری گئرئب، ائشئن سونونو گؤرمک اوچون موحافئظلرله اوتوردو.
59باش کاهئنلر و بوتون مجلئس اونو اؤلومه ورمک اوچون، عئسانین ضئدّئنه یالان شهادت آختاریردیلار، 60لاکئن چوخلو یالانچی شاهئد ائره‌لی گلسه ده، تاپمادیلار. آخیردا ائکی نفر ائره‌لی گلئب 61ددئلر: «بو آدام ددی: ”من تارینین معبدئنی اوچوردوب اوچ گونده برپا اده بئلرم.“»
62باش کاهئن یرئندن قالخیب اونا ددی: «هچ جاوابین یوخدور؟ بو آداملارین سنه قارشی وردئیی شهادت نه‌دئر؟» 63لاکئن عئسا ساکئت قالدی. باش کاهئن اونا ددی: «سنی وار اولان تارییا آند ورئرم: بئزه دِه، گؤرک سن تارینین اوغلو مسئحسن، یا یوخ؟»
64عئسا اونا ددی: «سن ددئن. آمّا سئزه دیئرم: بوندان سونرا ائنسان اوغلونو قودرتئن ساغ طرفئنده اوتورموش و گؤیون بولودلاری اوستونده گلن گؤره‌جکسئنئز.»
65او زامان باش کاهئن پالتارلارینی جیریب ددی: «کوفر دانیشدی! داها نئیه شاهئدلره احتئیاجیمیز وار؟ باخین، ائندی کوفرونو اشئتدئنئز. 66سئز نه حؤکم ورئرسئنئز؟» اونلار جاواب ورئب ددئلر: «اؤلومه لایئقدئر.»
67او زامان عئسانین اوزونه توپوروب اونا یوموروق ووردولار؛ و بعضئلری اونا شئلّه ووروب 68ددئلر: «ای مسئح، بئزه نبئلئک ات! سنی ووران کئمدئر؟»
پطروسون عئسانی ائنکار اتمه‌سی
69پطروس اِشئکده، حیطده اوتورموشدو. بئر کنئز قیز اونون یانینا گلئب ددی: «سن ده جلئل‌لی عئسا ائله ائدئن.»
70لاکئن پطروس هامینین قاباغیندا ائنکار ادئب ددی: «نه ددئیئنی بئلمئرم.»
71پطروس دروازایا طرف چیخاندا، باشقا بئر کنئز قیز اونو گؤروب اورادا اولانلارا ددی: «بو آدام ناصئره‌لی عئسا ائله ائدی.»
72پطروس گئنه آند ائچه‌رک ائنکار ادئب ددی: «من او آدامی تانیمیرام.»
73بئر آز سونرا اورادا دورانلار پطروسون یانینا گلئب ددئلر: «دوغرودان دا سن ده اونلاردان بئرئسن، چونکی دانیشیغین سنی بَلّی ادر.»
74سونرا پطروس اؤزونه لعنت اوخویوب آند ائچمه‌یه باشلادی: «من او کئشئنی تانیمیرام.» اله همن آن خوروز بانلادی.
75پطروس عئسانین ددئیی بو سؤزو یادینا سالدی: «خوروز بانلامامیشدان قاباق، منی اوچ دفه ائنکار اده‌جکسن.» و اِشئیه چیخیب آجی-آجی آغلادی.
