عئسا ائلک شاگئردلرئنی چاغیریر
پطروس بوتون گجه بوش یره بالیق توتور، سونرا عئسانین سؤزو ائله او قدر چوخ توتور کی، اوندان اوزاقلاشماسینی ائسته‌یئر. جوذاملی بئر آداما توخونولور. علئل بئر آدام دامدان آشاغی ائندئرئلئر و آتامیزین قودرتی ائله باغیشلانیر، بو دا ائلم‌یازانلاری قضبلَندئرئر. لاوی اؤز باج ییغدیغی یری ترک ادر.
5 1بئر دفه، جاماعات آتامیزین کلامینی اشئتمک اوچون اونون اطرافینا ییغیلیب سیخیشاندا، عئسا گِنِیسارِت گؤلونون کناریندا دایاندی. a a v1 گِنِیسارِت گؤلو جلئل دهنزئنئن باشقا بئر آدیدیر. 2عئسا گؤلون کناریندا دایانان ائکی قاییق گؤردو؛ بالیق اووچولاری اونلاری بوراخیب تورلارینی یویوردولار. 3قاییقلاردان بئرئنه، شمعونون قاییغینا مئنئب، اوندان ائسته‌دی کی، کناریندان بئر آز اوزاقلاشسین، سونرا اوتوروب قاییقدان جاماعاتا تعلئم وردی.
4عئسا دانیشماغی قورتاراندا شمعونا ددی: «درئن سویا یاخینلاش و اوو اوچون تورلارینی سال.»
5شمعون جاواب وردی: «آغا، بوتون گجه ائشله‌دئک و هچ نه توتمادیق. آمّا سنئن سؤزونه گؤره تورلارینی سالاجاغام.» 6بله اتدئکده، او قدر چوخ بالیق توتدولار کی، تورلاری ییرتیلماغا باشلادی. 7او بئری قاییقدا اولان شرئکلرئنه ایشاره اتدئلر کی، گلئب کؤمک اتسئنلر. اونلار دا گلئب هر ائکی قاییغی بله دولدوردولار کی، باتماغا باشلادیلار. 8شمعون پطروس بونو گؤرنده عئسانین دئزلری یانینا ییخیلیب ددی: «مندن اوزاقلاش، ای رب، چونکی من گوناهکار بئر آدامام!» 9چونکی توتدوقلاری بالیقلارا گؤره، او و اونونلا اولانلارین هامیسینی حیرت بوروموشدو،
10زِبِدِی اوغوللاری و شمعونون شرئکلری اولان یعقوبلا یوحنّا دا بله ائدئلر. عئسا شمعونا ددی: «قورخما؛ بوندان سونرا سن ائنسان توتاجاقسان.»
11بله‌جه قاییقلارینی کنارا چکئب، هر شیی بوراخیب اونون دالینجا گتدئلر.
تمئز اولان بئر آدام
12عئسا شهرلردن بئرئنده اولاندا، بدنی آغیر دَری ناخوشلوغو ائله دولو بئر آدام گؤروندو. عئسانی گؤرنده اوزوقویلو ییخیلیب یالوارا-یالوارا ددی: «ای رب، اگر ائسته‌یه‌سن منی تمئز اده بئلرسن.»
13عئسا اَلئنی اوزادیب اونا توخوندو: «ائسته‌یئرم. تمئز اول.» او آندا دَری ناخوشلوغو اوندان گتدی.
14عئسا اونا امر اتدی کی، هچ کئمه دِمه‌سئن: «آنجاق گت، اؤزونو کاهئنه گؤرست و موسانین بویوردوغونو تمئزلئیئن اوچون تقدئم ات کی، خالقا شهادت اولسون.»
15آمّا اونون حاقّیندا سؤز داها چوخ یاییلدی؛ بؤیوک جاماعات ییغیلیردی کی، اونو اشئتسئنلر و ناخوشلوقلاریندان شفا تاپسینلار. 16آمّا عئسا چوخ واخت ساکئت یرلره چکئلئب دوعا ادئردی.
آتانین باغیشلاماق قودرتی
17بئر گون او تعلئم ورنده، جلئلئن هر کندئندن، یهودیه‌دن و اورشلئمدن گلمئش فرئسئلر و شرئعت موعلّئملری اوتورموشدولار. و آتامیزین قودرتی اورادا ائدی کی، ناخوشلارا شفا ورسئن. 18اله او زامان آداملار علئل بئر آدامی دوشَک اوستونده گتئرئب، چالیشیردیلار کی، اونو ائچه‌ری گتئرئب عئسانین قاباغیندا قویسونلار. 19جاماعاتین ائچئندن اونو ائچه‌ری گتئرمیه بئر یول تاپماییب، دامین اوستونه چیخدیلار و اونو دؤشه‌یی ائله کئرَمئتلرئن آراسیندان، اورتایا، عئسانین قاباغینا اِندئردئلر.
20عئسا اونلارین ائمانینی گؤرنده ددی: «ای دوست، گوناهلارین باغیشلاندی.»
21ائلم‌دارلار و فرئسئلر موباحئثه اتمه‌یه باشلادیلار: «بو تارییا کوفر دئین آدام کئمدئر؟ تکجه تاریدان باشقا کئم گوناهلاری باغیشلایا بئلر؟»
22عئسا اونلارین نه فئکئرلشدئکلرئنی بئلئب جاواب وردی: «نئیه اورَکلرئنئزده بله موباحئثه ادئرسئنئز؟ 23هانسی داها آساندیر؛ دمک ”گوناهلارین باغیشلاندی“، یا دا دمک ”قالخ و گت“؟ 24«آمّا بونو بئله‌سئنئز کی، ائنسان اوغلونون یر اوزونده گوناهلاری باغیشلاماغا ائختئیاری وار،» ـ سونرا علئل آداما ددی: ـ «سنه دیئرم، قالخ، دؤشه‌یئنی گؤتور و اِوئنه گت.»
25او آندا اونلارین قاباغیندا قالخدی، دؤشه‌یئنی گؤتوروب آتامیزا حمد اده-اده اِوئنه گتدی. 26هامینی حیرت بورودو؛ اونلار آتامیزا حمد اتدئلر و قورخویا دوشوب ددئلر: «بو گون عجایئب شیلر گؤردوک.»
عئسا لاوی‌نی چاغیریر
27بوندان سونرا عئسا چیخدی و باج ییغان یرئنده اوتورموش لاوی آدلی بئر باج ییغان گؤردو. اونا ددی: «منئم دالیمجا گل.»
28بله‌جه لاوی قالخدی، هر شیی بوراخیب اونون دالینجا گتدی. 29سونرا لاوی اؤز اِوئنده عئسا اوچون بؤیوک بئر ضیافت دوزَلتدی و باج ییغانلارین و باشقالارینین بؤیوک بئر جاماعاتی اونلارلا سوفره باشیندا اوتوردو. 30آمّا فرئسئلر و اونلارین ائلم‌دارلاری عئسانین شاگئردلرئندن گئلِیلئک ادئب ددئلر: «نئیه باج ییغانلار و گوناهکارلارلا یِیئب-ائچئرسئنئز؟»
31عئسا اونلارا جاواب وردی: «طبئبه احتئیاجی اولان ساغلام آداملار دیئل، ناخوشلاردیر. 32من صالح آداملاری دیئل، گوناهکارلاری تؤوبه‌یه چاغیرماغا گلمئشم.»
اوروج حاقّیندا بئر سوآل
33اونا ددئلر: «یحیانین شاگئردلری چوخ واخت اوروج توتوب دوعا ادئرلر، همچئنئن فرئسئلرئن شاگئردلری ده، آمّا سنئنکیلر یِیئب-ائچئرلر.»
34عئسا ددی: «بَی اونلارین یانیندا اولاندا، مگر سئز بَیئن دوستلارینی اوروج توتدورا بئلرسئنئز؟ 35آمّا گونلر گله‌جک کی، بَی اونلاردان آلیناجاق، و او زامان، همن گونلرده اوروج توتاجاقلار.»
36اونلارا بئر مثل ده گتئرئب ددی: «هچ کئم تزه بئر پالتاردان بئر یاماق قوپارتیب کؤهنه پالتارین اوستونه تئکمز. یوخسا، تزه‌نی ییرتار و تزه یاماق دا کؤهنه پالتارا اویماز. 37هچ کئم تزه شرابی کؤهنه تولوقلارا تؤکمز؛ یوخسا تزه شراب تولوقلاری پارتلاداجاق، تؤکوله‌جک و تولوقلار دا خاراب اولاجاق. 38خیر، تزه شراب تزه تولوقلارا تؤکولمه‌لی‌دئر. 39و هچ کئم کؤهنه شراب ائچَندن سونرا تزه‌نی ائسته‌مز، چونکی دیئر: ”کؤهنه یاخشی‌دیر.“»
