ائسرایئل سمویئل اوچون یاس توتور
نابال داوودون آداملاری اونون چوبانلارینی قوروموسولارینا رغمن، اونلاری تحقئر اتدی و داوود اِودَکی هر کئشئنی اؤلدورمک اوچون قیلینجینی بئلئنه باغلادی. اَبئگائل یِمَکله قاباغا چیخیب اونو دئلّه گتئردی: آتامیز اونو تاختا گدن یولوندا قان تؤکمک گوناهیندان ساخلاییر. نابال اؤلدو.
25 1سمویئل اؤلدو و بوتون ائسرایئل ییغیلیب اونون اوچون یاس توتدولار و اونو رامادا، اؤز اِوئنده دفن اتدئلر. سونرا داوود قالخیب فاران صحراسینا اِندی.
2ماعوندا بئر آدام وار ائدی کی، کَرمِلده اَملاکی وار ائدی. او چوخ وارلی ائدی: اوچ مئن قویونو و مئن کچئسی وار ائدی. او، کَرمِلده قویونلارینی قیرخیردی. 3بو کئشئنئن آدی نابال، آروادینین آدی دا اَبئگائل ائدی. او آرواد عاغیلّی و گؤزل ائدی، آمّا کئشی رفتاریندا کوبود و قدّار ائدی؛ او، کالِبلی ائدی. 4داوود صحرادا اولارکن، اشئتدی کی، نابال قویونلارینی قیرخیر. 5داوود اون جاوان گؤندَ‌رئب اونلارا ددی: «کَرمِله گدئن. نابالین یانینا گدئب اونو منئم آدیمدا سالاملایین. 6اونا دیئن: ”عؤمرون اوزون اولسون. سنه سلامتلئک اولسون، اِوئنه سلامتلئک اولسون و بوتون وار-یوخونا سلامتلئک اولسون.“ 7اشئتمئشم کی، قویون قیرخانلارین وار. سنئن چوبانلارین بئزئمله بئرلئکده ائدئلر؛ بئز اونلارا هچ بئر پئسلئک اتمه‌دئک و کَرمِلده اولدوقلاری بوتون مودّتده اونلارین هچ بئر شیلری اَسکئک اولمادی. 8اؤز نؤکرلرئندن سوروش، اونلار سنه دیئرلر. قوی منئم نؤکرلرئم سنئن گؤزونده لطف تاپسینلار، چونکی بئز بایرام گونونده گلمئشئک. خاهئش ادئرم، الئنده اولان هر نه کی وار، قوللارینا و اوغلون داوودا ور.»
9داوودون نؤکرلری گلئب داوودون آدیندان بو سؤزلرئن هامیسینی نابالا ددئلر و سونرا گؤزله‌دئلر.
10نابال داوودون قوللارینا جاواب وردی: «داوود کئمدئر؟ بو یَسّه اوغلو کئمدئر؟ بو گون چوخلو قوللار اؤز آغالاریندان قاچیرلار. 11نئیه چؤره‌یئمی، سویومو و قویون قیرخانلاریم اوچون کسدئیئم اَتی گؤتوروب هارادان گلدئیئنی بئلمه‌دئیئم آداملارا ورئم؟»
12بله‌جه داوودون نؤکرلری گری قاییدیب، چاتاندا بوتون سؤزلری اونا خبر وردئلر.
13داوود آداملارینا ددی: «هر بئرئنئز قیلینجینی قورشاسین!» بله‌جه هر کس قیلینجینی قورشادی، داوود دا اؤزو. تقرئبن دؤرد یوز نفر داوودون دالیسیجا گتدی؛ ائکی یوز نفر ده اَسبابلارین یانیندا قالدی.
14نؤکرلردن بئری نابالین آروادی اَبئگائله ددی: «داوود صحرادان آغامیزی سالاملاماق اوچون قاصئدلر گؤندَ‌ردی، آمّا او، اونلارا تحقئر یاغدیردی. 15بو آداملار بئزه چوخ یاخشی ائدئلر. اونلار بئزه هچ واخت ضرر ورمه‌دئلر و اونلارلا بئرلئکده زَمئلرده گَزدئیئمئز بوتون مودّتده هچ بئر شیئمئز اَسکئلمه‌دی. 16اونلارلا بئرلئکده قویون اوتاردیغیمیز بوتون مودّتده، گجه-گوندوز بئزئم اطرافیمیزدا دووار کئمی ائدئلر. 17ائندی بئل و گؤر کی، نه اتمه‌لی‌سن، چونکی آغامیزین و بوتون اِو اهلئنئن ضئدّئنه بلا حاضیرلانیب. او اِله یارامازدیر کی، هچ کس اونونلا دانیشا بئلمئر.»
18اَبئگائل تِز ائکی یوز کؤمبه چؤرک، ائکی تولوق شراب، بش حاضیرلانمیش قویون، تقرئبن اوتوز بش پیمانه قوورولموش بوغدا، یوز سالخیم کئشمئش و ائکی یوز انجئر لاواشاسی گؤتوروب اِششَکلره یوکله‌دی. 19نؤکرلرئنه ددی: «منئم قاباغیمدا گدئن؛ من دالینیزجا گله‌رم.» آمّا اَری نابالا هچ بئر شی دمه‌دی. 20اؤز اِششه‌یئنه مئنئب داغین گئزلی بئر یولوندان اِنَرکَن، اونا طرف اِنَن داوودلا آداملارینا راست گلدی.
21داوود بله دمئشدی: «بو آدامین صحرادا اولان بوتون شیلرئنی بوش یِره قورودوم، اِله کی، اونون هچ بئر شیی اَسکئلمه‌دی و او، منئم یاخشیلیغیمین عوضئنه پئسلئک ورئر. 22اگر صوبحه‌جن اونا عایید اولانلارین هامیسیندان بئر دنه اِرکَک ساغ قویسام، قوی آتامیز داوودون دوشمنلرئنه بونو و بوندان دا آرتیغینی اتسئن.»
23اَبئگائل داوودو گؤرنده تِز اِششه‌یئندن اِنئب اونون قاباغیندا اوزو اوسته ییخیلدی و یره قدر تعظئم اتدی. 24اونون آیاقلارینا دوشوب ددی: «ای آغام، قوی بو تقصئر تک منئم بوینوما اولسون. خاهئش ادئرم، قوی کنئزئن سنئنله دانیشسین؛ کنئزئنئن سؤزلرئنه قولاق آس. 25خاهئش ادئرم، ای آغام، بو یاراماز آدام نابالا اهمئیّت ورمه، چونکی او، اؤز آدی کئمئدئر؛ نابال ”آخماق“ دمکدئر و آخماقلیق اونونلادیر. من، سنئن کنئزئن، آغامین گؤندَردئیی نؤکرلری گؤرمه‌دئم. 26ائندی، ای آغام، آتامیزین وارلیغینا و سنئن جانینا آند اولسون کی، آتامیز سنی قان تؤکمکدن و اؤز اَلئنله قئصاص آلماقدان ساخلادیغی اوچون، قوی سنئن دوشمنلرئن و آغاما پئسلئک اتمک ایسته‌ینلرئن هامیسی نابال کئمی اولسونلار. 27ائندی قوی کنئزئنئن آغاما گتئردئیی بو هدئیّه، آغامین دالیسیجا گلن نؤکرلره ورئلسئن. 28کنئزئنئن تقصئرئنی باغیشلا، چونکی آتامیز حتمن آغام اوچون ابدی بئر خاندان یاراداجاق، چونکی آغام آتامیزین دؤیوشلرئنی آپاریر. قوی یاشادیغین مودّتده سنده هچ بئر پئسلئک تاپیلماسین. 29اگر بئری سنی تعقئب اتمک و جانینی آختارماق اوچون قالخسا، آغامین جانی آتانین یانیندا، دئرئلرئن کئسه‌سئنده سالامات باغلاناجاق؛ آمّا دوشمنلرئنئن جانلارینی ساپاندین گؤزوندن آتیلان کئمی توللایاجاق. 30آتامیز سنئن حاقّیندا وعده ورئب آغاما بوتون یاخشیلیغی ادنده و سنی ائسرایئلئن اوستونه حؤکمدار قویاندا، 31ناحاق قان تؤکمکدن و اؤزو اوچون قئصاص آلماقدان آغامین اوره‌یئنده هچ بئر کَدَر و یا تقصئر اولمایاجاق. و آتامیز آغاما یاخشیلیق ادنده، اؤز کنئزئنی یادا سال.»
32داوود اَبئگائله ددی: «بو گون سنی منئم پئشوازیما گؤندَ‌رَن ائسرایئلئن تاریسی آتامیزا حمد اولسون. 33سنئن یاخشی مصلحتئنه موبارک اولسون و سنه ده موبارک اولسون کی، بو گون منی قان تؤکمکدن و اؤز اَلئمله قئصاص آلماقدان ساخلادین. 34منی سنه پئسلئک اتمکدن ساخلایان ائسرایئلئن تاریسی آتامیزین وارلیغینا آند اولسون کی، اگر سن منئم پئشوازیما تَلَسمه‌سه‌یدئن، صوبحه‌جن نابالا عایید اولانلاردان بئر دنه اِرکَک ده ساغ قالمازدی.»
35داوود اونون گتئردئیئنی اَلئندن آلیب اونا ددی: «سلامتلئکله اِوئنه گت. باخ، سنئن سَسئنی اشئتدئم و خاهئشئنی یرئنه یتئردئم.»
36اَبئگائل نابالین یانینا گلنده، او، اِوئنده پادشاها لایئق بئر ضئیافت وئرئردی. نابالین کِفی کؤک ائدی و لاپ سرخوش اولموشدو، اونا گؤره آرواد صوبحه‌جن اونا هچ بئر شی دمه‌دی. 37صوبح، شراب نابالدان چیخاندا، آروادی اونا هر شیی ددی. اوره‌یی ائچئنده اؤلدو و او، داش کئمی اولدو. 38تقرئبن اون گون کچَندن سونرا، آتامیز نابالا ضربه ووردو و نابال اؤلدو.
39داوود نابالین اؤلدویونو اشئدنده ددی: «نابالدان گؤردویوم تحقئره گؤره داعوامی چکن و اؤز قولونو پئسلئکدن ساخلایان آتامیزا حمد اولسون. آتامیز نابالین پئسلئیئنی اؤز باشینا قایتاردی.» سونرا داوود اَبئگائله خبر گؤندَ‌ردی کی، اونو اؤزونه آرواد آلسین.
40داوودون قوللاری کَرمِلده اَبئگائلئن یانینا چاتیب اونا بله ددئلر: «داوود بئزی گؤندَ‌ردی کی، سنی اؤزو اوچون آرواد آلاق.»
41قالخیب اوزو اوسته یره سجده ادئب ددی: «باخ، بو کنیزین آغامین قوللارینین آیاقلارینی یویماغا و اونلارا خدمت اتمَیه حاضیردیر.» 42اَبئگائل جلد حاضیر اولوب اِششه‌یئنه مئندی و بش قوللوقچوسو ائله داوودون قاصئدلارینین دالیسیجا گدئب اونون آروادی اولدو. 43داوود یِزرِعِللی اَخئنوعَمی ده آلمیشدی؛ بله‌جه، هر ائکئسی ده اونون آروادلاری ائدئلر. 44شاعول اؤز قیزی داوودون آروادی مئکَلی گَللئمدن اولان لایئش اوغلو پَلطی‌اِله ورمئشدی.
