Lungongu Lwisiku Swasisa Batu
Mu kuzakadisa mvwama mboti amana mutsukami hana tsi, dibundu dikituka muzusi wa mabanza mambi, bwosu Tata wetu kásola batsukami bakala bamvwama mu lukwikilu. Lukwikilu lwisi heka phangi wa nzala kaka mazu, lwenina lwafwa.
Tata wetu kisi zonza mu vese 8
2 1Baphangi bama, bwosu lwenina bakwikidi mu Pfumu wetu wa khembu Yesu Kidisitu, luswasisaku batu. 2Yuka ni yakala, wuvwatiki phetelo ya wolu yi miledi mya bukheti, kakota mu kibuka kyenu, amana mutsukami, wuvwatiki miledi mya mvindu, kakota phi. 3Yuka ni lwatala wuna wuvwatiki miledi mya bukheti amana lwazimbula: «Zakala vava ha kiti kya bukheti», kaasi lwazimbula kwena mutsukami: «Telama kuna», kondilo: «Zakala hana tsi ha malu mama», 4Ka lwáswasisa batu ku hana kati dya benu, amana lwákituka bazusi ba mabanza mambi? 5Luyuka, baphangi bama batondama: Ka Tata wetu kásola batsukami ba tsi yayi hanga bakala bamvwama mu lukwikilu, baswana ba Kipfumu kina kásila kwena bana bisi zola yandi? 6Kaasi benu lwálengidika mutsukami. Ka bamvwama babati luyamisa amana babati lunata ku nganda? 7Ka bawu babati lewula khumbu ya kitoku yina bátela hana benu?
8Yuka ni lwalemvuka kyedika mutsiku wa kipfumu bwosu básonika: «Zola nduku waku bwosu ngeyi-meni», buna mboti lwisi hanga.
9Kaasi yuka ni lwisi swasisa batu, buna lwisi sumuka, amana mutsiku lubati tendisa ni lwenina batu basi sala mbi. 10Wosu wuna wisi landa mutsiku wosu, kaasi wisi dikhukula mu dyambu dimosi, kahóla disumu ku mitsiku myosu. 11Mukuma Tata wetu, wuna wákandika mbongi, wákandika phi khengu. Buna yuka ni wisi tina mbongi kaasi wisi honda mutu, buna wenina mutu wisi kulula mutsiku. 12Luzimbwala amana luhanga bwosu batu bana bakafundisila mu mutsiku wa kiphwanza. 13Lufundisu lukondi kyadi kwena wuna kayukilaku kyadi; kaasi kyadi yisi luta lufundisu.
Lukwikilu Luna Lwisi Sala
14Biki kya mupfunu, baphangi bama, yuka ni mutu wisi zimbula ni wenina yi lukwikilu kaasi konda mihangu? Ka lukwikilu luna lulendi kumuhulusa? 15Yuka ni phangi kakondi miledi amana kakondi bya kudya bya kosu kilumbu, 16amana mutu hana kati dya benu wuzimbula kwena bawu: «Ndawenda yi ngemba, yotila amana dya wayukuta», kaasi konda kubaheka kima kikuma kya mpfunu za lutu lwa bawu—biki kya mupfunu kyakina? 17Phila mosi phi, lukwikilu lwandi lwesi, yuka ni lukondi mihangu, lwenina lwafwa. 18Kaasi mutu mukwawu kazimbula: «Ngeyi, lukwikilu wenina yalwo; meni, mihangu yenina yama». Buna wunsongila lukwikilu lwaku, luna lukondi mihangu; amana meni, muna mihangu myama, yikasongila ngeyi lukwikilu lwama. 19Ngeyi wisi kwikila ni Tata wetu wenina mosi; mboti wisi hanga. Keti biphidi phi bisi kwikila bwabuna—amana bisi tita ku woma. 20Ngeyi wisi zola ni yikusongila, ngeyi mutu wa buzoba, ni lukwikilu luna lukondi mihangu lwenina lwa phamba? 21Ka Bulahami, tata wetu, kákituka mutu wa masonga mu mihangu, tangwa kátambika mwana wandi Izaki hana lutambulu? 22Ngeyi wisi mona ni lukwikilu lwakala sala hamosi yi mihangu myandi, amana lukwikilu lwalungila mu mihangu myandi. 23Bwabuna mambu mana másonika málungila: «Bulahami kákwikila mwena Tata wetu, amana Tata wumumoni mutu wa masonga»—amana bámutela nkundi wa Tata wetu. a a v23 Bulahami kakalaku kaka mukwikidi mu Tata wetu—kaasi bámutela nkundi wandi. Dyadi dyenina mbundu ya kikuma kya Tata wetu kabati tulanda: heku ni kikuma kya basadi bana bisi muwana woma, kaasi kikuma kya bakundi bana bisi muzaya. 24Ngeyi wisi mona ni mutu wisi kituka mutu wa masonga mu mihangu, heku ni mu lukwikilu lwandi lwesi. 25Phila mosi phi, ka Lahabi, ndumba-leta, kákituka phi mutu wa masonga mu mihangu, tangwa káyamba bambambala amana kábahitisa ku nzila ya hika? 26Bwosu lutu luna lukondi kitembu lwenina lwafwa, phila mosi phi lukwikilu luna lukondi mihangu lwenina lwafwa.
