محبّتده طرفدارلیق یوخدور
وارلینی یاخشی یِرده، کاسیبی یِرده اوتورتماق، کئلئسانی پئس نئیّتلی بئر قاضی ادر، حال‌بوکی آتامیز کاسیبلاری سچدی کی، ائماندا وارلی اولسونلار. آج قارداشی آنجاق سؤزله دویوران ائمان اؤلودور.
2 1قارداشلاریم، شؤوکتلی ربّئمئز عئسا مسئحه ائمان گتئرنلر کئمی، طرفدارلیق اتمه‌یئن. 2فرض ادئن کی، بارماغینا قیزیل اوزوک تاخمیش، اَینئنده گؤزل پالتار اولان بئر آدام سئزئن جماعتئنئزه گئرئر، چئرکئن پالتاردا بئر کاسیب آدام دا گئرئر. 3اگر اَینئنده گؤزل پالتار اولان آداما اهمئیّت ورئب دیسه‌نئز: «بورادا، یاخشی بئر یرده اوتور»، آمّا کاسیب آداما دیسه‌نئز: «سن اورادا دور» یا «منئم آیاقلاریمین یانیندا یرده اوتور»، 4آیا اؤز آرانیزدا طرفدارلیق اتمئش و پئس نئیّتله حؤکم ادن قاضی‌لار اولمامیسینیز؟ 5اشئدئن، منئم سوگئلی قارداشلاریم: آیا آتامیز بو دونیانین کاسیبلارینی سچمه‌دی کی، ائماندا وارلی و اؤزونو سِوَنلره وعده ورئلن پادشاهلیغین وارئثلری اولسونلار؟ 6آمّا سئز کاسیبا حؤرمتسئزلئک اتدئنئز. مگر وارلیلار سئزه ظولم ادئب، سئزی محکمه‌یه چکمئرلر؟ 7مگر اونلار سئزئن اوستونوزه قویولان شرافتلی آدا کوفر دمئرلر؟
8اگر موقدّس کئتابدا یازیلدیغی کئمی «قونشونو اؤزون کئمی سِو» دیئن شاهانه قانونا حقئقتن عمل اتسه‌نئز، یاخشی ادئرسئنئز.
9آمّا اگر طرفدارلیق اتسه‌نئز، گوناه ادئرسئنئز و قانون سئزی قانونو پوزانلار کئمی محکوم ادر. 10کئم بوتون قانونا عمل ادئب، آمّا بئر نؤقطه‌ده بوُدرَسه، هامیسینی پوزماقدا تقصئرکاردیر. 11چونکی زئنا اتمه‌یی قدغن ادن آتامیز، آدام اؤلدورمه‌یی ده قدغن اتدی. اونا گؤره اگر زئنا اتمه‌سه‌نئز ده، آدام اؤلدورسه‌نئز، قانونو پوزان آدامسینیز. 12آزادلیق قانونو ائله موحاکئمه اولوناجاق آداملار کئمی دانیشین و رفتار ادئن. 13رحم اتمه‌یَن آداما موحاکئمه رحمسئزدئر؛ مرحمت موحاکئمه‌یه غلبه ادر.
عمل ادن ائمان
14قارداشلاریم، اگر بئری دیسه کی، ائمانی وار، آمّا عمل‌لری اولماسا، نه خیئری وار؟ آیا او ائمان اونو خئلاص اده بئلر؟ 15فرض ادئن کی، بئر قارداش و یا باجی لوت اولسا و گونده‌لئک یمه‌یی اولماسا، 16و سئزدن بئری اونلارا دیسه: «سالاماتلیقلا گدئن، قیزیشین و دویون»، آمّا بدنلرئنئن احتئیاجی اوچون هچ بئر شی ورمه‌سه، بونون نه خیئری وار؟ 17همن جور، ائمان دا اؤزو تک، اگر عمل‌لری اولماسا، اؤلودور. 18آمّا بئری دیه‌جک: «سنئن ائمانین وار، منئم ده عمل‌لرئم وار». عمل‌لرسئز ائمانینی منه گؤرسد، من ده عمل‌لرئمدن ائمانیمی سنه گؤرسده‌رم. 19آتامیزین بئر اولدوغونا ائنانیرسان، یاخشی ادئرسن. حتّا ائبلئسلر ده بونا ائنانیب تئتره‌یئرلر. 20ای آخماق آدام، ائسته‌یئرسن سنه گؤرسده‌رم کی، عمل‌لرسئز ائمان فایداسیزدیر؟ 21مگر آتامیز ائبراهئم اؤز اوغلو ائسحاقی قوربانگاهین اوستونه تقدئم ادنده، عمل‌لرله صالح ساییلمادی؟ 22گؤرورسن کی، ائمان اونون عمل‌لری ائله بئرلئکده ائشله‌یئردی و ائمان اونون عمل‌لری ائله کامئل اولدو. 23بله‌جه موقدّس کئتابدا یازیلان بو سؤز یرئنه یتدی: «ائبراهئم آتامیزا ائمان گتئردی و بو اونا صالحلئک ساییلدی»، و او، آتامیزین دوستو آدلاندی. a a v23 ائبراهئم فقط آتامیزا ائمان گتئرن بئری دیئلدی - او، اونون دوستو آدلاندی. آتامیزین بئزئم دالیمیزجا گلمه‌سئنئن اصل سببی بودور: اوندان قورخان قوللار اوچون یوخ، بلکه اونو تانی‌یان دوستلار اوچون. 24گؤرورسن کی، آدام عمل‌لرله صالح ساییلیر، تکجه ائمانلا یوخ. 25همن جور، مگر فاحئشه راحاب دا قاصئدلری قبول ادئب، اونلاری باشقا یولدان گؤندَ‌رمکله عمل‌لرله صالح ساییلمادی؟ 26نجه کی، روحو اولمایان بدن اؤلودور، اله ده عمل‌لرسئز ائمان اؤلودور.
