ተስፋ ኣቦ ንደቁ

በረኸት ብውሑዳት ቃላት ተገሊፁ፥ መርገም ግና ብዘስካሕክሕ ንውሓት፦ ሕማም፥ ድርቂ፥ ወለዲ ደቆም ዝበልዑ ዝገብር ብርቱዕ ዅበባ፥ ምርኮ፥ ዝርዕድ ልቢ፥ ምሸት ክኾና ዝምነያ ኣንጎህ። ኵሉ እቲ ኽብደት ኣብ ሓንቲ ነገር ይምርኮስ — እስራኤል ንቓል ኣቦኦም ይሰምዕ ዲዩ ኣይሰምዕ።

ምዕራፍ 28።

ነቲ ኣነ ሎሚ ዝህበኩም ዘለኹ ኵሉ ትእዛዛቱ ተጠንቂቕኩም ክትገብሩ፥ ቃል ኣቦኻትኩም ብሓቂ እንተ ሰሚዕኹም፥ ኣቦኻትኩም ካብ ኵሎም ኣህዛብ ምድሪ ልዕል ኣቢሉ ክገብረኩም እዩ። ቃል ኣቦኻትኩም እንተ ሰሚዕኹም፥ እዝ ዅሉ በረኸት እዙይ ክመፅአኩምን ክበፅሐኩምን እዩ፦ ኣብ ከተማ ቡሩኻት ክትኮኑ ኢኹም፤ ኣብ በረኻ ኸዓ ቡሩኻት ክትኮኑ ኢኹም። ፍረ ኸርስኹምን ፍረ ምድሪኹምን ፍረ እንስሳኹምን፥ ሌማታት ኣባጊዕኹምን ኣጣልኩምን ቡሩኽ ክኸውን እዩ። መጋዝእትኹምን መልወሲኹምን ቡሩኽ ክኸውን እዩ። ክትኣትዉ እንተለኹም ቡሩኻት ክትኮኑ ኢኹም፤ ክትወፁ እንተለኹም ከዓ ቡሩኻት ክትኮኑ ኢኹም። ኣቦኻትኩም ነቶም ኣብ ልዕሌኹም ዝልዓሉ ፀላእትኹም ኣብ ቅድሜኹም ክሰዓሮም እዩ። ብሓደ መንገዲ ናባኻትኩም ክመፁ፥ ብሸውዓተ መንገዲ ኸዓ ካባኻትኩም ክሃድሙ እዮም። ኣቦኻትኩም ኣብ ማዕኸንኩምን ኣብ ኵሉ ኢድኩም ዘንብርሉን በረኸት ክእዝዘልኩም እዩ፤ ኣብታ ኣቦኻትኩም ዝህበኩም ምድሪ ድማ ክባርኸኩም እዩ። ትእዛዛት ኣቦኻትኩም እንተ ሓሊኹም ብመንገዱ ኸዓ እንተ ተመላሊስኹም፥ ኣቦኻትኩም ከምቲ ዝመሓለልኩም፥ ንእኡ ቅዱስ ህዝቢ ኽትኮኑ ኬቕውመኩም እዩ። ሽዑ ኵሎም ኣህዛብ ምድሪ ብስም ኣቦና ኸም እትፅውዑ ክሪኡ፥ ክፈርሑኹም ከዓ እዮም። ኣብታ ኣቦኻትኩም ክህበኩም ነቦታትኩም ዝመሓለሎም ምድሪ፥ ኣቦኻትኩም ብፍረ ኸርስኹምን ፍረ እንስሳኹምን ፍረ ምድሪኹምን ብልምዓት ክትበልፅዎ ክገብረኩም እዩ። ኣቦኻትኩም ነቲ ፅቡቕ መዝገቡ፥ ነቲ ሰማይ፥ ንምድሪኹም ዝናም ብጊዜኡ ክህበኩምን ንዅሉ ስራሕ ኢድኩም ክባርኸልኩምን ክኸፍተልኩም እዩ። ንብዙሓት ኣህዛብ ክተለቅሑ ኢኹም፥ ኣይትልቅሑን ግና ኢኹም። ነቲ ኣነ ሎሚ ዝእዝዘኩም ዘለኹ ትእዛዛት ኣቦኻትኩም ሰሚዕኹም ተጠንቂቕኩም እንተ ገበርኩምዎ፥ ኣቦኻትኩም ርእሲ እምበር ጭራ ኣይገብረኩምን እዩ፤ ኵልሻዕ ልዕል ክትብሉ እምበር፥ ከቶ ኣይትወድቑን ኢኹም። ነዝ ኣነ ሎሚ ዝእዝዘኩም ዘለኹ ቃላት፥ ናብ የማን ኮነ ናብ ፀጋም ኣይትረሓቕዎ፤ ደድሕሪ ኻልኦት ኣማልኽቲ ኸይድኩም ኣይተገልግልዎም።

ምስ ዝዞሩ

ነቲ ኣነ ሎሚ ዝእዝዘኩም ዘለኹ ኵሉ ትእዛዛቱን ሕግጋቱን ተጠንቂቕኩም ክትገብሩ ቃል ኣቦኻትኩም እንተ ዘይሰሚዕኹም ግና፥ እዝ ዅሉ መርገም እዙይ ክመፅአኩምን ክበፅሐኩምን እዩ፦ ^a ኣብ ከተማ ክትረገሙ ኢኹም፤ ኣብ በረኻ ኸዓ ክትረገሙ ኢኹም። መጋዝእትኹምን መልወሲኹምን ርጉም ክኸውን እዩ። ፍረ ኸርስኹምን ፍረ ምድሪኹምን፥ ሌማታት ኣባጊዕኹምን ኣጣልኩምን ርጉም ይኹን። ክትኣትዉ እንተለኹም ርጉማት ክትኮኑ ኢኹም፤ ክትወፁ እንተለኹም ከዓ ርጉማት ክትኮኑ ኢኹም። በቲ ብምሕዳግኩምኒ ዝገበርኩምዎ ክፉእ ግብሪ፥ ክሳዕ እትጠፍኡን ቀልጢፍኩም እትሃልቁን፥ ኣቦኻትኩም ኣብ ኵሉ ኢድኩም ዘንብርሉ መርገምን ድንጋፀን ተግሳፅን ክሰደልኩም እዩ። ኣቦኻትኩም ካብታ ኽትወርስዋ እትኣትውዋ ዘለኹም ምድሪ ኽሳዕ ዘጥፍአኩም፥ ነቲ ፌራ ኣባኻትኩም ከጠብቖ እዩ። ኣቦኻትኩም ብዘመንምን ብረስንን ብረስኒ ሕበጥን ብብርቱዕ ሃሩርን ብኣፃምእን ብዋግን ብሃጒን ክወቕዐኩም እዩ፤ ክሳዕ እትጠፍኡ ኸዓ ክሳዐዱኹም እዮም። እቲ ኣብ ልዕሊ ርእስኹም ዘሎ ሰማይ ነሃስ ክኸውን እዩ፤ እታ ኣብ ትሕቴኹም ዘላ ምድሪ ኸዓ ሓፂን ክትከውን እያ። ኣቦኻትኩም ዝናም ምድሪኹም ናብ ሓመድን ኣቦራን ክልውጦ እዩ፤ ክሳዕ እትጠፍኡ ኸዓ ካብ ሰማይ ኣባኻትኩም ክወርድ እዩ። ኣቦኻትኩም ኣብ ቅድሚ ፀላእትኹም ክስዓረኩም እዩ። ብሓደ መንገዲ ናባታቶም ክትወፁ፥ ብሸውዓተ መንገዲ ኸዓ ክትሃድሙ ኢኹም፤ ንዅለን መንግስታት ምድሪ ኸዓ መሸበሪ ክትኮኑ ኢኹም። ሬሳኹም ድማ ነዕዋፍ ሰማይን ንኣራዊት ምድርን ምግቢ ኽኸውን እዩ፤ ዘባርሮም ከዓ የለን። ኣቦኻትኩም በቲ ኽሕወ ዘይኽእል ቍስሊ ግብፅን ዕባቅን ሻሕራምን ዕንፍሩርን ክወቕዐኩም እዩ። ኣቦኻትኩም ብዕብዳንን ብዕውርነትን ብዕንዳሴ ልብን ክወቕዐኩም እዩ። ከምቲ ዕዉር ኣብ ፀልማት ዝዳህስስ፥ ፍርቂ መዓልቲ ኽትዳህሰሱ ኢኹም፤ ኣብ መንገድኹም ከዓ ኣይትዕወቱን ኢኹም። ኵሉ ጊዜ ጥራሕ ትጭቈኑን ትዝረፉን ክትነብሩ ኢኹም፤ ዘድሕነኩም ከዓ የለን። ጓል ክትሕፅዩ ኢኹም፥ ካልእ ሰብኣይ ግና ምስኣ ክድቅስ እዩ። ገዛ ክትሰርሑ ኢኹም፥ ኣብኡ ግና ኣይትነብሩን ኢኹም። ኣታኽልቲ ወይኒ ክትተኽሉ ኢኹም፥ ፍሪኣ ግና ኣይትጥቀሙን ኢኹም። ዝራብዕኩም ኣብ ቅድሚ ዓይንኹም ክሕረድ እዩ፥ ካብኡ ግና ኣይትበልዑን ኢኹም። ኣድግኹም ካባኻትኩም ተመንዚዑ ክውሰድ እዩ፥ ኣይምለሰኩምን ከዓ እዩ። ኣባጊዕኹም ንፀላእትኹም ክወሃብ እዩ፥ ዘናግፈኩም ከዓ የለን። ኣወዳትኩምን ኣዋልድኩምን ዓይንኹም እናረአየ ንኻልእ ህዝቢ ክወሃቡ እዮም፤ ምሉእ መዓልቲ ኸዓ ናፊቕኩምዎም ክትውዕሉ ኢኹም፥ ኢድኩም ግና ሓይሊ ኣይክህልዋን እዩ። ዘይትፈልጥዎ ህዝቢ ንፍረ ምድሪኹምን ንዅሉ ፃዕርኹምን ክበልዖ እዩ፤ ንስኻትኩም ከዓ ኵሉ ጊዜ ጥራሕ ትጭቈኑን ትቕጥቀጡን ክትነብሩ ኢኹም። በቲ ዓይንኹም ዝርእዮ ኸዓ ክትዓብዱ ኢኹም። ኣቦኻትኩም ካብ ፅፍሪ እግርኹም ክሳዕ ፀጕሪ ርእስኹም፥ ኣብ ኣብራኽኩምን ኣእጋርኩምን በቲ ኽሕወ ዘይኽእል ብርቱዕ ቍስሊ ክወቕዐኩም እዩ። ኣቦኻትኩም ንኣኻትኩምን ነቲ ኣብ ልዕሌኹም እተንግስዎ ንጉስኩምን፥ ንስኻትኩም ኮነ ኣቦታትኩም ናብ ዘይፈለጥኩምዎ ህዝቢ ክወስደኩም እዩ፤ ኣብኡ ድማ ኻልኦት ኣማልኽቲ፥ ናይ ዕንፀይትን ናይ እምንን ከተገልግሉ ኢኹም። ኣብ ኵሎም እቶም ኣቦኻትኩም ዝወስደኩም ኣህዛብ፥ መሸበርን መመሰልን መላገፂን ክትኮኑ ኢኹም። ብዙሕ ዘርኢ ናብ በረኻ ክትወስዱ ኢኹም፥ ሒደት ግና ክትዓፅዱ ኢኹም፤ ኣንበጣ ክበልዖ እዩ እሞ። ኣታኽልቲ ወይኒ ክትተኽሉን ክተፅፍፉን ኢኹም፥ ወይኑ ግና ኣይትሰትዩን ፍሪኡን ኣይትእክቡን ኢኹም፤ ሓሰኻ ኽበልዖ እዩ እሞ። ኣብ ኵሉ ዶብኩም ኣእዋም ኣውሊዕ ክህልወኩም እዩ፥ ኣውሊዕኹም ይረግፍ እዩ እሞ፥ ብዘይቲ ኣይትልከዩን ኢኹም። ኣወዳትን ኣዋልድን ክትወልድ ኢኻ፥ ግና ናብ ምርኮ ክኸዱ እዮም እሞ፥ ናትካ ኣይኸውኑን። እቲ ዚጭውጭው ኣንበጣ ንዅሎም ኣእዋምካን ንፍረ ምድርኻን ክወርሶም እዩ። እቲ ኣብ ማእኸልካ ዘሎ ጓና ኣብ ልዕሌኻ ልዕል ልዕል ክብል እዩ፤ ንስኻ ድማ ትሕት ትሕት ክትብል ኢኻ። ንሱ ከለቅሓካ እዩ፥ ንስኻ ግና ኣይተለቅሖን ኢኻ። ንሱ ርእሲ ክኸውን እዩ፤ ንስኻ ድማ ጭራ ክትከውን ኢኻ።

እዚ ዅሉ መርገም እዚ ኣባኻ ክመፅእ፥ ክሳዕ እትጠፍእ ከዓ ክሰጉን ክቕበለካን እዩ፤ ቃል ኣቦኻ፥ ነቲ ዝኣዘዘካ ትእዛዛቱን ሕግጋቱን ክትሕሉ ስለ ዘይሰማዕኻ። ንሳቶም ከዓ ኣባኻን ኣብ ዘርእኻን ንዘለኣለም ምልክትን ተኣምራትን ክኾኑ እዮም። ኵሉ ነገር ብብዝሒ ኣብ ዝነበረካሉ ጊዜ፥ ንኣቦኻ ብሓጎስን ብሕጉስ ልብን ስለ ዘየገልገልካዮ፥ ነቶም ኣቦኻ ኣባኻ ዝሰዶም ፀላእትኻ፥ ብጥሜትን ብፅምኢን ብዕርቃንን ብብርቱዕ ድኽነትን ከተገልግሎም ኢኻ። ክሳዕ ዘጥፍኣካ ከዓ ኣርዑት ሓፂን ኣብ ክሳድካ ክገብር እዩ። ኣቦኻ ኻብ ርሑቕ፥ ካብ ወሰን ምድሪ፥ ከም ንስሪ ዚዝምቢ ህዝቢ ኣባኻ ከምፅእ እዩ፤ ቛንቛኡ ዘይተስተውዕሎ ህዝቢ፥ ገፁ ጨካን ህዝቢ፥ ንኣረጋውያን ዘየኽብር፥ ንንኣሽቱ ኸዓ ዘይምሕር። ንሳቶም ድማ ሌማት እንስሳኻን ፍረ ምድርኻን ክሳዕ እትጠፍእ ክበልዑ እዮም፤ ስርናይ ወይ ወይኒ ወይ ዘይቲ፥ ሌማት ከብትኻ ወይ ሌማት ኣባጊዕኻ ከይገደፉልካ፥ ክሳዕ ዘጥፍኡኻ። ኣብ ኵለን ከተማታትካ፥ ክሳዕ እቲ እትኣምነሉ ነዋሕትን ፅኑዓትን መናድቕካ ኣብ ብዘላ ምድርኻ ዝወድቕ፥ ክኸብቡኻ እዮም፤ ኣብታ ኣቦኻ ዝሃበካ ምድሪ ኣብ ዘለዋ ኵለን ከተማታት ክኸብቡኻ እዮም። ሽዑ በቲ ፀላኢኻ ዘውርደልካ ከበባን ጭንቀትን፥ ፍረ ኸርስኻ፥ ስጋ እቶም ኣቦኻ ዝሃበካ ኣወዳትካን ኣዋልድካን ክትበልዕ ኢኻ። እቲ ኣባኻ ዘሎ ልኡምን የመና ርቂቕን ሰብኣይ፥ ብሓዉን በታ ዝሓቍፋ ሰበይቱን በቶም ዝተረፉ ደቁን፥ ዓይኑ ክኸፍእ እዩ፤ ካብቲ ዝበልዖ ዘሎ ስጋ ደቁ፥ ገለ እኳ ስለ ዘይተረፎ፥ በቲ ፀላኢኻ ኣብ ኵለን ከተማታትካ ዘውርደልካ ከበባን ጭንቀትን፥ ንሓደ እኳ ኻብኣቶም ከይህብ ይኣቢ። እታ ኣባኻ ዘላ ልምልምትን የመና ርቂቕትን፥ ካብ ርቂቕነታ ዝተላዕለ ፅፍሪ እግራ ኣብ ምድሪ ኽተንብር ዘይፈተነት ሰበይቲ፥ በቲ ዝሓቍፋ ሰብኣያን ብወዳን ብጓላን ዓይና ክኸፍእ እዩ፤ ብዘይ ገለ ነገር ስለ እትተርፍ፥ በቲ ፀላኢኻ ኣብ ከተማታትካ ዘውርደልካ ከበባን ጭንቀትን፥ ነቲ ድሕሪ ውሊዳ ኻብ መንጎ ኣእጋራ ዝወፅእን ነቶም እትወልዶም ደቃን ብሕቡእ ክትበልዖም እያ። ኣብዛ መፅሓፍ እዚኣ ተፂሒፉ ዘሎ ኵሉ ቃላት እዚ ሕጊ ኽትገብርን ነዚ ኽቡርን ዜፍርህን ስም፥ ንኣቦ ክትፈርህን እንተ ዘይተጠንቂቕካ፥ ሽዑ ኣቦኻ ኣባኻን ኣብ ዘርእኻን ዜገርም መዓት፥ ብርቱዕን ነባርን መዓት፥ ብርቱዕን ነባርን ሕማም ከምፅእ እዩ። እቲ ዝፈራህካዮ ዅሉ ሕማም ግብፂ መሊሱ ኣባኻ ከምፅኦ እዩ፤ ምሳኻ ድማ ክጠብቕ እዩ። ኣብዛ መፅሓፍ ሕጊ እዚኣ ዘይተፃሕፈ ዅሉ ሕማምን መዓትን ድማ፥ ክሳዕ እትጠፍእ ኣቦኻ ኣባኻ ከምፅኦ እዩ። ከም ከዋኽብቲ ሰማይ ብዙሕ ዝነበርካ ንስኻ፥ ሒደት ክትተርፍ ኢኻ፤ ቃል ኣቦኻ ስለ ዘይሰማዕኻ። ከምቲ ኣቦኻ ሰናይ ክገብረልካን ከብዝሓካን ዝተሓጎሰ፥ ከምኡ ድማ ኣቦኻ ከብርሰካን ከጥፍኣካን ክሕጎስ እዩ፤ ካብታ ኽትወርሳ እትኣትዋ ዘለኻ ምድሪ ኸዓ ክትፍለስ ኢኻ። ኣቦኻ ካብ ወሰን ምድሪ ክሳዕ ወሰን ምድሪ፥ ኣብ ኵሎም ህዝብታት ፋሕ ከብለካ እዩ፤ ኣብኡ ኸዓ ንስኻን ኣቦታትካን ዘይፈለጥኩምዎ፥ ካብ ዕንፀይትን እምንን ዝተገብረ ኻልኦት ኣማልኽቲ ከተምልኽ ኢኻ። ኣብ መንጎ እቶም ህዝብታት እቲኦም ዕረፍቲ ኣይክትረክብን ኢኻ፤ ንፅፍሪ እግርኻ ዝኸውን መዕረፊ ኸዓ የብልካን። ኣብኡ ኣቦኻ ራዕራዕ ዝብል ልብን ዝዳኸም ዓይንን ተስፋ ዝቘረፀት ነፍስን ክህበካ እዩ። ህይወትካ ኣብ ቅድሜኻ ኣብ ጥርጥር ተንጠልጢላ ክትከውን እያ፤ ለይትን መዓልትን ክትፈርህ ኢኻ፤ ብህይወትካ ድማ ኣይክትተኣማመንን ኢኻ። ንግሆ፥ “ምሸት እንተ ዝኸውን ነይሩ!” ክትብል ኢኻ፤ ምሸት ድማ፥ “ንግሆ እንተ ዝኸውን ነይሩ!” ክትብል ኢኻ፤ ካብቲ ንልብኻ ዝመልኦ ፍርህን ካብቲ ዓይንኻ እትርእዮ ትርኢትን ዝተልዓለ። ኣቦኻ በቲ “ድሕሪ ደጊም ኣይክትርእዮን ኢኻ” ዝበልኩኻ መንገዲ፥ ብመራኽብ ናብ ግብፂ ክመልሰካ እዩ። ኣብኡ ንፀላእትኹም ኣገልገልትን ኣግራድን ክትኮኑ ርእስኹም ንሽያጥ ከተቕርቡ ኢኹም፤ ዝዕድገኩም ግና የለን።