Mi eng' bukuit

Kalewenaik 23 FHB Father's Heart Bible™

Kiistoi 15% eng' kiy ne iale korook →
Bukuit

Weeriinnyu, Igoochiwo Muguleldang'ung'

Kaneetutik che po amiset kobooto kiit ne nget kwenut. Iriipkei ye itebee si iamisye ak laitoryat, ak amebirtegei icheegei si icheeng'ei mogornateet ne tiriren koba kipsengwet ko uu tarit. Letennyi ko iboorweetap che amisyei, ne kibir ago ma kas, ne ng'eetei kityo kocheeng' divaik age.

Sura 23.

Ye itebee si iamisye ak laitoryat, ibwaat komyee kiit ne mi taing'ung', ak inde oriit kaating'ung' ngot ii chiito ne kaam munyasta. Amegase myat amitwogikyik che iboiboi, amu amitwogik che po lembech.

Amebirtegei si iboor; itinye ng'omnateet si iriipkei. Ye igeer mogornateet, kosiirto, amu konyoor kityo kebebaikyik ak kotiriren koba kipsengwet ko uu kipsiichit.

Ameam amitwogigap chiito ne tinyei kasetap myat, ak amegase myat amitwogikyik che iboiboi, amu ko chiito ne iisyei kityo fedhaisyek. “Iam ak iee!” koleenjin, ago ma mi muguleldanyi kobooten. Ing'ung'dei ne ming'in ne kiam, ak ibeet ng'aleekyuk che karaaran.

Amang'alaal ye kasei chiito ne abusat, amu sasei ng'omnatetap ng'aleekyuk.

Amenakta kiwoteet ne po keny, anan ichut mbareenigap ne ma tinyei sigiik, amu oo kimnateet chiitap ooreenywa; sarei Kwandanyo icheek agaigai inyee. a a v11 Ye yai chii ne ya ne ma tinyei sigiik ne maatinyei chii ne imuch kosaru, koegu Kwandanyo kigeenyi ne sareei icheek, ak konam pooryennywa koek ne po ineegei.

Inde muguleldang'ung' kaneetisyet, ak itiikyuk ng'aleek che po ng'omnateet.

Ameetee lakweet katigonet; ngot ipir eng' kirokto, ko ma meei. Ipir eng' kirokto, ak isaru saboondanyi eng' kome.

Weeriinnyu, ngot ko ng'om muguleldang'ung', koboiboitu muguleldanyu agine. Koboiboitu moennyu ye ng'alaali kutuuk kiit ne imanit.

Amat koamjin muguleldang'ung' ng'etkong' kiptengeginik, ago itononi eng' iywetap Kwandanyo peetuut komugul. Iman mi peetuusyek che po let, ak ma kitilak kamang'uneng'ung'.

Igas, weeriinnyu, ak itinye ng'omnateet, ak iriip muguleldang'ung' eng' ooreet ne imanit. Amegu among che bogitos eng' maiyek, anan among che amisyei pany che chaang', amu kibogityo ak kipkeiya ko nyoor rubeet, ak laakyin ruiyet ngoroik che kabiririiten.

Igas kwandang'ung' ne ki kisich inyee, ak amesas kamenng'ung' ye oos. Aal imanit ak amealdai; aal ng'omnateet, kaneetisyet, ak ng'eet. Koboiboitu miising' kwandap lakweet ne imanit; age tugul ne isich weeriit ne ng'om ko boiboitunen ineendet. Koboiboitu kwandang'ung' ak kamenng'ung'; ak koboiboitu ne ki isich inyee.

Weeriinnyu, koono muguleldang'ung', ak koboiboitu konyeguk eng' ortinwekyuk. Amu ko keriinget ne loo chepolaset, ak ko soet ne mariich kwondo ne adulam. Igeno ko uu rebindet, ak kondoe murenik che chaang' koba ole ma po imanit.

Ng'oo ne tinye nyalilda? Ng'oo ne tinye riirek? Ng'oo ne tinye suryet? Ng'oo ne tinye ing'ung'ng'unet? Ng'oo ne tinye pirutik puch? Ng'oo ne tinye koonyek che biriiren? Che tebee koigeny eng' maiyek, che wendi koyom tageiywekap maiyek che kiyomegei. Amegeer maiyek ye birireen, ye lelulelu eng' kigombet ak kochut komyee. Eng' let ko susei ko uu ndaret, ak koindoi ng'wonet ko uu ereneet. Keerei konyekyuk tuguuk che ma inai, ak komwaei muguleldang'ung' tuguuk che wasegei. Iegu ko uu chii ne rue eng' kwenutap nyanjet, ko uu chii ne rue eng' metitap keetitap meliit. “Kabara, ago ma kaagas ng'wanindo; kabira, ago ma kaanai nooto. Ou ang'etu? Acheeng' kiy age ne aee.”