Shongzā 16

16 ¹Israelwui yarui ashangva̱ katonga Elimwui eina zatphokta, Egypt ngaleiwui eina shokta kachāng kakhanewui tharāda kaphangāthang, Elim eina Sinai ngachaili khalei Sin lamhāngli vāshunga. ²Kala Israelwui mibing yarui ashangva̱ katonga lamhāngli Moses eina Aaronwuitungli kharopa. ³Israelnaobingna athumli hānga, "Ithum Egypt ngaleili, asā ham ngalemli pamda, kashakazā khavāt maleila shaida, ithumwui Avāwui pāngli thihaisasi kaje phameira! Kaja nathumna ithumli yarui ashangva̱ katonga hi akhamorna shaothat khavai lamhāng hili khuirāhaira."

⁴Chieina ithumwui Avāna Mosesli hānga, "Yanglu, ina nathumwui vang kazingram eina kashakazā rotāmira. Mibingna thangkachida vāda chithangwui yar hātkhuira; chithāda athumna iwui ainli shurra kala mashurra da ina athumli chāng tamra. ^a a v4 Jishuna kachichāli ithumwui Avāna mikahai khamashung kashakazā—okathuili kharing mikhavai kazingram eina rātākahai kharingawui kashakazā chi—da phokmi tharan, kazingram eina rā kashakazā hi latluida hāngmi. ⁵Katharukawui zimiksholi athumna thangkachida hātkhuikahai chiwui khani shida khuirāda angarānra."

⁶Moses eina Aaronna Israelnaobing saikorali hānga, "Ithumwui Avāna nathumli Egypt ngaleiwui eina thānshokmi kaji chi ngazinshong nathumna theira; ⁷kala ngathor nathumna ithumwui Avāwui tekhamatei theira, kaja ana awuitungli nathumwui kharop shāhaira. Ithum khipāda, nathumna ithumwuitungli kharopkhala?" ⁸Mosesna hānga, "Ngazin eina ithumwui Avāna nathumli shaikhavai asā, kala ngathor nathumna kakhangai kashakazā saikora khamitharan, kaja ana awuitungli nathumwui kharop shāhaira; ithum khipāda? Nathumwui kharop chi ithumwuitungli maningmana, kha ithumwui Avāwuitunglina." ⁹Mosesna Aaronli hānga, "Israel yarui ashangva̱ katongali hānglu, 'Ithumwui Avāwui mangāli nganaida rālu, kaja ana nathumwui kharop shāhaira.'" ¹⁰Aaronna Israelnaobing saikorali hānga tharan, athumna lamhāngshong yanga, kala ithumwui Avāwui tekhamatei chi muiyāli rāchithei. ¹¹Kala ithumwui Avāna Mosesli hānga,

¹²"Ina Israelnaobingwui kharop shāhaira. Athumli hānglu: Ngazinshong nathumna asā shaira, kala ngathor nathumna kashakazāna pemtinghaora. Chieina I nathumwui Avāna kaji nathumna theira."

¹³Chithang ngazinshong kongkuina rāmrah chi ngapuikhamhaowa; kala ngathor ikra̱ chi rāmrah kuimareida taisai. ¹⁴Ikra̱ khangkā tharan, phām thāda manakta mathir kahai ot lamhāngwui amaili taisai. ¹⁵Israelnaobingna chi theilaga, kha̱mishimāli ngahānna, "Hi khina?" Kaja chi khina kaji athumna matheimana. Mosesna athumli hānga, "Hi ithumwui Avāna nathumli shaikhavai mikahai kashakazāna."

¹⁶Hi ithumwui Avāna kakasona: "Nathumwui kachonshimli khalei mi saikorawui vang, mi ava̱va̱wui vang akhum katharā, mi ava̱va̱na shashapwui athishurda hātkhuilu."

¹⁷Kala Israelnaobingna chithāda sai. Athumna hātkhui; kaikhana chungmeida, kaikhana teomeida hātkhui. ¹⁸Kha akhum katharā eina ngareikhui tharan, kachungkha hātkhui china tarākha khalei maleisā, kala kateokha hātkhui china shorkar maleisā; ava̱va̱na awui zākhavai athishurda hātkhui. ¹⁹Kala Mosesna athumli hānga, "Khipānakha chi eina ngathor eina tangda mahorhaipaimana." ²⁰Kha athumna Mosesli manganāmana; kaikhana kateokha ngathor eina tangda horhaowa; chi ka̱chai naohaida nganamshihaowa. Chieina Mosesna athumli malungvāthaowa. ²¹Ava̱va̱na awui zāpai athishurda, ngathor kachida athumna chi hātkhui; ngashun kāngmaran tharan, chi shimānhaowa.

²²Kala katharukathang athumna khamui khani ngasoda, ava̱va̱wui vang akhum mati hātkhui, kala yarui ashangva̱wui akhokabing saikorana rāda Mosesli hānga.

²³Ana athumli hānga, "Ithumwui Avāna hithāda hānga: Akhama chingri ngasām, nathumwui Avāli kathara sabbath akhana. Shokngasak khavai chi shokngasaklu, hangkhavai chi hanglu, kala kalei chihai saikora ngathor eina tangda tālu."

²⁴Chieina athumna Mosesna kaso kahai thāda chi ngathor eina tangda tāsanga, kala chi manganamshimana, kachaina manaomana. ²⁵Mosesna hānga, "Aja chi shailu; aja ithumwui Avāli sabbath akhana; aja nathumna luili chi masamphangmara. ²⁶Tharukthang nathumna chi hātkhuira, kha kashinethang, sabbath chili, chi maleimara." ²⁷Kashinethang mibingwui ngachaili kaikhana hātkhui khavai vai, kha athumna khikha masamphangmana.

²⁸Kala ithumwui Avāna Mosesli hānga, "Nathumna iwui ningkhami kala iwui ain mayon khavai karankha mamayāmarakhala? ²⁹Yanglu, ina nathumli sabbath mihaira; chiwui vang katharukathang ina nathumli khani zimikshowui khamui minaora. Mi kachiva̱na, kachichāwui pamli pamsālu; kashinethang khipānakha kachichāwui pam eina mashokpaimara."

³⁰Chieina mibingna kashinethang ngasāmkhui.

³¹Israelwui shangna chi "manna" da aming phokmi; chi phatikomwui athā thai, kachara, kala khuira̱ eina sākakhui katheng khamui thāda shima. ^b b v31 Manna da aming hi mibingwui aphungphok poi, "Hi khina?" chi shurpaina; athumna kachichā kahāng eina khamui chili aming phokmi kahaina.

³²Mosesna hānga, "Ithumwui Avāna hithāda kasoi: 'Chi eina akhum katharā nathumwui thotbingwui vang tālu, chiwui vang eina ina nathumli Egypt ngaleiwui eina thānshok tharan, lamhāngli phauikahai khamui chi athumna theinaora.'"

³³Mosesna Aaronli hānga, "Ham akha khuilu, chili manna akhum katharā chipemlu, kala nathumwui thotbingwui vang tāsang khavai chi ithumwui Avāwui mangāli haisangserlu." ³⁴Ithumwui Avāna Mosesli kaso kahai thāda, Aaronna chi tāsang khavai shākhiwui mangāli haihaowa. ^c c v34 Shākhi chi: kadharawui lung phep, naodava sinduk alungli tāsang kahai. ³⁵Mi somkasā ngalei akhali mavāshungranglakha eina tangda Israelwui mibingna zingkum hangmati manna zai. Canaan ngaleiwui thari athumna mavāshungranglakha eina tangda manna zai. ³⁶(Omer akha chi akhum katharā sha̱khana; ephahwui khum katharāwui akha.).