Amar Pitri Sorgo Pora Roti Borkhai Diye

Jongol te bhuk lagi kene, Israel koi, amikhan Egypt te mangso laga bortan khan usor te mori thakile bhal hoi thakise. Amar Pitri pora sorgo pora roti borokhun nisina pathai dii, aru joma kora tu nijor he ekta porikha ase: din karne jiman lage, rati karne kiba bhi rakhi diya nohoi, Sabbath age te duigun. Tinu bhi kunba pora rakhi dii, aru etu te puk-poruwa uthi jai.

Adhyay 16.

Egypt desh pora ulai aha pichete, dusera mohina laga pondro number din te, pura Israel laga samaj Elim pora rowana hoi kene, Elim aru Sinai laga majote thaka Sin laga jongol te ahise. Aru jongol te, pura Israel laga manuh khan pora Moses aru Aaron bhirodh te biya kotha koi kene gondugol korise. Israel laga manuh khan pora tarkhan ke koise, “Ami khan gau-mangso laga haari usorte bohi kene, bhorta pet roti khai thaka homoi te, Egypt te amar Pitri laga hath pora mori jaisile hoile bhal thakise! Kilemane tumikhan pora eitu pura sabha ke bhuk pora morai dibole ami khan ke eitu jongol te anise.”

Tetiya amar Pitri pora Moses ke koise, “Sabi, Moi tumikhan nimite sorgo pora roti borkhai dibo. Hodai din manuh khan pora ulai kene hei din laga bhag joma koribo lage, titia Moi tarkhan ke porikha koribo pare—tarkhan pora Moi laga niyom mani thaki ba nai? ^a Choi number din te, tarkhan pora ki anibo eitu taiyar koribo—hodai din joma kora pora dui-guna hobo.”

Moses aru Aaron pora pura Israel manuh khan ke koise, “Saanjte tumikhan ke Egypt desh pora ulai ani diya tu amar Pitri thakise koi kene tumikhan janibo, phojurte tumikhan amar Pitri laga mohima dekhibo—Tar bhirodh te tumikhan laga biya kotha Tar pora huni loise. Ami khan to ki ase, tumikhan ami khan bhirodh te biya kotha kobole?” Moses pora koise, “Jitia amar Pitri pora saanjte tumikhan ke khabole gau-mangso aru phojurte tumikhan laga mon kora pura roti dibo, kele koile Tar bhirodh te tumikhan laga biya kotha Tar pora huni loise—ami khan to ki ase? Tumikhan laga biya kotha ami khan bhirodh te nohoi, kintu amar Pitri bhirodh te ase.” Moses pora Aaron ke koise, “Pura Israel laga samaj ke kobi, ‘Amar Pitri usorte usor hoi ahibi—tumikhan laga biya kotha Tar pora huni loise.’” Aaron pora pura Israel manuh khan ke koise; tarkhan jongol phale saise, aru badal te amar Pitri laga mohima dikhise. Aru amar Pitri pora Moses ke koise,

“Moi Israel laga biya kotha huni loise. Tarkhan ke kobi: Saanj andhar homoi te tumikhan gau-mangso khabo; phojurte tumikhan roti pora bhorta hobo. Tetiya Moi tumikhan laga Pitri ase koikene tumikhan janibo.”

Hei saanjte morgi-chiriya khan ahi kene tombu khan ke bondho kori dise; phojurte eitu laga chari phale niyar laga ekta stor thakise. Niyar laga stor uthi juwa pichete, borop nisina mihin-mihin tukra khan jongol laga mati uporte dhaki thakise. Eitu dekhi kene, Israel manuh khan ekjon-ekjon ke hudise, “Eitu ki ase?”—eitu ki ase koikene tarkhan jana nai. Moses pora koise, “Eitu amar Pitri pora tumikhan ke khabole diya roti ase.”

Amar Pitri pora hukum diya kotha eitu ase: “Hodai manuh pora khabole para jiman, ekjon-ekjon nimite dui ser nisina, tumikhan laga tombu te thaka sob nimite joma koribi.”

Aru Israel laga manuh khan eneka korise. Tarkhan joma korise, kunba beshi, kunba kom. Kintu dui ser laga naap pora naapile, kun pora beshi joma korise tar bachi juwa nathakise, aru kun pora kom joma korise tar komti nathakise—hodai manuh pora tai khabole para thik iman joma korise. Aru Moses pora tarkhan ke koise, “Kun manuh pora bhi eitu pora phojur loge bachai kene narakhibi.” Tarkhan Moses laga kotha huna nai—kunba pora phojur loge bhag bachai rakhise; eitu te puka ulaise aru biya gundha hoise. Moses tarkhan logote khong uthise. Phojur-phojur te tarkhan eitu joma korise, hodai manuh tar khuwa hisab te; jitia suruj gorom hoise, eitu gali jaise.

Choi number din te tarkhan dui-guna roti joma korise, hodai jon nimite char ser nisina, aru samaj laga sob cholawta khan ahi kene Moses ke koise.

Tai tarkhan ke koise, “Amar Pitri pora kowa kotha eitu ase: Kali tu ekta aram laga din, tumikhan laga Pitri nimite ekta pobitro Bisram din ase. Ki sekibo eitu sekibi, ki sijabo eitu sijabi, aru ki bachibo eitu phojur loge rakhibi.”

Titia Moses pora hukum diya nisina, tarkhan eitu phojur loge alag rakhise, aru eitu biya gundha huwa nai aru puka bhi ula nai. Moses pora koise, “Aji eitu khabi; aji amar Pitri nimite ekta Bisram din ase; aji tumikhan kheti te eitu napabo. Choi din tumikhan eitu joma koribi, kintu sath number din te, Bisram din te, eku nathakibo.” Sath number din te kunba manuh khan joma koribole ulai jaise, kintu tarkhan eku pa nai.

Aru amar Pitri pora Moses ke koise, “Kiman din tak tumikhan Moi laga hukum aru Moi laga niyom khan manibole mana koribo? Sabi, Moi tumikhan ke Bisram din dise; eitu karone choi number din te Moi tumikhan ke dui din laga roti diye. Sob manuh, nijor jagate thakibi; sath number din te kun manuh bhi nijor jaga pora ulai najabi.”

Titia manuh khan sath number din te aram korise.

Israel laga ghor pora eitu laga nam “manna” rakhise; eitu dhonia laga guti nisina, boga, aru mou pora bona mitha patla roti nisina swad thakise. ^b

Moses pora koise, “Amar Pitri pora hukum diya kotha eitu ase: ‘Eitu pora dui ser nisina tumikhan laga bongso khan nimite rakhibi, titia Moi tumikhan ke Egypt desh pora ulai ani diya homoi te jongol te tumikhan ke khilai diya roti tarkhan dekhibo.’”

Moses pora Aaron ke koise, “Ekta haari loi lobi, eitu te dui ser nisina manna bhorai lobi, aru amar Pitri usorte rakhibi, tumikhan laga bongso khan tak rakhibole.” Amar Pitri pora Moses ke hukum diya nisina, Aaron pora eitu ke rakhibole gawahi usorte rakhise. ^c Israel laga manuh khan chalis saal tak manna khaise, jitia tak tarkhan ekta thakibole para desh te puncha nai. Tarkhan Canaan desh laga simana te puncha nohua tak manna khaise. (Ek omer te dui ser nisina dhore—ek ephah laga dos-bhag ekta bhag.).