Koweechi Kwanda ne Ki Kobetyo
Kowiirta metitap kelunet ne ki ibesyo; testai Elisha koib ng'olyoot agobo ole menye laitoryatap Aram eng' nganasennyi; koyiem lugeet nganaseetap Dothan, ak kiboorchi otwogindennyi tulwogik che iiny paraisisyegap maat che po Kwandanyo. Koamis Elisha piigap lugeet che ki iteenyi ak koyookto icheek koba gaa. Yeityo koyiem Samaria, ak koam kamet weeriinnyi.
6 1Ki leenji lagogap maotik Elisha, kole, “Keero, olooto ole kimenye eng' taing'ung' ko ming'in kosiirech.
2Ongebe Jordan, inam age tugul keetit, ak keteekyigei ole kimenye yooto.” Koleenji, “Oba.”
3Ki leenji age eng' icheek, kole, “Asoomin, ichame iwendi kobooto otwogiguk.” Kowol koleenji, “Awendi.”
4Ki wo anyun kobooto icheek. Ki pwa Jordan, ak konam koluul keetiik. 5Ye kita koluul age keetit, ki ibutyo metitap kelunet eng' peek. Ki riir, koleenji, “Woo, kiptaiyandennyu! Ki kagiminji!”
6Ki teebee chiitap Kwandanyo, kole, “Ano ne ki ibutyo?” Ki boorchi chiichooto Elisha olooto. Ki til Elisha keetit, ak kowiirta yooto, ak kolalda karnet. 7Koleenji, “Inam parak.” Ki riikta chiichooto eunnyi, ak konam.
Koriibei Lugeetap Kwanda ne po Maat Elisha
8Ki yoe laitoryatap Aram lugeet ak Israel. Ki ng'alaal ak otwogikyik, kole, “Ko mi nganasennyu eng' olooto ak olooto.”
9Ki iteeny chiitap Kwandanyo laitoryatap Israel, kole, “Mataba olooni, amu kochoorugei piigap Aram yooto.” 10Ki iyookto anyun laitoryatap Israel piik koba olooto ne ki name chiitap Kwandanyo ak koiteenyi; ki riipkei yooto, ma konyil agenge, ma konyil aeng'. 11Ki nereekyi laitoryatap Aram agobo kiit ni. Ki guure otwogikyik, koleenji, “Tos ma omwaiwo ng'oo eng' acheek ne igongei laitoryatap Israel?”
12Ki leenji age eng' otwogikyik, kole, “Momi chii, kiptaiyandennyu laitoryat. Elisha, maotindet ne mi Israel, komwachi laitoryatap Israel ng'aleek che imwae eng' itogung'ung'.”
13“Oba, ogeer ole mi,” kole laitoryat, “si ayookte piik aa anam ineendet.” Ki kimwachi, kole, “Mi Dothan.”
14Ki iyookto yooto paraisisyek, kariisyek, ak lugeet ne oo; ki pwa kemoi, ak koyiem nganaseet. 15Ki ng'eet karon otwogindetap chiitap Kwandanyo, kobunu; ki yiem nganaseet lugeet kobooto paraisisyek ak kariisyek. “Woo, kiptaiyandennyu! Nee ne keyae?” kole otwogindet.
16Kowol, koleenji, “Matiywei, amu chaang' che mi ak acheek kosiir che mi ak icheek.” 17Ki som Elisha, kole, “Kwandanyu, yaat konyekyik si koger.” Ki yaat Kwandanyo konyegap murenindet: ki keer tulwo ne nyiitaat paraisisyek ak kariigap maat che ki kayiem Elisha. 18Ye kita kochoorchigei piigap Aram ineendet, ki som Elisha Kwandanyo, kole, “Pir pichu korateet.” Ki pir icheek korateet, ko uu ye ki le Elisha.
19Ki leenji Elisha, “Ma ni ooreet, ak ma ni nganaseet. Osup anee, amutok ole mi chii ne ocheeng'e.” Ki imut anyun icheek koba Samaria. 20Ye ki chut Samaria, ki leenji Elisha, “Oo Kwandanyu, yaat konyegap pichu si koger.” Ki yaat Kwandanyo konyekwak, ak koger—ki mi icheek oriit Samaria.
21Ye ki keer icheek, koleenji laitoryatap Israel Elisha, “Kwandanyu, tos abar icheek? Tos abar icheek?”
22Ki leenji, “Matibar icheek. Tos ibare che kagenam eng' rotweng'ung' ak kwangunneng'ung'? Igoochi icheek amitwogik ak peek si koam ak koee, yeityo koba ole mi kiptaiyandennywa.”
23Ki chop sagutyet ne oo; ki am icheek ak koee, yeityo koyookto icheek koba ole mi kiptaiyandennywa. Ma pwa kogeny luulik che po Aram eng' emetap Israel.
Konyaliil Yiemutyet ak Rubeet Samaria
24Kingo let, ki yum Ben-hadad laitoryatap Aram lugeennyi komugul, kotogosta, ak koyiem Samaria. 25Ki o rubeet ne oo eng' Samaria eng' yiemutyet, kot koalda metitap sigiryet eng' shekelisyek tamanwogik sisiit che po fedha, ak tabanuutap kab ne po suumeek che po cheptuget eng' shekelisyek mut che po fedha. a a v25 Kab ko ki kiyandet ne ming'in, ne kergei ak lita agenge, si tabanutap kab ko ki amitwogik che ming'in miising' che ki inyoor chii eng' rubeet. 26Ye kita kobata laitoryatap Israel eng' irimeet, ki riir kwony, kole, “Toreto, kiptaiyandennyu laitoryat!”
27Ki leenji, “Ngot koma toretin Kwandanyo, anyoorchini ano ne atoretiin inyee? Eng' rwanyut? Anan eng' ole kitue sabibuk?” 28Ki teebee laitoryat, kole, “Amin nee?” Ki leenji, “Ki leenjo kwony ni, ‘Koonu weeriing'ung' si keam raini; keam ne nyun tomo.’
29Kiyo anyun weeriinnyu ak keam. Peetuut ne isuba, ale, ‘Koonu weeriing'ung' si keam,’ ago ki uny weeriinnyi.”
30Kingo kas laitoryat ng'aleegap kwony, ki gereer ngoroikyik; ye kita kobata eng' irimeet, ki keer piik kuniet eng' porortonnyi, ng'wony. 31Ki leenji, “Ingoyaiywo Kwandanyo ko uu nooto, ak kotes kosiir, ngot kotebee metitap Elisha weeriitap Sapat eng' ineendet raini!”
32Ki tebee Elisha eng' koonnyi, ak kitebee poisyek kobooto ineendet. Ki iyookto laitoryat chii kondoe ineendet, ago ye tomo koit kiboitiindet, ki leenji Elisha poisyek, “Keer ole iyooktoi weeriitap rumiindet si kotilchi metinnyu? Keer, ye konyo, oger kurgeet ak oryep kurgeet kobooten. Tos ma isubi kasarusietap keelyegap kiptaiyandennyi?”
33Ye kita kong'alaal kobooto icheek, ki choorchingei kiboitiindet ineendet. Ki leenji laitoryat, “Yaityoni ko kobunu Kwandanyo. Amu nee si agir Kwandanyo kogeny?”