Nol ghas majot te lukai rakha bacha ekta

Ekjon Levi ama pora tar chokra ke tin mahina lukai rakhe, tar pichete tai ke alkatra lagai diya tukri te rakhi kene Nile laga ghah majot rakhi diye, aru Pharaoh laga suwali pora tar nijor ama ke tai ke dudh khilabole poisa diye. Dangor hoi kene, Moses ekjon Egypt manuh ke morai diye aru Midian te bhagi jai. Israel dukh pora kandi thake, aru amar Pitri pora hune aru Tar bachan ke yaad kore.

Adhyay 2.

Etiya Levi laga ghor laga ekjon manuh jai kene Levi laga ekjon chukri logot te biya korise. Maiki tu pet te ahhi kene ekjon chokra ke jonom dise; bacha tu bhal ase eitu dekhi kene, tin mahina tai ke lukai rakhise. Aru deri tak lukai rakhibo na pari kene, tai nol pora bona tukri ekta loise, tate alkatra aru ras lagaise, bacha tu bhitor te rakhise, aru Nile nodi laga kinar te nol ghas majot te rakhi dise. Tar bhoini tu, bacha logot te ki hobo eitu sabole, dur te khara korise. Pharaoh laga chukri tu Nile nodi te nuha bole nami ahhise, aru tai laga noukrani khan nodi kinar te berai thakise. Tai nol ghas majot te tukri tu dekhi kene, eitu anibole tai laga noukrani ke pathai dise. Tai eitu khulise, aru bacha tu dekhise—ekjon huru chokra, kandi thakise. Tai laga mon tu bacha uporte morom pora bhorta hoise, aru tai koise, “Eitu Ibrani laga bacha khan majot te ekjon ase.”

Tar bhoini tu Pharaoh laga chukri ke hudise, “Apuni nimite bacha ke dudh khilabole Ibrani maiki ekjon ke moi mati anibo naki?”

Pharaoh laga chukri tu jawab dise, “Hoi, jabi.” Titia chukri tu jai kene bacha laga ama ke matise.

Pharaoh laga chukri tu tai ke koise, “Eitu bacha ke loijabi aru moi nimite tai ke dudh khilabi; moi tumi laga mojuri dibo.” Maiki tu bacha ke loi kene tai ke dudh khilaise.

Chokra tu dangor hoise; tai bacha ke Pharaoh laga chukri logot te loi anise, aru Pharaoh laga chukri pora bacha ke nijor putro bonaise, aru bacha laga nam Moses rakhise: “Kilemane moi pani pora tai ke uthai anise.” ^a

Moses tar nijor manuh khan majot te

Hei din khan te Moses dangor hoi kene, tar nijor manuh khan logot te bahar te jaise, tarkhan laga digdar khan dekhise, aru ekjon Mitsri manuh pora ekjon Ibrani, tar nijor jati ekjon ke marist thaka dekhise. Tai age piche saise aru, kunke bhi dekha nai karne, Mitsri manuh ke morai dise aru tai ke balu bhitor te lukai rakhise.

Dusera din te tai bahar te jaise, duijon Ibrani manuh jhagara kori thaka dekhise, aru golti kora manuh ke hudise, “Tumi laga sathi ke kele mari ase?”

Tai koise, “Kun pora tumi ke amikhan uporte raja aru bisar-korta bonaise? Tumi Mitsri manuh ke morai diya nisena moi ke bhi morabole bhabi ase naki?” Moses bhoi khai kene bhabise, “Hosa bhi, kotha tu sob jani loise.”

Pharaoh eitu huni kene Moses ke morabole bisarise; Moses Pharaoh pora polai kene, Midian desh te thaki jaise, aru kuwa ekta usorte bohise.

Midian laga purohit laga sat jon chukri thakise; tarkhan pani tanibole aru tarkhan laga baba laga mer khan ke pani khilabole naali khan bhorti koribole ahhise. Mer roikhya kora manuh khan ahhi kene tarkhan ke khedai diya homoi te, Moses uthi kene, tarkhan ke bachaise, aru tarkhan laga mer khan ke pani khilaise. Tarkhan nijor baba Reuel logot te wapas jua homoi te, tai hudise, “Aji tumikhan kele eneka joldi wapas ahhise?”

Tarkhan koise, “Ekjon Mitsri manuh pora amikhan ke mer roikhya kora khan pora bachaise, aru amikhan nimite pani bhi tani kene mer khan ke pani khilaise.”

Tai nijor chukri khan ke hudise, “Tai kot te ase? Tumikhan hei manuh ke kele chari dise? Tai ke bhaat khabole matibi.”

Moses hei manuh logot te thakibole mani loise, aru hei manuh pora tar chukri Zipporah ke Moses logot te biya dise. Tai ekjon chokra ke jonom dise; Moses tai laga nam Gershom rakhise, aru koise, “Moi bidexi desh te ekjon bidexi hoi kene thakise.” ^b

Bisi din pichete, Egypt laga raja mori jaise. Israel laga putro khan noukar kaam pora kandi kene, jor pora kandise; aru tarkhan laga kanda tu noukar kaam pora amar Pitri logot te uthi jaise. Amar Pitri tarkhan laga kanda tu hunise, aru Tai Abraham logot te, Isaac logot te, aru Jacob logot te kora Tar vachan tu monte anise. Amar Pitri Israel manuh khan ke saise, aru Tai sob bujhi loise.