تسلّی ورن اولمایان گؤز یاشلاری
واعظ تسلّی ورن اولمایان ظولمو گؤرور و اؤلولری دئرئلردن داها بختئیار آدلاندیریر. حسد ائشلرئن چوخونو یؤنلدئر. آمّا ائکی نفر بئردن یاخشیدیر: دوشنده سنی قالدیران، سنی قیزدیران، صفی ساخلایان بئری. حتّا محبوب بئر پادشاه دا تئزلئکله ائستنمه‌یَن اولور.
4 1گئنه باخیب گونش آلتیندا اولان بوتون ظولمو گؤردوم: مظلوملار گؤز یاشی تؤکدولر و اونلارا تسلّی ورن یوخ ائدی؛ ظولمکارلارین الئنده قودرت وار ائدی، و حله ده تسلّی ورن یوخ ائدی. 2اونا گؤره، آرتیق اؤلموش اؤلولری، حله ده ساغ اولان دئرئلردن داها بختئیار اعلان اتدئم. 3هر ائکئسئندن داها یاخشی، حله دوغولمامیش آدامدیر کی، گونش آلتیندا اولان پئسلئیی گؤرمه‌یئب. 4گؤردوم کی، بوتون زحمت و مهارت، بئر کسئن اؤز قونشوسونا اولان حسدئندن عمله گلئر. بو دا کچئب-گدن بئر شیدئر، یل دالینجا قاچماقدیر. 5آخماق اللرئنی قوووشدوروب اؤزونو محو ادر. 6راحاتلیق ائله بئر اوووج، زحمت و یل دالینجا قاچماقلا اولان ائکی اوووجدان یاخشیدیر.
7گئنه گونش آلتیندا کچئب-گدن بئر شی گؤردوم:
8بئر آدام تک‌دئر؛ نه یولداشی، نه اوغلو، نه ده قارداشی وار؛ زحمتئنئن سونو یوخدور، آمّا گؤزلری هچ واخت ثروتدن دویمور. او سوروشور: «کئمئن اوچون ائشله‌یئرم و اؤزومو یاخشیلیقدان محروم ادئرم؟» بو دا بئر نفسدئر — پئس بئر وظئفه.
9ائکی نفر بئردن یاخشیدیر، چونکی زحمتلرئنئن یاخشی عوضی وار: 10اگر بئری دوشسه، او بئری اونو قالدیریر. آمّا تک دوشَن آدامین حالینا یازیق، چونکی اونو قالدیرماغا کؤمک ادن یوخدور. 11همچئنئن، اگر ائکی نفر بئرلئکده یاتسا، قیزیشارلار. آمّا تک اولان نجه قیزیشا بئلر؟ 12تک آدامی مغلوب اتمک اولار، آمّا ائکی نفر موقاوئمت اده بئلر. اوچ قاتدان هؤرولَن ائپ تئز قیریلماز.
حئکمتلی جاوان و آخماق پادشاه
13یوخسول و حئکمتلی بئر جاوان، آرتیق نصیحت قبول اتمه‌یی بئلمه‌یَن قوجا و آخماق بئر پادشاهدان یاخشیدیر. 14بلکه بو جاوان پادشاهلیق اتمک اوچون زئنداندان گلئب، و یا همن پادشاهلیقدا یوخسول دوغولوب. 15گونش آلتیندا گَزَن بوتون دئرئلری گؤردوم کی، پادشاهین جانئشئنی اولان بو جاوانین دالینجا گدئردئلر. 16اونون قاباغیندا اولان بوتون خالقین سایی-حسابی یوخ ائدی. آمّا سونرا گلنلر اوندان راضی قالمادیلار. بو دا کچئب-گدن بئر شیدئر، یل دالینجا قاچماقدیر.
