Solotibou akibü nyeksi

Jongsakbouei solotibou akibü khonkutibü hapkei, hoba haibü shuong kho langbü shuong toje olinbou ki dogo lauda. Kümsilei pophoan kho lepbou to dühbü laüa longda. Lausikei penyi kho che toje maibou: tuonglaje angtibou, kaibü sem shemtibou, hoba kaibü thüka yepmanglepbou cheei kia. Mütshuong sanoubü Choba tokei amangsühbü yeilabü.

Chapter 4.

Ngei nyibou chühan, chanyu phanga ai khonkutibü pendou hapbei: khonkuti lapbü shuong nyeksi angbo kikei, hoba haoen solotibou akitei; khonkuti kümbü shuong ik ka hau kikei, lausikei solotibou lele akitei. Kheijinei lai haian apbü shuong, lele lang kibü langkei shuong toje olinbou dogo ngei laukei. Haosi penyi toje, chanyu phanga kümbü amaibü ahapko kibü, abukjinko kibü kho maibou ki. Ngei hapbei, kümsilei hoba iksei pendou kho müt cheei haoeibü lepbou to dühbü laüa longda. Ho kei longche shanga ki, yei shieibü ong. Ngoubüei haoeibü ik pophoan himshuong mautida. Kümsilei hoba yei shieibü yoa ikmaang penyi toje, koshikbü yoa ikmaang che maibou.

Ngei nyibou chühan, chanyu phanga longche shanga denche che hapbei:

Müt che mütpem ki, jenabou akitei, shou ayingsi na akitei; haoeibü kümsilei thonbü akitei, lausikei haoeibü nyekei nyaksinamei ashemda. “Ngo ao shanga kümsilei kümda, hoba himshuong maibü ka banganda?” dogo haoei phekei. Ho kei hak che ki—amaibü kümsilei che.

Che toje penyi maibou, aishanga haoeneibü kümsileia maibü pailet hapda: Cheei tuonglonga, lubüei hao angtida. Lausikei aoei mütpemei tuonglaje, hao to onou, aishanga hao angtibou akitei. Tokei, penyi liko yeplonga, haosi lemabü hapenlabü. Lausikei che mütpemei küman lemabü hapenla? Che mütpem kho aoei thükla haüda; lausikei penyiei kho teshekla haüda. Lüh sem souyobü kho tongde aluluda.

Songsido kibü heshou hoba ngoubü Choba

Baushi hoba ngoubü, touje hai jungeila angebü Choba toje, shalebü hoba songsido kibü heshou maibou. Heshou kho songdakla thüngdang ka loukei, ayingsi hao kho sametbü Sanglea shalebü bukkukei. Ngei chanyu phanga pailamkabü langkei kibü pendou, Choba jeian loubü heshou phai sembü hapbei. Hao thedanga loubü müt pendou aweenko kikei. Lausikei latetche loubü shuong hao yoa amaikuda. Ho kei longche shanga ki, yei shieibü ong.