Otsak 1

1 ¹Amei Theophilus, iwui khare lairikli, Jishuna haokaphok eina sā kala tamchithei ot saikorawui pongli ina kapihaira, ²ana kapangkhui paokazatbingli Manglā Kathara eina ningmihailaga, ali khuikā kahai zimiksho eina tangda. ³Awui kakhanang samphanga thili, ana zimiksho hangmati athumli rāsamphangda, ithumwui Avā wungramwui pongli hāngda, tharzā kachungkha eina akhalatta kharing eina athumli chithei. ^a a v3 Jishuna tamchithei wungram chi hi ithumwui Avā okathuili khamung sāda rāzang china — chikatha khamung chi azeili okthui kala hāshok khavai ana awui sākhangatha̱bingli poi kahaina.

⁴Athumli ngasoda leilakha, ana athumli Jerusalemwui eina mazatthuilakalu, kha iwui Avāwui tuingashit chi ngaraikhavai ningmi—"chi," ana hānga, "nathumna iwui eina shākahai; ⁵kaja Johnna tara̱ eina ra̱hikmi, kha zimiksho kasha̱kha lungli Manglā Kathara eina nathumli ra̱hikmira."

⁶Chieina athum kazip katonga eina ngahāna, "Proho, nana ara Israelli wungram chi hanmiluirala?"

⁷Ana athumli hānga, "Iwui Avāna awui akhalattawui pangshap eina shān kahai atam eina otshot chi theihai hi nathumwui vang maningmana. ⁸Kha Manglā Kathara nathumwuitungli rāra tharan, nathumna pangshap samphangda, Jerusalemli, Judea katonga, Samaria, kala okathui achikun saikorali iwui shākhi ngasāra."

⁹Ana hi hānghai thili, athumna yangda leilakha, ali kazingram shong khuikāhaowa, kala muiyā akhana ali athumwui mikyanwui eina thumhaowa. ¹⁰A vākai tharan, athumna kazingram shong yangkazazak eina leilakha, yanglu, kachar kachon sang mi khani athumwui ngalemli nganinga. ¹¹Athumna hānga, "Galileenaobing, khisāda kazingram shong yangkazazak eina leikhala? Nathumwui eina kazingram shong khuikā kahai Jishu hi, nathumna a vākai chi kathei thada, ana tākam eina latungra."

Awui Pamli Nganingshing Shākhi akha

¹²Chieina athumna Olive kaho phungreiwui eina Jerusalemli latunga, chi Jerusalem eina nganai, kilometer akha shakha tai. ¹³Zanglaga, Peter, John, James, kala Andrew, Philip, Thomas, Bartholomew, kala Matthew, Alphaeuswui nao James, yurli leikashe Simon, kala Jameswui naomayara Judasna pamkasā mathāng atoli kāhaowa. ¹⁴Hibing saikorana sha̱naobing, Jishuwui ava̱ Mary, kala achināngarābingli ngasoda, katonga eina seihā sāchinga.

¹⁵Atam chitharan Peterna avānaobing (katonga eina mi shākha maga̱ shakha tai) ngachaili ngakarthuida hānga, ¹⁶"Ivānaobing, Manglā Katharana David khamor eina achālakha hānglaga, Jishuli tukkhuibingwui thānkhame ngasā kahaiya Judaswui pongli hāngkahai kathara tui chi ungshung khavai kajina. ¹⁷Kaja a ithumli ngarumda shānkhui kahaina, kala otsak hiwui sharuk chi yartai kahaina." ¹⁸(Mi hina awui morei kasāwui aman eina lui akha lohaida, chiwui thili akui shong tahaida, alungthungli ngawokkhaida awui ining saikora shokrāhaowa. ¹⁹Hi Jerusalemli kapama saikorana theisera, chiwui vang eina lui chi athumwui tuiyur eina Akeldama phokmi; chiwui kakhalata Ashee Lui kajina). ²⁰"Kaja Laa lairikli hithada kapihaida lei: 'Awui rāmrah horhaida ngachakyānghaoranu, chili kapama mi maleiaranu,' kala 'Awui otpam katei akhana khuithuihaoranu.'

²¹Chiwui vang eina, Proho Jishu ithumwui ngachaili ungshung-vāshung sāthai atam saikora, ithumli ngasotabing, ²²Johnwui ra̱kahikwui eina thuilaga ithumwui eina khuikā kahai zimiksho eina tangda, hibingwui ngachai eina akhana ithumli ngasoda awui ringkashokwui shākhi akha sāphalungra."

²³Kala athumna Barsabbasla kaho Joseph (chi Justusla kahola), kala Matthias, mi khani khuirāhaira. ²⁴Athumna seihā sāda hānga, "O Proho Jishu, mi saikorawui wuklung theiser nana, khani hiwui ngachai eina khipāli nana kapangkhuikhala kaji chitheimilu, ^b b v24 Paokazatbingna Jishuli seihā sai—kaja ana thaklāk eina paokazat tharāda khani chi kapangkhui kahaina, kala ara Judaswui otpamli sanglui khavai khipāli kapangkhui kaji ana thei. A mānga paokazatwui hokakhuiwui Prohona. ²⁵Judasna awui kachichāram vākhavai thuihai hi otsak kala paokazatawui otpam khuithui khavaina. ²⁶Athumna athumwui vang kalā yanga; kalā chi Matthiasli tāhaowa, kala ali paokazat tharāda akhawui ngachaili ngasāhaowa." ^c c v26 Kalā yang hi achālakhawui otsak akhana—khāmshui thangkhai kathāna—kaphen chi Varena mayāngmi khavai sākahaina.