Baom In la Serizo
Kanu laa. David om laa.
Ani Pa in la setanu bina se ongnu mi ga karo rwe, ket ga batak takka inkhaan sung bi han ong rwe. Namlian ga phum rwan bing bang karung thangnu khatle chong kasemnu mun gaye, atibriakpina maanna haga om dai bazaangnu lang hweiniwe, khatle bain lang make atiyeda baunao rwan lang chungna towe diga rinne.
122 1Akhou, “Ani Pa in la serizo,” diga rinnu mi nun le diga ei karo ngaake. 2Jerusalem, nang om inkhaan bing bi ani ket ga han ong rwe. 3Jerusalem ga tipka khatcha pi bang karung thangnu namlian dan pi bacha thang rwe, 4Habei la phum rwan bing, ani Pa om phum rwan bing, Israel lang chongtan danga, ani Pa meng ding swanka thang lang ka nge. 5Balangbe habei ga chong kasemnu lang krwang takung riak bing, David inkhun om krwang takung riak bing to thang rwe.
6Jerusalem om dai bazaangnu lang hweiniyo: “Nang ding kriangnu mi nun ga basak ong ding ngo. 7Nang om kapan bi dai bazaangnu am ding ngo, nang om in liannu bi kachi makka ong ding ngo.” 8Aunao rwan le abaan rwan lang chungna, eina, “Nang sung bi dai bazaangnu am ding ngo,” diga rinlune. 9Ani Pa om in lang chungna, eina nang lang kasanu ding zonglune.