Me basika na mukanda
Dibuku

Beto Kwenda na Yinzo ya Yandi

Zimbu ya kumata. Ya Davidi.

Kyese ya muntu yina me kwenda na lusambulu ntangu yandi ke kuma na yinzo ya Tata ya beto, makulu ya yandi me telama ya kyeleka na kati ya myelo. Mbanza kele kisika yina bifumba ke kumata kintwadi mpe kisika yina ba ke fundisaka, na yina yandi ke sambila samu na kiwisa ya yawu, mpe yandi ke tuba ti yandi ke sala yawu samu na bampangi ya yandi, kasi ve samu na yandi mosi.

Kapu 122.

Mu yangalalaka na bayina tubaka na munu: «Beto kwenda na yinzo ya Tata ya beto.» Makulu ya beto me telama na kati ya myelo ya nge, Yelusalemi. Yelusalemi, ba tungaka yawu mutindu mbanza yina me kangama ngolo kintwadi, Ni kuna bifumba ke kumata, bifumba ya Tata ya beto, mutindu ntumunu samu na Isayeli, samu na kutonda Nkumbu ya Tata ya beto. Samu ti kuna, ba tulaka bakiti ya kintinu samu na kufundisa, bakiti ya kintinu ya dikanda ya Davidi.

Beno sambila samu na kiwisa ya Yelusalemi: «Bika ti bayina ke zola nge kuvwanda na kizunu. Bika ti kiwisa kuvwanda na kati ya bibaka ya nge, kuvwanda ya ngolo na kati ya banzo ya nge ya ngolo.» Samu na bampangi ya munu mpe bantwenya ya munu, mu ke tuba: «Bika ti kiwisa kuvwanda na kati ya nge.» Samu na yinzo ya Tata ya beto, mu ke sosa mbote ya nge.