Tiendeni ku Nyumba Yace
Nyimbo yakukwira. Ya Dhavidhi.
Kutsandzaya kwa nyakufamba pakufika pa nyumba ya Baba wathu, miyendo yace kuimirira mwandimomwene nkati mwa misuwo. Mzinda ndi mbuto inagumanyikira mabanja, pontho mbuto inaperekwa kulungama, natenepa iye asaphemba ntendere wace, mbalonga kuti asacita pyenepi thangwi ya abale ace, tayu thangwi yace ene.
122 1Ndatsandzaya pabodzi na ale adandipanga kuti: “Tiendeni ku nyumba ya Baba wathu.” 2Miyendo yathu iri kulimira n'kati mwa misuwo yako, Yerusalemu. 3Yerusalemu, wakumangwa ninga nzinda wakuphatana mwakukhwima, 4Kweneko ndiko kunakwira madzinza, madzinza a Baba wathu, ninga ntemo wa Izarayeli, toera kutenda dzina ya Baba wathu. 5Thangwi kweneko ndiko kudaikhwa mipando ya kutonga miseru, mipando ya nyumba ya Dhavidhi.
6Phembani ntendere wa Yerusalemu: “Ale anakufuna iwe mbakhale mwakupuma. 7Mbukhale ntendere n'kati mwa makhuma yako, citsidzikizo n'kati mwa minyumba yako yaukulu.” 8Thangwi ya abale anga na axamwali anga, ndinalonga: “Mbukhale ntendere mukati mwako.” 9Thangwi ya nyumba ya Baba wathu, ndinasaka pyadidi pyako.
