Zaburi 122

122 ¹ Nalifurahi pamoja na wale waliosema kwangu, "Na twende nyumbani kwa Baba yetu." ² Miguu yetu inasimama ndani ya malango yako, Ee Yerusalemu. ³ Yerusalemu, uliojengwa kama mji ulioshikamana pamoja imara, ⁴ ambako makabila hupanda, makabila ya Baba yetu, kama amri kwa Israeli, kulishukuru jina la Baba yetu. ⁵ Kwa maana huko viti vya enzi vya hukumu viliwekwa, viti vya enzi vya nyumba ya Daudi.

⁶ Iombeeni Yerusalemu amani: "Wapate raha wale wakupendao. ⁷ Amani iwe ndani ya kuta zako, salama ndani ya ngome zako." ⁸ Kwa ajili ya ndugu zangu na wenzangu, nitasema, "Amani iwe ndani yako." ⁹ Kwa ajili ya nyumba ya Baba yetu nitakutafutia mema.