Tiyeni Tipite Kunyumba Yake
Nyimbo yokwerera. Ya Davide.
Chisangalalo cha munthu woyenda ulendo wopembedza pofika ku nyumba ya Atate wathu, mapazi ake ataimadi m'kati mwa zipata. Mzindawo ndi kumene mafuko amasonkhana ndiponso kumene chiweruzo chimaperekedwa, choncho akupempherera mtendere wake, ndipo akunena kuti akutero chifukwa cha abale ake, osati chifukwa cha iye mwini.
122 1Ndinakondwera pamodzi ndi iwo amene anati kwa ine, “Tiyeni tipite kunyumba ya Atate wathu.” 2Mapazi athu aima pakati pa zipata zako, Yerusalemu. 3Yerusalemu, womangidwa ngati mzinda wophatikizidwa molimba, 4kumene mafuko amakwera, mafuko a Atate wathu, monga lamulo la Israeli, kuyamika dzina la Atate wathu. 5Pakuti kumeneko panaikidwa mipando yachifumu yoweruzira, mipando yachifumu ya nyumba ya Davide.
6Pemphererani mtendere wa Yerusalemu: “Iwo amene amakukonda akhale pa mpumulo. 7Mtendere ukhale mkati mwa makoma ako, chitetezo mkati mwa malinga ako.” 8Chifukwa cha abale anga ndi anzanga, ndidzanena kuti, “Mtendere ukhale mwa iwe.” 9Chifukwa cha nyumba ya Atate wathu, ndidzafunafuna zabwino zako.
