Reka Tuje Mu Nzu Yiwe
Ururirimbo rwo kuduga. Urwa Dawidi.
Umunezero w'umugenzi ashitse ku nzu ya Data wacu, ibirenge vyiwe vyahagaze koko imbere y'amarembo. Igisagara ni ho imiryango ihurira kandi ni ho imanza zicirwa, ni co gituma asabira amahoro yaco, kandi avuga ko abigira ku bw'abavukanyi biwe, atari ku bwiwe.
122 1Naranezerewe n’abambwiye bati: “Reka tuje mu nzu ya Data wa twese.” 2Ibirenge vyacu birahagaze mu marembo yawe, Yeruzalemu. 3Yeruzalemu, yubatswe nk’igisagara gishimangiwe neza hamwe, 4aho imiryango iduga, imiryango ya Data wa twese, nk’itegeko rya Isiraheli, kugira ishimire izina rya Data wa twese. 5Kuko ng’aho ari ho intebe z’ubwami zo guca imanza zashinzwe, intebe z’ubwami z’inzu ya Dawidi.
6Nusabire amahoro ya Yeruzalemu: “Abagukunda nibaruhuke. 7Amahoro nabe mu nkuta zawe, umutekano mu bihome vyawe.” 8Ku bwa bene wacu na bagenzi banje, nzovuga nti: “Amahoro nabe muri wewe.” 9Ku bw’inzu ya Data wa twese, nzorondera iciza cawe.
