Nĩtũthiĩ Nyũmba Yake
Rwĩmbo rwa kwambata. Rwa Daudi.
Gĩkeno kĩa mũgendi wa kũhooya gwa gũkinya nyũmba ya Ithe witũ, magũrũ make marũgamĩte o thĩinĩ wa ihingo. Itũũra inene nĩkuo mĩhĩrĩga ĩcemanagia na nĩkuo ciira ĩtuagĩrwo, nĩ ũndũ ũcio akahooera thayũ warĩo, na akoiga atĩ ekaga ũguo nĩ ũndũ wa aariũ a nyina, ti nĩ ũndũ wake mwene.
122 1Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Ithe witũ.” 2Magũrũ maitũ nĩmarũgamĩte ihingoinĩ ciaku, wee Jerusalemu. 3Jerusalemu, yaakĩtwo ta itũũra inene rĩnyiitithanĩtie hamwe wega, 4kũrĩa mĩhĩrĩga yambataga, mĩhĩrĩga ya Ithe witũ, ta watho wa Isiraeli, gũcookeria rĩĩtwa rĩa Ithe witũ ngaatho. 5Amu kũu nĩkuo haaigĩrĩirwo itĩ cia ũnene cia gũtuanĩra ciira, itĩ cia ũnene cia nyũmba ya Daudi.
6Hooyagĩrai thaayũ wa Jerusalemu atĩrĩ: “Arĩa makwendete marogĩa na ũhurũko. 7Thaayũ ũrogĩa thĩinĩ wa thingo ciaku, ũgitĩri thĩinĩ wa ciĩgitĩro ciaku cia hinya.” 8Nĩ ũndũ wa ariũ a baaba na arata akwa, nguuga atĩrĩ, “Thaayũ ũrogĩa thĩinĩ waku.” 9Nĩ ũndũ wa nyũmba ya Ithe witũ, nĩngaacaria wega waku.