Amikhan Tar laga ghor te jabo
Uporte uthi juwa laga gana. David laga.
Amar Pitri laga ghor te pohuchi kene ekjon tirtho jatri laga khushi, tai laga theng to sachai duar khan bhitor te khara ase. Etu sheher te sob gusthi khan joma hoi, aru ta te nyay diya hoi, etu karne tai iar shanti nimite prarthana kore, aru koi tai etu nijor nimite nohoi, tar bhai khan nimite kore.
122 1Moi khushi hoise, kun manuh khan pora moi ke koise, “Amikhan amar Pitri laga ghor te jabo.” 2Amikhan laga theng khan tumar duar khan bhitor te khara ase, he Jerusalem. 3Jerusalem to, bhal pora joda kori rakha ekta sheher nisena bonaise, 4juntu jagate jati khan uthi jai, amar Pitri laga jati khan, Israel nimite ekta niyom nisena, amar Pitri laga nam ke dhanyavad dibole. 5Kilemane ta te bisar kora laga singhason khan rakhise, David laga ghor laga singhason khan.
6Jerusalem laga shanti nimite prarthana koribi: “Tumi ke morom kora khan aram te thakibi. 7Tumar dewal khan bhitor te shanti thakibi, tumar gorh khan bhitor te surakhsha thakibi.” 8Moi laga bhai khan aru moi laga sathi khan nimite, moi kobo, “Tumar bhitor te shanti thakibi.” 9Amar Pitri laga ghor nimite moi tumar bhal ke bisaribo.