Sen Haoeibü Chem to Hauakho
Angbü chia. Dawideibü.
Yenpaibü müt che seneibü Bou chem to loubüa olinbü, haoeibü you maimaitham bakhün thükto loan ki. Sangnyu kho chemdangbü shuong khüto angbü hoba matjem kubü shongko ki, kheijinei haoei kho sangmai shanga welauda, hoba haoei kho himshuong shanga aying lausikei haoeibü jaisina shuong shanga kümda dogo lauda.
122 1Kü to, “Sen seneibü Bou chem to hauakho,” dogo laubü shuong yoa ngo olinkei. 2O Jerusalem, kaibü bakhün thükto seneibü you loan ki. 3Jerusalem kho aeibou yaangko phenyoan kibü sangnyu che tegü dangan kikei, 4Seneibü Bou nyena nyensang kula shanga, Israel shanga ngühkhüm tegü, seneibü Bou phang shuong khüto angda. 5Aishanga khünei matjem shanga choba setshang shuong, Dawid chemdangbü choba setshang phokukei.
6Jerusalem sangmai shanga welauashi, “Ka to sanoubü shuong haksoa kishima. 7Kaibü banyu thükto sangmai kishima, kaibü lapheishong thükto hakso kishima.” 8Kü jaisinasi hoba kü himshuong shanga ngei laulabü, “Ka thükto sangmai kishima.” 9Seneibü Bou chem shanga ngei kaibü maibü lamlabü.
