Tika ete Tokende na Ndako na Ye
Loyembo ya komata. Ya Davidi.
Esengo ya mobembeli ntango akomi na ndako ya Tata na biso, lokola makolo na ye etelemi na kati ya bikuke. Engumba yango ezali esika mabota ekutanaka mpe esika bosembo epesamaka, yango wana abondeli mpo na kimia na yango, mpe alobi ete asali yango mpo na bandeko na ye, mpo na ye moko te.
122 1Nasepelaki elongo na bato oyo balobaki na ngai : « Tika ete tokende na ndako ya Tata na biso. » 2Makolo na biso mazali kotelema na kati ya bikuke na yo, Yerusalemi. 3Yerusalemi, etongami lokola engumba oyo ekangami makasi esika moko, 4esika oyo mabota matamboli, mabota ya Tata na biso, lokola mobeko mpo na Isalaele, mpo na kozongisa matondo na Kombo ya Tata na biso. 5Pamba te kuna makolo ya bokonzi mpo na bosambisi etiamaki, makolo ya bokonzi ya ndako ya Davidi.
6Bondela mpo na kimia ya Yerusalemi : « Tika ete bato oyo balingi yo bapema malamu. 7Tika ete kimia ezala na kati ya mur na yo, bokengi na kati ya bandako na yo ya minene. » 8Mpo na bondeko na ngai mpe baninga na ngai, nakoloba : « Tika ete kimia ezala na kati na yo. » 9Mpo na ndako ya Tata na biso nakoluka bolamu na yo.
