Asenoki Pa Ki Kidangi Odi
Atutsü ken. Dawid nüng.
Asen Tebu ki dangi aruba nung aener nisung ka tepela, pa tetsüng shitaka süngkhüm manung noktaka. Yimti iba kidongtem lungjema odang aser obendang talidak lir, anungji pai pa tesünep asoshi sarasadem, aser pa sasa asoshi masü, saka pa adianutem asoshi iba inyakogo ta ashi.
122 1“Asenoki asen Tebu ki kidangi odi,” ta kü dang ashiba parnok den ni pela-a liasü. 2Oh Yirusalem, asenok tetsüng ne süngkhüm nung noktaka lir. 3Yirusalem, akanga sütepa taktepba yimti ama yanglu, 4Asen Tebu tenüng nem tenüngsang agütsü asoshi, Israel asoshi ozüng ama, kidongtem, asen Tebu kidong, idakji atu. 5Kechiaser idakji o bendang asoshi chuba mendentem, Dawid kidong chuba mendentem, toktsüa liasü.
6Yirusalem tesünep asoshi sarasademang, “Na meimertem anisüngzük ngudakjang. 7Ne jara nung tesünep alidakjang, ne mitsatem nung makai alidakjang.” 8Kü adianutem aser kü medemertem atema, ni ashitsü, “Ne nung tesünep alidakjang.” 9Asen Tebu ki atema ni ne tajung bushitsü.